SAN LUCAS 22:43 - Enhlit Bible

⁴³ Yejemoc alhta apvitacpo ángel Dios apcasinancama. Apquinyectamo netin, yoyam eyimnaticsojo apvalhoc Jesús.

SAN LUCAS 22:43 Iomraidhean Croise

DANIEL 11:1

Acpasmec alhta coo lha Miguel primer año aptimem apvisqui Darío, yoclhilhma Media — alhta aptomjac.

SAN MATEO 26:53

¿Am ya eyasamcoc lhip actemaclha sicmovan olmalhnac coo Tata? Yejemoc sat elapajacsic, yoyam jelmeyvoc ángeles apquilasinancama, doce mil tap.

SAN MATEO 4:11

Yejemoc alhta acyamyiclho yavey. Apquilvaac alhta ángeles Dios apquilasinancama, yoyam elanam Jesús.

SAN MATEO 4:6

Intomjac alhta ayanya: —¿Naso ya lhquip Dios Apquitca? Ityim sat coning. Ityim sat coning. Ayinyemaclha acyitna actalhesomalhca: Dios sat elanic ángeles apquilasinancama, yoyam eltamilsic lhip. Elmoc sat tacja lhip, yoyam copalvotayc apmancoc mataymong —alhta intomjac.

SAN LUCAS 22:32

Almalhnescasquic mataa coo, yoyam comasqueje meyasquiyam lhip. Apyanmoncasquic sat ancoc apvalhoc lhip, ilyimnaticsojo apquilyalhinga —alhta aptomjac.

LOS HECHOS 14:22

Aptomjac alhta Pablo najan Bernabé apquilanya enlhit melyasquiyam tasic amyaa: “Elyimnaticsojo mataa apquilvalhoc. Elinlhanmojo apquiltimem melyasquiyam tasic amyaa. Elyasamcojo quellhip: Incaymalhquic colhamojoc actemaclha acyajapmo ingilvalhoc, yoyam ongilpalhavomoc Dios apquilnancascama” —alhta apquiltomjac.

LOS HECHOS 18:23

Acyavataclhojo alhta apma. Apquimpaclhec alhta mocjam Pablo. Apquilyeycajaoclhec alhta yoclhilhma Galacia najan Frigia. Apquilyimnatescasquic alhta almam apquilvalhoc enlhitaoc melyasquiyam tasic amyaa.

DEUTERONOMIO 3:28

Itne sat lhip appayvam ingyanic Josué: Ingyane sat evascapoc, itnesquis apyimtalhnamo Josué. Enaliclhac sat apnaymacoc as yoclhilhma, yoyam eltimjic apancaoc. Elanojoc sat lhip quilhvo nac jay — alhta aptomjac seyanya.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

HEBREOS 1:14

Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.

HEBREOS 1:6

Apyantementac sat ancoc Dios yoyam evotac Apquitca as nalhpop apvisay siclha acvitay. Aplhenquic nic nat: Elpayicsojoc sat Sictamongvoyam aplhamoclhojo ángeles —nic nat aptomjac.

HEBREOS 2:17

Incaymalhquic alhta Jesús etniclhac enlhit apanco apno apquilyalhinga. Yoyam etnejic apquimlaycmo nipyesicsa. Yoyam najan etnejic Dios apquilancam apyimtalhnamo. Yoyam emascocsic melyascalhma enlhitaoc.