SAN LUCAS 23:2 - Enhlit Bible

² Apquilantipcasquic alhta apvisay, apquilpamejitsa: —Ningvitac alhta nincoo as enlhit ayajemo apquillhicmoscama ingnaymacoc. Apcasquic alhta colhic almesa solyayem (impuesto) apvisqui César co Roma. Aptimesacpo apanco apvisay Cristo najan apvisay Apvisqui —alhta apquiltomjac.

SAN LUCAS 23:2 Iomraidhean Croise

1 REYES 18:17

Apvitac nic nat profeta. Aptomjac nic nat apvisqui apcanya profeta: —¿Lhip ya aptomja apquilsilhnanoncama enlhitaoc Israel? — nic nat aptomjac.

SALMOS 35:11

Ayajemo apquilantipquiscama sicvisay mepqui sicsilhnanomalhca ajanco.

SALMOS 62:4

Apquilpamejitsacpec mataa jeltimsic coning. Apquiltimec mataa apquilmopvancaa amyaa. Apquilayo inyicje apquiltomjac apquilpayvam. Eyca selvennéycam intomjac apquilvalhoc.

JEREMÍAS 20:10

Yitnec apquilpamejitsomap napocja, seltema sicvisay: Ningilay lhalhma anco — apquiltomjac. Apquiltomjac poc: Noc, ongiltimnacsic maa yoyam emacpoc — apquiltomjac. Apquiljalhnec enaymacoc, yoyam osilhnanalhcac ajanco, apquiltomjac maa: Ongilyinimsic sat nincoo, esilhnanacpoc sat, ongilyanmongsiclhac sat aptemaclha apanco — alhta apquiltomjac.

JEREMÍAS 38:4

Apquiltomjac nic nat apquilyimtalhnamo apquilanya apvisqui rey: —Incaymalhquic ematong profeta. Elvatsamcoc sat singilpilhtetemo ingnaymacoc, apquillinga inlhojo amyaa natingma najan lhalhma anco. Jave singilpasmom as profeta, aptomja eyca singinmelhaycam — nic nat apquiltomjac.

AMÓS 7:10

Apnec nic nat sacerdote tingma Betel, apvisay Amasías. Apcapajasquic nic nat amyaa apnaclha apvisqui Jeroboam: Lhama nipyesicsa enlhitaoc apvisay Amós, aptomja apvenneycam lhip visqui apyimtalhnamo. Apquiltanovquic apyovoclhojo enlhitaoc aptemaclha Amós.

ZACARÍAS 11:8

Alapajasquic alhta apnatqui apquilancam apquilmapsomcaa, apquiltomja selinmelhaycam najan seltanoncama. Lhama piltin alhta aptomjac.

SAN MATEO 17:27

Am ongiltamjoc nincoo elnatjojoc enlhit nintemaclha. Imyaclha sat lhip acyayengviyam. Iyinyovam sat nayingmin sovocjalhem. Ilic sat quilasma acmam amamyi sovocjalhem. Ilic sat atong quilasma. Etac sat lhip lhama solyayem avalhoc quilasma. Isaclhes sat maa apquilmam tacja solyayem. Innoc acyanmongam ningilanyomalhca onpiquinic incanit —alhta aptomjac.

SAN MATEO 22:21

Apquilatingmavoc alhta enlhitaoc: —Apvisqui apanco —alhta apquiltomjac. Aptomjac alhta mocjam Jesús: —Elmesiclha apvisqui asoc actomja apancaoc. Elmesiclha Dios Ingyapam asoc actomja apancaoc —alhta aptomjac.

SAN MATEO 27:11

Innec alhta acyantama Jesús apnaclha yatapvisqui co Roma. Aptomjac alhta yatapvisqui apcanya Jesús: —¿Lhip ya anco judíos apvisqui apancaoc? —alhta aptomjac. Apcatingmavoc alhta Jesús: —Eje coo (aplhena nac lha) —alhta aptomjac.

SAN MARCOS 12:17

Apcatingmavoc alhta Jesús: —Elmesiclha apvisqui César asoc actomja apancaoc. Elmesiclha Dios Ingyapam asoc actomja apancaoc —alhta aptomjac. Pilapcasquic alhta apquillinga appayvam.

SAN MARCOS 15:2

Aptomjac alhta Pilato: —¿Lhip ya judíos apvisqui pac? —Coo nac, aplhena nac lha —alhta aptomjac Jesús.

SAN LUCAS 23:14

Aptomjac alhta apquilanya Pilato: —Elyantimcasentac quellhip as enlhit. Apquilanem quellhip elovcasac enlhitaoc. Acyicpilcoc coo as enlhit napatavo quellhip. Am otaac coo mocjam apmapsom as enlhit. Ayajemo apquiltipquiscascam apvisay.

SAN LUCAS 23:5

Apquilinlhanacmec alhta elantipsic apvisay: —Apquillovcasquic alhta mataa enlhitaoc co Judea ayinyema apquillhicmoscama apanco. Yoclhilhma Galilea alhta actiyapvoyclha amyaa, acvaa najan asi —alhta apquiltomjac.

SAN JUAN 18:29

Yejemoc alhta aptepa Pilato. Aptomjac alhta apquilanya: —¿Soc asoc acmasom pa ellhenic quellhip? —alhta aptomjac.

SAN JUAN 18:30

Apquilatingmavoc alhta enlhitaoc: —Paj ancoc aptamjaycam acmasom as enlhit, mongvanquejec nincoo ongyantamentac apnaclha lhip —alhta apquiltomjac.

SAN JUAN 19:12

Apquilinlhanacmec alhta Pilato eyamyiclha Jesús. Apquilpalhamam alhta mocjam enlhitaoc: —Apyamyaclhec sat ancoc lhip as enlhit, comascoc sat etnejic lhip aptimem poc apvisqui co Roma. Cotnaja aptimem poc apvisqui co Roma enlhit aptomja apyimtalhnesomacpo apanco, yoyam etnejic apvisqui —alhta apquiltomjac.

LOS HECHOS 24:13

Am colapvancaac as enlhitaoc, yavamlha eltimjic jellhenic.

LOS HECHOS 24:5

Ningvitac as enlhit aptomja apmapsom (malha apsoycam ningmasquem). Aptomja mataa Pablo apquillanay quimpocjacme nipyesicsa judíos lhalhma anco. Aptomja Pablo lhama apvisqui apancaoc apquilvisay nazarenos.

ROMANOS 13:7

Elmascos sat apmaycaoc nasa quellhip. Elmesaoc sat solyayem impuesto actemaclha apquilanama apquilviscaa yoyam elmesic. Elmesaoc sat moc solyayem actingyamalhquilha acyanmongam. Elilyejiclhojo sat mataa actemaclha apquilanama apquilviscaa. Eltime sat apquilayo.