SAN LUCAS 6:12 - Enhlit Bible

¹² Eyca as acnim apquinatveclho alhta Jesús inquilhe acvinatem, yoyam elmalhna Ingyapam. Aptiyapecmoc alhta apquilmalhnancama Dios Ingyapam.

SAN LUCAS 6:12 Iomraidhean Croise

SALMOS 22:2

Dios Apyimtalhnamo, ayevam lhip acnim anco. Am jeyatingmavoc mataa lhip. Ayevam lhip alhtaa, am otenac mataa coo.

ISAÍAS 26:9

Avanjec mataa aclhanma evalhoc lhip alhtaa, sitamsama lhip ayinyema alipvoyam evalhoc. Lhip aptomja apyicpilquemo as nalhpop, elyasingvomoc sat actemaclha acpeyvomo aplhamoclhojo enlhit.

DANIEL 6:10

Aplingac nic nat amyaa Daniel singanamaclha alhnancoc ayinyema apvisqui rey. Aptajaclhec nic nat Daniel. Apliquic nic nat tingma apac atnaoc ayitcoc, apquilaneyo payjoc apcaoclha tingma Jerusalén. Apticlhiquic nic nat aptapnaoc Daniel, aptomja apcayo Dios Apyimtalhnamo. Apvajanamquic nic nat Daniel aptemaclha nano, etnejic apquilmalhnancama alhtoo, najan ingyitsicso acnim najan actalhnacmo.,

SAN MATEO 5:1

Lhama alhta apvita Jesús aplhamoclhojo enlhit. Apquinatvoclhec alhta netin inquilhe acvinatem. Apnaclhec alhta maa. Yejemoc alhta apquilyoclho apquiltamsoycaoc apnaclha.

SAN MATEO 6:6

Apquiltamjoc sat ancoc elmalhnac lhip, italhningvoclha sat aplhapco congne tingma pac. Ingyapiclha sat atong. Ilmalhna sat Ingyapam aptomja aplhalhma congne tingma pac. Apvita inyicje Ingyapam netin aptemaclha lhip apyilhamacpo congne tingma pac. Emquesic sat acyanmongam.

SAN MARCOS 1:35

Alhtooc anco acmopayam congne aplhaticja alhta Jesús. Apmiyaclhec alhta yoclhilhma mepqui lha tingma, yoyam elmalhna.

SAN MARCOS 3:13

Apquinatvoclhec alhta Jesús netin inquilhe. Apquilevam alhta enlhit aptomja apquilyacyescama. Apquilyacmec alhta apnaclha Jesús.

SAN MARCOS 6:46

Lhama alhta apquiltajaclho enlhit. Apquinatvoclhec alhta netin inquilhe, yoyam elmalhna.

SAN LUCAS 5:16

Apmiyaclhec alhta mepqui lha tingma, yoyam elmalhna Ingyapam.

SAN LUCAS 6:11

Apquillovquic alhta. Apquilpamejitsacpec alhta aplhenacpo Jesús: —¿Jalhco sat ontimjic as enlhit? —alhta apquiltomjac apquilpamesma.

SAN LUCAS 6:17

Aptipquic alhta inquilhe acvinatem Jesús najan apquiltamsoycaoc. Apquiningvoctac alhta amyip. Apquicjingvaac alhta apquiltamsoycaoc najan enlhit appintalhnama. Apquilinyemac alhta yoclhilhma Judea, najan tingma Jerusalén najan yoclhilhma Tiro najan Sidón nicja yingmin acvanyam. Apquililtamjoc elaylhojo tasic amyaa. Apquililtamjoc alhta najan, yoyam eltamilquiscomoc acmasca apyimpeoc.

SAN LUCAS 9:18

Aplhapcoc alhta aptomja apquilmalhna Ingyapam Jesús. Apquillhalhmaa alhta apquiltamsoycaoc. Aptomjac alhta apquilanya Jesús: —¿Jalhco lhcac apquiltomja enlhitaoc sellhena coo? —alhta aptomjac.

SAN LUCAS 9:28

Ocho acnim alhta invocmoc natamin aplhanma appayvam Jesús. Apquinatvocmo alhta inquilhe acvinatem. Apnalaclhec alhta Pedro, najan Juan najan Jacobo.

SAN LUCAS 9:29

Naysicsa apquilmalhnancama aplhinganimcasacpojo alhta Jesús. Moc actemaclha alhta intomjac napaat. Apquilyinmaclhec alhta aptalhnama, apquilmopeclhec anco.

SAN JUAN 6:3

Yejemoc alhta apquinatveclho netin inquilhe. Apnacmec alhta lhama apquiltamsoycaoc.

COLOSENSES 4:2

Elinlhanmojo actemaclha ningilmalhnancama. Noelvatsaoc nasa eltimjic mataa gracias Dios Ingyapam naysicsa apquililmalhnancama.

HEBREOS 5:7

Aptiyasam alhta Cristo as nalhpop. Apquilmalhnaquic alhta mataa Dios actemaclha apvinama najan actemaclha apyimnatescama appayvam. Ayinyemaclha apvanquic alhta Dios evomsic tap naysicsa apquitsepma. Apquilyajaclhoc alhta Dios apquilmalhnancama Apquitca, ayinyema apquilyajayquiclho apmayjayoclha apyap.

1 SAMUEL 15:11

—Am colcac evalhoc sictimesquiscama alhta apvisqui Saúl nipyesicsa enlhitaoc. Apquilvatasquic selyajayquiclho Saúl, am eyiplovcasac actemaclha siyanamaclha — nic nat aptomjac Dios. Avanjec nic nat actamjaycam apvalhoc profeta Samuel. Malha apquilpalhamaycam nic nat intomjac apquilmalhnancama acyovoclhojo alhtaa.