SAN LUCAS 22:37 - Enhlit Bible

³⁷ Actomjac coo siyanya quellhip: Pa incomoc nelha aclhanmaclha vaycajac siclhenomalhca: “Appalhcaycam (Jesús) enlhit apquilmapsomcaa.” Pa incomoc nelha aclhanmaclha actalhesomalhca siclhenomalhca.

SAN LUCAS 22:37 Iomraidhean Croise

ISAÍAS 53:12

Etnejic sat apyimnatem apanco. Elmoc enlhitaoc apquilyimtalhnamo. Ingyilhpansic sat asoc almomalhca nipyesicsa apnaymacoc apquilyimnatem. Ayinyemaclha am alhta emyavac acyimnatem apnenyic acvocmo apmatnam. Innec alhta altamjamco apmapsom. Aplingamcoc alhta acmasca, malha appatam acyimtalhnama ayinyema mongilyascalhma ninlhamoclhojo. Apquilmalhnescasquic alhta mataa apquiltomja apquilsilhnanomap apanco.

SAN MARCOS 15:27

Apquilyipitcasquic alhta lhama asoc timyescama apcanit enlhit apquilminyilhma. Lhama alhta acyimnatamaclha, poc nipsancalvelha.

SAN MARCOS 15:28

Acno vaycajac acpayvam, actomja ilhnic nat: “Apquilyipsatacpoc lhama enlhit apquilmapsomcaa” —nic nat intomjac.

SAN LUCAS 18:31

Apquilevamcaa alhta aplhapcavo doce apóstoles apquilapajasomap. Aptomjac alhta apquilanya: —Quip elanojo, ningilmiyaclhec tingma Jerusalén. Pa incomoc nelha aplhanmaclha ilhnic nat profetas Dios apquillingascama. Siclhenomalhca coo sicvisay Sictiyam Sictomja Enlhit.

SAN LUCAS 22:22

Ovonquepeclhac sat sicvisay Sictiyam Sictomja Enlhit acno siclhenomalhca vaycajac actalhesomalhca. Enlhit layi aptomja apcanem, yoyam omalhca.

SAN LUCAS 22:36

Aptomjac alhta apquilanya Jesús: —Moc actemaclha intomjac quilhvo. Yitnec sat ancoc solyayem, elsov sat. Elsov najan najapa. Am sat ancoc coyitnac, iyinyov sat apcalomap. Iyanmonquis sovo acvinatem.

SAN LUCAS 22:52

Apquilyoctac alhta apnaclha Jesús apquilimja apmamyi sacerdotes najan apquiltamilquiscama tingma apponquinomap najan apquilyimtalhnamo. Aptomjac alhta apquilanya Jesús: —¿Apquilsocme ya quellhip sovo alvinatem najan memong yayem vajic? ¿Apquililtamjo ya jelmoc malha enlhit apminyilhma?

SAN LUCAS 23:32

Apnalovquic alhta apcanit enlhit apquilmapsomcaa, yoyam eticyojoc lhama Jesús.

SAN LUCAS 24:27

Yejemoc alhta apquilhicmosa actemaclha ilhnic nat appayvam Moisés najan aclhamoclhojo profetas appayvam Dios apquillingascama. Apcajasoc alhta Jesús aplhena actemaclha aclhanma vaycajac aplhenamap.

SAN JUAN 10:35

Ningyasamcoc nincoo actemaclha Dios appayvam actalhesomalhca. Mongvanquejec ontimesquisic acmovan amyaa. Apquiltomjacpec nic nat ancoc enlhitaoc apquilvisay diosaoc ingilyap apquiltomja apquiljalhenmo Dios appayvam.

SAN JUAN 17:4

‘Actimec coo siyayo lhip Tata naysicsa sictiyascam as nalhpop. Acpenasquic coo sictamjaycam siyanyomalhca ollana.

2 CORINTIOS 5:21

Am coyitnac lhama meyascalhma Cristo. Dios aptomja appatimquiscama Cristo mongilyascalhma nincoo. Yoyam jingiltimesquisic ningilpeyvomo ayinyema ninpasmeyquiclha Cristo.

GALATAS 3:13

Apyinyovquic acyanmongam Cristo aptomja singilvayclha. Mongnatovasalhquejec sat ayinyema singanamaclha. Ayinyemaclha aptovasacpec alhta Cristo nincoo singyanmongam. Ayinyemaclha intomjac nic nat Dios appayvam actalhesomalhca: “Etvacsic sat Dios moclhama enlhit apyipitsomap netin yamit” —nic nat intomjac.