SAN LUCAS 3:36 - Enhlit Bible

³⁶ Sala nic nat apquitca, Cainán nic nat apquitca, Arfaxad nic nat apquitca, Sem nic nat apquitca, Noé nic nat apquitca, Lamec nic nat apquitca,

SAN LUCAS 3:36 Iomraidhean Croise

GÉNESIS 5:3

Invocmec nic nat 130 años aptiyascam Adán. Aptiyacmec nic nat apquitca apvisay Set. Innoc nic nat aptemaclha apyap.

GÉNESIS 6:22

Apquilyajaclhoc nic nat Noé actemaclha appayvam apcanama Dios.

GÉNESIS 7:13

Aptalhnec nic nat siclho barca yamit aysicsic Noé najan aptava najan apquitquic apquilvisay: Sem najan apyalhing Cam najan apyalhing Jafet najan apnatamcaa.

GÉNESIS 7:23

Apquilvocmec nic nat tap apquilvamlha apmolhama Noé najan asoc alyinatem congne barca yamit aysicsic. Apsovjacpoc nic nat apquilitsepma aplhamoclhojo enlhitaoc najan aclhamoclhojo ninatoscama najan aclhamoclhojo nata najan asoc alpilhyevaycam nalhpop.

GÉNESIS 8:1

Inlhanvocmec nic nat apvalhoc Dios Apyimtalhnamo apmolhama Noé najan aclhamoclhojo asoc alyinatem congne barca yamit aysicsic. Aptimescasquic nic nat alhcajayam Dios Apyimtalhnamo. Invayventac nic nat netin yingmin.

GÉNESIS 9:1

Intasic nic nat appayvam Dios Apyimtalhnamo apquilpamejitsa Noé najan apquitquic. Aptomjac nic nat apquilanya: —Ellhamasiclha sat apquitquic quellhip najan aptovana. Elleyoc sat lhalhma anco.

GÉNESIS 9:18

Noé apquitquic nic nat apvisay: Sem najan apyalhing Cam najan apyalhing Jafet. Apquilantipquic nic nat barca yamit aysicsic. Cam apquitca ilhnic nat apvisay Canaán.

1 CRÓNICAS 1:1

Apquilvisay nic nat: Adán, Set, Enós,

1 CRÓNICAS 1:17

Sem apquitquic nic nat: Elam, Asur, Arfaxad, Lud najan Aram. Aram apquitquic nic nat: Uz, Hul Geter najan Mas.

EZEQUIEL 14:14

Apnam sat ancoc apnatqui apquilpeyvomo nipyesicsa maa, apvisay Noé, najan Daniel, najan Job. Elvomsacpoc sat tap apquilvamlha as apnatqui. Eycaso sicpayvam sicvisay Dios.

SAN LUCAS 17:27

Aptoycamquic nic nat, apyinaycamquic nic nat, inquilyimjapeycamquic nic nat. Acvaycmo ilhnic nat acnim, yoyam etlhic Noé avalhoc arca yamit aysicsic acvanyam. Yejemoc nic nat acvaa acyengayam yingmin. Apsovjomacpoc nic nat apquilitsepma.

SAN LUCAS 3:35

Serug nic nat apquitca, Ragau nic nat apquitca, Peleg nic nat apquitca, Heber nic nat apquitca,

SAN LUCAS 3:37

Metusalén nic nat apquitca, Enoc nic nat apquitca, Jared nic nat apquitca, Mahalaleel nic nat apquitca, Cainán nic nat apquitca,

HEBREOS 11:7

Meyasquiyam nic nat innac Noé. Apyasingvocmec nic nat Noé amyaa ayinyema Dios yoyam colvac sat asoc actomja cotamalhca nic nat mocjam. Apquilyajaclhoc nic nat Noé. Apquillanac nic nat barco yamit aysicsic acyiviy yoyam elvomsic tap apmolhama. Am nic nat cotnatsalhcac aptomjaclha Noé yoyam elnatovasacpoc enlhitaoc lhalhma anco. Aptimesacpec nic nat appeyvomo Noé napato Dios ayinyema actemaclha meyasquiyam.

1 SAN PEDRO 3:20

Ayinyemaclha am nic nat elilyajaclhoc Dios appayvam enlhitaoc melitsepmaclha mocjam. Apquiljalhnec nic nat Dios yoyam melyascamejec enlhitaoc apquilictingaycamco lhama Noé. Apquillanac nic nat Noé barco yamit aysicsic acyiviy yoyam elantilhic ocho enlhit, yoyam elvomsacpoc tap yingmin acvanyam.

2 SAN PEDRO 2:5

Yitnec nic nat najan melyascalhma enlhit lhalhma anco. Am nic nat elmascosac Dios Ingyapam. Apcapajasquic nic nat yingmin acvanyam. Apsovjomacpoc nic nat apquilitsepma enlhitaoc apquilmapsomcaa. Apvocmec nic nat tap apvamlha Noé, aptomja apquiltimnascama actemaclha acpeyvomo. Apquilvocmec nic nat najan tap siete apmolhama.