SAN LUCAS 6:26 - Enhlit Bible

²⁶ Quellhip layi apquiltimesomap apquiltamila. Apquiltajanyeclhec actemaclha ilhnic nat profetas mopvancaa amyaa ayinyema apquilayo ilhnic nat apyapmayc.

SAN LUCAS 6:26 Iomraidhean Croise

PROVERBIOS 27:21

Talha actomja ayalhnascama oro najan plata. Mayayoclha enlhit najan mepqui ayayo, cotnejic ningyicpilquemo aptemaclha enlhit.

ISAÍAS 30:10

Yitnec apquilpayvam apquilanyacpo profetas: ¡Nojingiltimnas nasa acvitay apquilvanmoncama quellhip! Nojingiltimnas nasa actemaclha acpeyvomo, jingiltimnas amyaa ningyisponcama nincoo. ¡Nojingilinmelham nincoo naysicsa ayitsepma ingnenyaoc!

JEREMÍAS 5:31

Avanjec mataa apquilmopvan amyaa profetas. Apquiltingyac asoc apancaoc sacerdotes. ¡Apquilyispaquic mataa enlhit ajancaoc actema nac jay! ¿Co laa eltimjic sat quellhip actamongvamlha nelha acnim? — alhta aptomjac Visqui ingac.

MIQUEAS 2:11

Yitnec sat ancoc apmopvan amyaa enlhit: Ingvanquic ongyinamcoc anmin najan uva ayingmenic — sat etnejic maa. Aptamila sat etnejic profeta nipyesicsa apnaymacoc — nic nat aptomjac profeta.

SAN MATEO 7:15

Aptomjac alhta mocjam Jesús: ‘Elavojo quellhip apquilsoycam apquilmopvancaa amyaa apquilpalhavoy nipyesicsa quellhip. Apquilyitsomacpo apanco inyicje nipquesic. Eyca malha asoc navjac aclom apquiltemaclha apancaoc.

SAN LUCAS 6:25

Quellhip layi quilhvo apquilyipcanyam. Mayc sat incolnapoc quellhip. Quellhip layi quilhvo apquilictingmaycam. Elinlhamam sat quellhip, elyapcalhic sat najan.

SAN JUAN 15:19

Apquilvajanamquic sat ancoc quellhip apquiltemaclha enlhit lhalhma anco, malha apquilpalhaviyam, elasicjacpojoc sat quellhip. Inmasquec apquilpalhaviyam quellhip, ayinyemaclha alyacyesquic alhta coo quellhip nipyesicsa enlhit lhalhma anco. Eycaso ayinyema apquiltanovmap quellhip nipyesicsa enlhit lhalhma anco.

SAN JUAN 7:7

Am eltanovacpoc mocjam quellhip nipyesicsa enlhitaoc lhalhma anco. Coo eyca actanovalhcac, ayinyemaclha aclingasquic coo apquiltemaclha almasomcaa enlhit lhalhma anco.

ROMANOS 16:18

Am colhenac mataa apquilvalhoc as enlhitaoc yoyam elanam Jesucristo Visqui ingac. Inlhenquic mataa acvamlha apquilvalhoc nintom yoyam elyipcanmojo. Apquiltamilsam mataa apquilpayvam as enlhitaoc yoyam elvajansic ingilyalhinga apquiltomja apquiltamilcasomacpo apanco.

SANTIAGO 4:4

¿Apquillinga ya quellhip? ¡Enlhit apquilmapsomcaa nac quellhip! Ningyispaquic sat ancoc apquiltemaclha enlhit lhalhma anco, mongvanquejec ongilasicjojo Dios Ingyapam. Ningiltimec sat ancoc ingnaymacoc enlhit lhalhma anco yoyam ongilvajaniclhojo apquiltemaclha, natamin jintimjic nincoo metnaja apnaymacoc Dios Ingyapam.