SAN LUCAS 21:8 - Enhlit Bible

⁸ Apcatingmavoc alhta Jesús: —Elavojo quellhip. Noelyinimsap nasa. Elilhyemoc sat aplhamoclhojo enlhit elsamac sat coo sicvisay: “Coo nac Cristo” —sat eltimjic. “Invocmec acnim” —sat eltimjic. Noelyiplov nasa quellhip.

SAN LUCAS 21:8 Iomraidhean Croise

JEREMÍAS 29:8

Eycaso appayvam Dios Visqui ingac apyimtalhnamo: Noelyinimsacpojo nasa ayinyema profetas apquilmopvancaa amyaa, najan ayinyema apquilyascamco ingjangaoc. Elyasquim sat quellhip acvitay apquilvanmoncama as enlhit apnaycam nipyesicsa quellhip.

SAN MATEO 24:11

Elvac sat apquilsoycam apquilmopvan amyaa. Elyinimsic sat aplhamoclhojo enlhit.

SAN MATEO 3:2

Aptomjac alhta Juan: —Elyanmonquis apquilvalhoc quellhip. Camquitvaac Visqui netin apquilnancascama —alhta aptomjac.

SAN MATEO 4:17

Yejemoc alhta acvocmo apquenmoclha siclhoc anco apquillhicmoscama Jesús. Aptomjac alhta Jesús apquilanya enlhitaoc: —Elyanmonquis apquilvalhoc. Camquitvaac Visqui netin apquilnancascama —alhta aptomjac.

SAN LUCAS 17:23

Sat cotnejic elanyacpoc quellhip: “Apvaac jalip”, najan maa “apvaac maa tap.” Noellhing nasa, noelyiplov nasa quellhip.

SAN LUCAS 21:7

Apquiltomjac alhta apquilanya apquiltamsoycaoc: —Visqui, ¿jalhco sat acvam cotnejic as asoc aplhena lhac? ¿Soc sat asoc ongvitac monquinatquiscama, yoyam cotmongvomoc nelha as asoc? —alhta apquiltomjac.

SAN LUCAS 21:9

Apquillingac sat ancoc quellhip amyaa apquilnapacpilha najan quimpocjacme, noela nasa. Mongvanquejec mongvitac aso. Am covocmoc mocjam nelha acnim —alhta aptomjac.

SAN JUAN 5:43

Acvaac coo siyinyema coo Tata aptomja seyapajascama. Am eyca jelmac tacja quellhip. Apvaac sat ancoc poc aptomja apvoy apanco, quilhvoc sat elmoc tacja quellhip.

SAN JUAN 8:24

Eycaso ayinyema sictomja lhac silanya quellhip: Elmasquingvomoc sat quellhip acyiplomo melyascalhma apancaoc. Apquilyascacmec sat ancoc quellhip sictomja Cristo, elmasquingvomoc sat quellhip acyiplomo melyascalhma.

SAN JUAN 8:28

Aptomjac alhta mocjam Jesús: —Coo sicvisay Sictiyam Sictomja Enlhit. Jelmiyasiclhac sat netin coo. Natamin jelyicpilcangvomoc sat quellhip sictomja Cristo. Melquinatsejec sat quellhip cotnaja siclingascama ajanco. Aclingasquic mataa amyaa aptomja selhicmoscama coo Tata.

1 CORINTIOS 6:9

¿Am ya elyasamcoc quellhip yoyam melpalhavomejec sat Dios apquilnancascama apquiltomja melpeyvomo? Noelyinimsap nasa quellhip. Melpalhavomejec sat Dios apquilnancascama apquiltomja apquilanatama najan apquiltomja apquilayo quilaycmasquiscama acyitsomalhca Dios najan apquiltomja apnatovascama alyimjapma najan apquiltomja moc actemaclha apquilpatjetaycaoc najan apquiltomja apquilminyilhma najan apquiltomja apquilmasma asoc najan apquiltomja ayajem anmin najan apquiltomja apquilvinéycam Dios najan apquiltomja ticyovam inyap.

EFESIOS 5:6

Noelyinimsap nasa quellhip apquillinga sat apquiltamongvaycmolhma apquilpayvam. Eyanmongsiclhac sat Dios apquiltemaclha enlhit meltamilsomacpo apanco.

2 TESALONICENSES 2:3

Noelyejiclhojo nasa enlhitaoc yoyam elyinimsic quellhip. Cotyapoc sat amamyi acyinamam olhma nipyesicsa enlhitaoc apquiltomja apquilinmelhaycam Dios, yicpintama evotac Visqui ingac. Etacpoc sat lhama apyimtalhnamo apvisay mongyascalhma inyap, etvasacpoc sat ningiltovasomalhquilha.

2 TIMOTEO 3:13

Inmasquec alamco acyangvocmo apquiltemaclha acmasom enlhit apquilmopvancaa amyaa. Apquilyinimcasquic mataa poc. Apquilyinimsacpec mataa nipyesicsa.

1 SAN JUAN 4:1

Quellhip silasicjayo. Elyasquim sat quellhip apquilpayvam napocja enlhit. Noelquinatquis nasa ayinyemayaclha mayasinancama. Nasoc lhaja ayinyema Dios Espíritu apanco, jave lhaja. Ayinyemaclha apnam lhalhma anco aplhamoclhojo apquilmopvancaa amyaa. Apquillhenquic mataa ayinyema Dios apcasinancama.

2 SAN JUAN 1:7

Apquileyvec aplhamoclhojo apquilmopvancaa amyaa lhalhma anco. Apquilyascacmec mataa apvaa nat Jesucristo aptomjayclho enlhit apanco. Eycaso aptomja apmopvan amyaa aptomja apquinmelhaycam Cristo.

EL APOCALIPSIS 1:3

Apquilinyejemoc enlhit apquilyipsatem aptomja aplingascama as appayvam. Apquilinyejemoc enlhitaoc apquiltomja apquiljalhenmo najan apquilyiplovquiscama actemaclha singillhicmoscama as appayvam. Ayinyemaclha incamquitvaac actamongvomlha nelha aclhanmaclha appayvam.

EL APOCALIPSIS 12:9

Intipsalhquic alhta netin sinavocpo najan allhalhmaa, innec alhta alhantamo as nalhpop. Ayinyemaclha actomja mataa alsilhnanoncama enlhitaoc lhalhma anco. Actomja acvisay nano nimisma, moc acvisay yavey diablo najan acvisay yavey Satanás.