SAN LUCAS 4:22 - Enhlit Bible

²² Inlhenalhquic alhta apmopvan. Pilapcasquic alhta anco aclingalhco apquiltimnaycam actamila. —¿Jave ya José apquitca lha? —alhta apquiltomjac apquilpamesma.

SAN LUCAS 4:22 Iomraidhean Croise

SALMOS 45:2

Aptamila apanco lhip, am elhno poc nipyesicsa ingnaymacoc. Inyispalhquic mataa lhip appayvam. Mayayo nac lhip ayinyema Dios Visqui ingac cotningvoyam nelha.

SALMOS 45:4

Ivascap sat lhip naysicsa aptimem apyimtalhnamo. Ivascap sat lhip aptingyey actemaclha nasoc anco, actemaclha acpeyvomo. Elavojoc sat apquilvita inlhojo lhip aptamjaycam simpilapquiscama.

PROVERBIOS 10:32

Intipquic mataa nimpayvam actamila, acyitna inlhojo ingvalhoc acpeyvomo. Intipquic mataa appayvam almasomcaa, acyitna inlhojo apvalhoc acmasom.

PROVERBIOS 16:21

Ningilvisay ningyascamco, acyitna inlhojo acyascamco ingvalhoc nincoo. Ninlhanma altamila nimpayvam, actomja almam apquilvalhoc ingnaymacoc.

PROVERBIOS 25:11

Yitnec sat ancoc ninlhanma nimpayvam acpayjoclha momento, cotnejic acyitsomalhca acyilhna manzana de oro avalhoc asoc payjem de plata.

ECLESIASTÉS 10:12

Colhic ayaco enlhit apyascamco appayvam. Evenacpoc sat enlhit acyeyjamelhma apvalhoc.

LOS CANTARES 5:16

¡Sij anco apvalhoc apatong! ¡Aptamila apanco sicponcanma, am elhno poc! Quellhiya enaymacoc co Jerusalén. Siclhanma lhac aptemaclha najan apyovoclhojo apanco sicponcanma.

ISAÍAS 50:4

Eyasinaquic coo Visqui ingac otamilquiscomoc apquilvalhoc enlhit apquilyampay. Elhaticjasquic mataa alhtoo, ongvaylhojoc appayvam, yoyam oyiplovcasojo.

SAN LUCAS 2:47

Pilapcasquic alhta anco aclingalhco aplhanma asoc. Apmopvan alhta innac.

SAN LUCAS 2:48

Pilapcasquic alhta acvitaclho ayitca. Intomjac alhta ayanya inquin: —Sictamongvoyam, ¿soctomja sintimesquisa nac aso? Quip ilanojo, intamjam nincoo ingilvalhoc lhip ninquitamac —alhta intomjac.

SAN LUCAS 21:15

Olmesic sat apquilpayvam najan apquilyascamcolhma quellhip. Colapvanquejec sat cotnaja ingmoc elatingmojo najan elyacsilhma apquilpayvam.

SAN LUCAS 4:21

Yejemoc alhta apquiltimnasamcaa: —Invocmec nelha acnim nac jay aclhanmaclha actomja nasoc anco vaycajac apquiljalhnovo lhac quellhip —alhta aptomjac.

SAN JUAN 1:45

Yejemoc alhta apquitama Felipe Natanael. Aptomjac alhta apcanya: —Ningvitac lhac nincoo enlhit aplhanma ilhnic nat Moisés singanamaclha actalhesomalhca. Najan apquillhanma ilhnic nat apnatalhescama profetas Dios apquillingascama. Apvisay Jesús, José apquitca, tingma pac Nazaret —alhta aptomjac.

SAN JUAN 6:42

Apquiltomjac alhta enlhitaoc apquilanya: —¿Jave ya José apquitca as enlhit apvisay Jesús? Ningyicpilcoc nincoo apyap najan inquin. ¿Soctomja aplhena nac apquinyema netin? —alhta apquiltomjac.

SAN JUAN 7:46

Apquilatingmavoc alhta apquiltamilquiscama tingma apponquinomap: —Am colngamalhcac cotnejic apquiltimnaycam enlhit actema nac jay —alhta apquiltomjac.

LOS HECHOS 6:10

Am alhta colapvancaac elyacsilhma appayvam. Apquiltimnasam alhta actemaclha apyascamco apna apvalhoc Espíritu Santo.

TITO 2:8

Illhicmos sat amyaa acpeyvomo yoyam colhejec acyascacmo apquillhicmoscama actamila, yoyam najan cotanovalhqueje. Elmancangvomoc sat apquiltomja apquilinmelhaycam. Colapvanquejec sat elantipsam ningilvisay.