SAN LUCAS 5:17 - Enhlit Bible

¹⁷ Lhama acnim alhta intomjac apquillhicmosa amyaa Jesús. Apnam alhta lhama fariseos najan apquilyascamco apquiltemaclha. Apquilinyemac alhta lhalhma anco yoclhilhma Galilea, najan yoclhilhma Judea najan tingma Jerusalén. Apmopvan innac Jesús ayinyema Dios Ingyapam. Apvanquic alhta eltamilquiscomoc enlhit.

SAN LUCAS 5:17 Iomraidhean Croise

SAN MATEO 11:5

Innaclhec apataoc enlhit mepqui apataoc. Intamilaclhec apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN MATEO 15:1

Apquilvaac alhta fariseos najan apquilyascamco apquiltemaclha apnaclha Jesús. Tingma Jerusalén alhta apquilinyemac. Apquiltomjac alhta apquilanya Jesús:

SAN MARCOS 1:45

Aplhinquic alhta as enlhit. Appayesquic alhta amyaa lhalhma anco. Apquilyasacpec alhta ilhma Jesús emyaclhac natingma. Apnacmec alhta yoclhilhma mepqui lha tingma. Apquilyoclhec alhta apnaclha Jesús apquilinyema lhalhma anco.

SAN MARCOS 16:18

Cotmongvomoyc sat onpatningvomjo nimisma. Ningyinamquic sat ancoc asoc sinavoy, mejingvejec sat. Nininquinquic sat ancoc ingmeoc tacjaplhit ningmasquem actomjaycaoc, yejemoc sat eltamalvomoc —alhta aptomjac Jesús.

SAN MARCOS 3:22

Apquilvoctac alhta apquilyascamco apquiltemaclha apquilinyema Jerusalén. Apquilpamejitsa alhta: —Jesús acna apvalhoc Beelzebú, somquic quilyicjamo inyap. Apquilantipcasquic maa ayinyema somquic quilyicjamo inyap —alhta apquiltomjac.

SAN MARCOS 5:30

Aplingamcoc alhta Jesús actepa apmopvan. Yejemoc alhta appaycacpo nipyesicsa enlhit, apquilpamejitsa: —¿Soc laa acmongvavo sictalhnama? —alhta aptomjac.

SAN MARCOS 7:1

Apquilaneyquiclhac alhta apnaclha Jesús napocja fariseos najan apquilyascamco apquiltemaclha. Jerusalén alhta apquilinyemac.

SAN LUCAS 15:2

Apquilpamejitsacpec alhta fariseos najan apquilyascamco apquiltemaclha. Jesús alhta aplhenacpoc: —Apmec tacja enlhit melyascalhma. Appasmec najan aptoycaoc as enlhit —alhta apquiltomjac.

SAN LUCAS 2:46

Natqui acnim alhta intomjac alvitaclho. Apnacmec alhta tingma apponquinomap nipyesicsa apquilyascamco apquiltemaclha. Apquiljalhnoc alhta amyaa. Apquilmalhnac najan mataa Jesús apquitcoc.

SAN LUCAS 5:21

Yejemoc alhta alquitama apquilvalhoc apquilyascamco apquiltemaclha najan fariseos: “¿Soc enlhit aso? Aptovasqui nac Dios Ingyapam apvisay. Paj lhama enlhit apcopvanco emascocsic mongilyascalhma. Dios apvamlha apanco” —alhta inquiltomjac apquilvalhoc.

SAN LUCAS 5:30

Apquilmalyevam alhta fariseos najan apquilyascamco apquiltemaclha. Apquiltomjac alhta apquilanya apquiltamsoycaoc: —¿Soctomja apquilpasma nac quellhip aptoycaoc najan apyinaycaoc apquilmam solyayem najan enlhit melyascalhma? —alhta apquiltomjac.

SAN LUCAS 6:19

Appasmacpec alhta Jesús, yoyam elpatningvomjo. Jesús apmopvan alhta intamilquiscacmoc aplhamoclhojo.

SAN LUCAS 7:30

Apquiltanovquic alhta fariseos najan apquilyascamco apquiltemaclha. Intanovalhquic alhta Dios apmayjayoclha. Am alhta colyavocmoc elyapasacpoc yingmin.

SAN LUCAS 8:46

Aptomjac alhta apquilanya Jesús: —Lhama lhac semongvavo. Aclingamcoc lhac aplicvaa enlhit sicmovan sictamilquiscacmo —alhta aptomjac.

SAN JUAN 3:10

Apcatingmavoc alhta Jesús: —Lhip inyicje aptomja apquillhicmoscama nipyesicsa enlhitaoc Israel. ¿Am ya lhquip eyasamcoc as asoc?

SAN JUAN 3:21

Apquilyoctac mataa ayitsayolhma enlhit apquiltomja apquilyiplovquiscama actomja nasoc anco. Apquililtamjoc yoyam colvitalhca apquiltemaclha altamila ayinyema Dios Ingyapam —alhta aptomjac.

LOS HECHOS 19:11

Avanjec alhta apquillanay asoc sinpilapquiscama Pablo ayinyema Dios Ingyapam.

LOS HECHOS 4:30

Ipayes sat lhip apmic. Apmopvan yoyam eltamalvocmoc acmasca apyimpeoc. Ingyane sat cotnejic asoc monquinatquiscama najan tamjaycam sinpilapquiscama ayinyema apvisay Jesús, lhip Apquitca apponquinomap —alhta intomjac apquilmalhnancama.

LOS HECHOS 5:34

Apnec alhta nipyesicsa apquilyimtalhnamo lhama fariseo apvisay Gamaliel, aptomja apyascamco apquiltemaclha. Aptomjac alhta apquilayo apnaymacoc. Apquinmaclhec alhta netin. Apcanayquic alhta elantipsic siclho apóstoles apquilapajasomap.