SAN LUCAS 6:21 - Enhlit Bible

²¹ Apquilinyejemo nac quellhip quilhvo alnapma mayc. Elyipcanmiclhac sat quellhip. Apquilinyejemo nac quellhip quilhvo apquilyapcalhem. Elictingmam sat quellhip.

SAN LUCAS 6:21 Iomraidhean Croise

GÉNESIS 17:17

Yejemoc nic nat apquilpolintamo nalhpop Abraham. Apticlhiquic acpayjaclha napaat nalhpop. Apcasmasquic nic nat Abraham. Intomjac nic nat apvalhoc: —Sicvanyam coo, cien años acvocmoc. ¿Evanqui ya otac sictamongvoyam? Acvanyam najan etava Sara, noventa años invocmoc. ¿Avanqui ya cotac ayitca?— nic nat intomjac apvalhoc.

GÉNESIS 21:6

Intomjac nic nat avalhoc Sara: —Dios alhta setnesquiscama yoyam ongvictingmam (ongvasmacsic). Elasmacsic sat moclhama apquiltomja apquillingay aptiyacmo sictamongvoyam.

SALMOS 107:9

Aptomjac singmescama ningyam naysicsa acnim singajem. Aptomja singmescama nintom naysicsa mayic singajem.

SALMOS 119:136

Avanjec mataa sicvinama sicvita enlhitaoc mepqui apquilyiplovquiscama lhip appayvam.

SALMOS 143:6

Almalhnaquic mataa lhip sicmiyasquiclha netin emeoc. Inyamacoc evalhoc coo. Malha ningvita lhopactic mepqui acmamay.

SALMOS 17:15

Coo eyca actamila evalhoc. Otac sat lhip napaat. Olhic sat napato lhip natamin siclhaticjay.

SALMOS 28:7

Visqui ingac aptomja semasma. Epasmec coo ayinyema moyasquiyam. Payjeclhec evalhoc coo. Otnejic mataa gracias lhip naysicsa sicminaycmascama.

SALMOS 65:4

Ningilinyejemoc anco nincoo singilyacyescama. Singnalayclha apnaclha lhip, yoyam ongnam lhip tingma pac apponquinomap. Ipayesiclha sat ingilvalhoc ningvita sat asoc altamila congne tingma apponquinomap.

ISAÍAS 25:6

Apquillanescasquic nintom actamila tingma Jerusalén Visqui ingac Apyimtalhnamo. Eltasomoc sat enlhitaoc lhalhma anco nintom actamila anco, acyiplomo uva ayingmenic actamila. Eltasomoc sat nintom actamila, acmasis anco, acyiplomo uva ayingmenic acmasis.

ISAÍAS 30:19

Quellhip apnaycam tingma Jerusalén. Elvatsaoc apquilyapcalhem. elimliclhojoc sat mocjam Dios, apquilmalhna inlhojo quellhip, acyiplomo apquilyimnatescama apquilpayvam quellhip, yoyam ingyatingmojo Dios.

ISAÍAS 66:10

Elitsovacsojo sat lhama tingma Jerusalén. Colpayjiclha apquilvalhoc aplhamoclhojo apquiltomja apquilasicjayo as tingma. Elpasmiclha apquilitsovascama quellhip apquiltomja alhta apquilmapyovseca apquilvita tingma.

JEREMÍAS 13:17

Am sat ancoc eljalhnoc quellhip as amyaa, oyilhanmoc sat coo, yoyam oyipcalhic maa, ayinyema apquiltemaclha apancaoc quellhip. Cotyapoc sat ate ayingmenic naysicsa sicvinama, sicvita inlhojo apquilmomap quellhip, malha Visqui ingac apnatoscama apquilmomap.

JEREMÍAS 31:25

Olmesic sat aptoycaoc mepqui apquilsovjomo, najan apyinaycaoc enlhit apquilyampay najan melyimnatem — alhta aptomjac Dios.

JEREMÍAS 31:9

Elvotac sat acyiplomo apquililmalhnancama, najan naysicsa apquilvinama. Onaliclhac sat amay acpeyvomo, elvitac sat acyitnamaclha yingmin actamila. Coo sicvisay apquilyap israelitas, apquilyitsomacpo sictamongvoyam Efraín, aptomja aptiyam apmamyi — alhta aptomjac.

JEREMÍAS 9:1

Altamjo inyicje colhojoc ajataoc actiyapmaclha yingmin, actemaclha ate yingmenic ayinyem, olyapcalhic sat acnim anco najan alhtaa, aclhanma evalhoc enaymacoc apticyovam (apquilmasquingvoyam).

EZEQUIEL 7:16

Elinyajamcoc sat napocja netin inquilhe alvinatem, colhojoc sat apquiltemaclha apquilay valhaay. Ellingamcojoc sat acyimtalhnama, ayinyema apquilsilhnanomap apanco napato Dios.

EZEQUIEL 9:4

Aptomjac Visqui ingac apcanya: Isavojo sat enlhitaoc apnaycam Jerusalén. Ilcajas sat asoc monquinatquiscama payjaclha napaat moclhama mejelyamasma coo, acyitna inlhojo acmayovsa apquilvalhoc apquilvita apquiltemaclha acmasom apnaymacoc, yoyam elmiyovacpoc sat — alhta aptomjac.

SAN MATEO 5:4

‘Apquilinyejemoc anco enlhit apquilmapyovsica. Dios Ingyapam sat eltamilquiscomoc apquilvalhoc.

SAN MATEO 5:6

‘Apquilinyejemoc anco enlhit apquilmayjayo actemaclha acpeyvomo, malha mayc alnapma najan acnim alnapma. Dios Ingyapam sat epasmoc yoyam ellhovangvomoc.

SAN LUCAS 1:53

Altamila asoc apquilyipcanimcasac enlhit alnapma mayc. Mepqui asoc apquilmaycam apquilapajasac enlhit ningilnatam inyap.

SAN LUCAS 6:20

Yejemoc alhta apquillano apquiltamsoycaoc, apquilpamejitsa: —Apquilinyejemo nac quellhip mepqui asoc. Quellhip apancaoc Dios apquilnancascama.

SAN LUCAS 6:22

Apquilinyejemo nac quellhip apquiltanovacpo inlhojo. Apquiltemaclha enlhit apquiltanoncama quellhip, najan apquilapajascama, najan apquilyamneycam, najan apquilantipquiscama apquilvisay quellhip. Ayinyema sicvisay Sictiyam Sictomja Enlhit.

SAN LUCAS 6:25

Quellhip layi quilhvo apquilyipcanyam. Mayc sat incolnapoc quellhip. Quellhip layi quilhvo apquilictingmaycam. Elinlhamam sat quellhip, elyapcalhic sat najan.

SAN JUAN 11:35

Apvinec alhta Jesús.

SAN JUAN 4:10

Apcatingmavoc alhta Jesús: —¿Inyasamco ya lhca Dios Ingyapam apcaycaoc? ¿Jeyicpilco ya coo siyanya lhac jeyacvesic yingmin? Ayanayc coo am jeyicpilcac lhiya. Jeyicpilcoc sat ancoc lhiya, quilhvoc sat jeyanic, yoyam omquesic lhiya yingmin actemaclha mongitsepma —alhta aptomjac.

SAN JUAN 6:35

Aptomjac alhta apquillhicmosa Jesús: —Coo nac sicvisay nintom acyimnatescama ingnenyic. Cajejec sat mataa mayc aptomja seyoycta. Cajejec sat mataa acnim aptomja mejeyasquiyam.

1 CORINTIOS 4:11

Acvocmo quilhvo nac jay ninlingaycamco mayc najan mepqui yingmin ningyinaycaoc najan mepqui ningilantalhnama. Ninlingamcoc singilyicpilhqueteycaoc nipyesicsa enlhitaoc. Paj najan nincoo tingma ingac.

2 CORINTIOS 11:27

Avanjec alhta mataa sictamjaycam najan sicyampay. Mepqui sictiyanma aclhamoclhojo alhtaa. Mayc alhta eyajac najan acnim alhta eyajac. Aclhamoclhojo mataa silmalhnancama naysicsa momajay otoc. Acpilhyinimquic alhta mataa nipyesicsa piyam. Mepqui sictalhnama alhta.

2 CORINTIOS 12:10

Eyca ayinyema acpayjayclha evalhoc naysicsa mepqui sicmovan, naysicsa acyitnocjayo evalhoc, naysicsa ayaymomalhca asoc coo, naysicsa acyimtalhnamo evalhoc. Aclingamcoc as asoc yoyam colhic ayaco Cristo. Sicmovan innac coo ayinyema Cristo naysicsa mepqui sicmovan ajanco.

2 CORINTIOS 6:10

Ingilyovsecac mataa nincoo, inpayjeclhec eyca mataa ingilvalhoc. Mepqui asoc nincoo, ningilmasquic eyca cotlaycaoc asoc enlhitaoc. Mepqui ningilnatam nincoo, yitnec eyca aclhamoclhojo asoc.

SANTIAGO 1:12

Ningilinlhanacmec sat ancoc naysicsa singyipconma, incaymalhquic copayjiclha ingvalhoc. Am sat ancoc ongilyajaclhoc singyipconma, ongillhovac sat acyanmongam. Malha ningvoyam ingmamyi ongillhovac sat acyanmongam acyimnatem ingnenyic. Aplhanma ilhnic nat actomja nasoc anco Dios Ingyapam yoyam jingilmesic ningiltomja ningilasicjayo.

EL APOCALIPSIS 21:3

Aclingac alhta appayvam acyimnatem ayinyema Visqui aptajanem. Intomjac alhta: —Quip ilanojo Dios apma nipyesicsa enlhitaoc. Elhic sat mataa nipyesicsa eltimjic sat enlhit apancaoc. Eltimjic sat enlhitaoc Dios Visqui apancaoc.

EL APOCALIPSIS 7:16

Colnapejec sat mataa mayc. Colnapejec sat mataa acnim. Melngamquejec sat mataa acmajat. Melacyejec sat mataa acmajat.