SAN LUCAS 5:12 - Enhlit Bible

¹² Lhama alhta apna Jesús lhama tingma. Apvitacpec alhta lhama enlhit, actimem ningmasquem ningilyitapaycam lepra. Lhama alhta apvita Jesús, apquilpolintamo apticlhiquic napaat lhapop apquinmamcaclha. Aptomjac alhta apcanya: —Visqui, apquiltamjoc sat ancoc jetamilquiscomoc, apvanquic lhip —alhta aptomjac.

SAN LUCAS 5:12 Iomraidhean Croise

GÉNESIS 18:14

¿Inyitne ya lhama asoc acyimtalhnama comopvan etnesquisic Dios? Apvanquic etnesquisic aclhamoclhojo asoc. Moc año sat ovotac mocjam. Cotac sat ayitca aptava Sara— nic nat aptomjac.

1 REYES 18:39

Pilapcasquic nic nat enlhitaoc apquilvita. Apquilpolintac nic nat nalhpop apquilpalhamamcaa: —¡Dios aptomja Visqui ingac! ¡Dios aptomja Visqui ingac! — nic nat apquiltomjac.

2 REYES 5:1

Singilpilhtetemo apvisqui ilhnic nat general Naamán. Apvisqui ilhnic nat yoclhilhma Siria, nipyesicsa singilpilhtetemo apancaoc. Apyimtalhnamo ilhnic nat general Naamán napato apvisqui co Siria. Apquilyimnatem nic nat co Siria naysicsa apquilnapomap cotnaja ingmoc. Dios aptomja apmasma enlhitaoc co Siria. Innec nic nat ayaco general Naamán. Ningmasquem lepra ilhnic nat incajac.

2 REYES 5:27

Cascoc sat lhip apyimpejic ayinyema Naamán apcajayclha lepra. Cascoc sat apyimpejic lepra aptovana lhip cotmongvoycamlha nelha — nic nat aptomjac profeta. Aptipquic nic nat maa apquilancam. Acyiplomo ayajem lepra ningmasquem. Acmopoy nic nat apyimpejic, malha mataymong anic nic nat intomjac apyimpejic.

2 REYES 7:3

Apnam nic nat cuatro enlhit ningmasquem lepra, payjoc tingma apvanyam apatong acyivey. Apquilpamejitsacpec nic nat: —¿Pa inyicje ongitsapoc, co laa ontimjic?

1 CRÓNICAS 21:16

Apvitac nic nat apvisqui David ángel Dios apcasinancama apna tacjalhit as nalhpop yamnitno. Apmaycam sovo acvinatem, acmongvoyam navá tingma Jerusalén. Apquiljalhec nic nat David najan mayayo apquilvanyam, apma apava acmayovsa apquilvalhoc, acticlhicvocmo nalhpop payjaclha napataa.

SALMOS 50:15

Jelilmalhnam coo naysicsa apquillingaycamco acyimtalhnama. Olvomsic sat tap quellhip, yoyam jeltimjic selayo quellhip — alhta aptomjac Visqui ingac Dios.

SALMOS 91:15

Olyejiclhojoc sat selmalhna inlhojo asoc. Opasmoc sat naysicsa aplingaycamco acyimtalhnama. Ovomsic sat tap. Colhic sat ayaco apvisay.

ÉXODO 4:6

Aptomjac nic nat mocjam apcanya: —Iyasquis apmic nipyi — nic nat aptomjac. Yejemoc nic nat apyasquisa apmic nipyi. Apliquic nic nat mocjam apmic. Pilapcasquic nic nat apvita ningmasquem lepra. Malha apyipjaycam nic nat intomjac apmic.

LEVÍTICO 13:16

Intomjaclhec sat ancoc acmopoy apitic apyimpejic enlhit, incaymalhquic emyaclhac mocjam apnaclha sacerdote.

LEVÍTICO 9:24

Intiyacmec nic nat talha ayinyema Dios, acsovja netin altar asoc acmatnam najan acpilhmoc. Pilapcasquic nic nat apquilvita israelitas, apquilpalhamam naysicsa acpayjayclha apquilvalhoc. Apquiljalhec nic nat acticlhicvocmo nalhpop payjaclha napataa.

SAN MATEO 26:6

Apnec alhta Jesús tingma Betania, Simón tingma pac actimem lepra ningmasquem ningilyitapaycam.

SAN MATEO 9:28

Lhama alhta aptalhningvoclho Jesús congne tingma. Yejemoc alhta apquilvaa mepqui apataoc. Aptomjac alhta Jesús apquilanya: —¿Am ya elyascacmoc quellhip sicmovan oltamilquiscomoc? —alhta aptomjac. Apquilatingmavoc alhta: —Visqui, mongilyascacmoc nincoo —alhta apquiltomjac.

SAN MARCOS 5:23

Aptomja alhta apcanya: —Pa incotsapoc sictamongvoyam —alhta aptomjac. Ityaningvomjo najan ininquin apmeoc tacjalhit, yoyam cotamalvomoc najan coyimnavomoc sat mocjam —alhta aptomjac.

SAN LUCAS 17:16

Yejemoc alhta apquilpolintamo nalhpop. Apticlhiquic alhta napaat lhop apquinmamcaclha Jesús. Gracias alhta aptomjac aptamilviyam. Co Samaria alhta as enlhit.

SAN LUCAS 5:13

Yejemoc alhta apyasa apmic appatningvocmo: —Altamjoc coo, itniclha apjalhnancoc —alhta aptomjac. Yejemoc alhta acmasca lepra ningmasquem ningilyitapaycam.

DEUTERONOMIO 24:8

Apnec sat ancoc enlhit ningmasquem ayajem lepra, elyiplovcasojo sat apcanamaclha sacerdote levita. Elyiplovcasojo sat mataa siyanamaclha siclho coo, ayinyema Dios.

HEBREOS 7:25

Apvanquic mataa Jesús elvomsic tap apquiltomja apquilyoyquiclha apnaclha Dios, ayinyema apnalayclha Jesús. Ayinyemaclha Jesús aptomja apquilmilaneycaoc yoyam elmalhnesquisic mataa Dios yoyam epasmoc enlhitaoc.

JOSUÉ 5:14

Apcatingmavoc nic nat: —Jave coo. Coo nac sictomja apvisqui nipyesicsa enlhit apancaoc Dios. Quilhvoc lhac acvaac — nic nat aptomjac. Yejemoc nic nat apquilpolintamo nalhpop Josué. Apquilpayasoc nic nat. Aptomjac nic nat apcanya: —¿Soc amyaa yi? Coo nac sictomja silancam lhip — nic nat aptomjac.