SAN LUCAS 22:36 - Enhlit Bible

³⁶ Aptomjac alhta apquilanya Jesús: —Moc actemaclha intomjac quilhvo. Yitnec sat ancoc solyayem, elsov sat. Elsov najan najapa. Am sat ancoc coyitnac, iyinyov sat apcalomap. Iyanmonquis sovo acvinatem.

SAN LUCAS 22:36 Iomraidhean Croise

SAN MATEO 10:10

Noelsov nasa aynapa nalhit amay. Elantalhniclha apvamlha lhama aptalhnama. Noelsov nasa tiyayipeoc najan yamit apquileneycam. Colhic acmesa aptom enlhit aptamjaycamo.

SAN LUCAS 22:35

Aptomjac alhta apquilanya Jesús: —Alapajasquic alhta quellhip melsoycam solyayem najan najapa najan tiyayipeoc. ¿Incaymalhqui ya alhta lhama asoc? —alhta aptomjac. Apquilatingmavoc alhta: —Paj alhta incoymalhcac asoc —alhta apquiltomjac.

SAN LUCAS 22:37

Actomjac coo siyanya quellhip: Pa incomoc nelha aclhanmaclha vaycajac siclhenomalhca: “Appalhcaycam (Jesús) enlhit apquilmapsomcaa.” Pa incomoc nelha aclhanmaclha actalhesomalhca siclhenomalhca.

SAN LUCAS 22:38

Apquilatingmavoc alhta: —Visqui, yitnec anit sovo alvinatem —alhta apquiltomjac. Aptomjac alhta Jesús: —Vamlha —alhta aptomjac.

SAN JUAN 15:20

Collhen apquilvalhoc (colyit apatic) quellhip sictomjaclha alhta silanya: “Apyimtalhnamo nac apvisqui, am elhno apquilancam.” Actovasalhquic alhta coo, elnatovasacpoc sat quellhip lha nipyesicsa enlhit lhalhma anco. Apquilyiplovcasquic alhta enlhit coo sicpayvam, colhic sat acyiplovcaso actemaclha apquilpayvam quellhip.

SAN JUAN 16:33

Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.

1 TESALONICENSES 3:4

Ningiltimnasquic alhta inyicje naysicsa ningma alhta nipyesicsa quellhip, mongvanquejec mongvita nincoo acmasca. Eycaso acvaa quilhvo nac jay. Apquilvita najan quellhip lha.

1 SAN PEDRO 4:1

Aplingamcoc alhta acmasca Cristo. Collhen sat apquilvalhoc quellhip lha. Colapvanquejec quellhip lha melvita acmasca. Apquillingamcoc sat ancoc acmasca, elvatsamcoc sat quellhip yoyam eltamongvomjo olhma.