SAN LUCAS 21:36 - Enhlit Bible

³⁶ “Eltamilsacpojo apanco quellhip. Elilmalhna sat mataa. Apvancaac sat, yoyam elinquitacpoc. Am cotvacsejec sat quellhip asoc, yoyam colva. Apvancaac sat elanam payjo apvisay Aptiyam Aptomja Enlhit —alhta aptomjac.

SAN LUCAS 21:36 Iomraidhean Croise

JOB 27:10

Apquilvatsamquic alhta siclho, colapvanquejec elilmalhna Dios quilhvo nac jay.

SALMOS 1:5

Colapvanquejec mataa elpeyvescasiclha naysicsa macyicpilquemo. Colapvanquejec mataa elpasmoc Dios apmolhama enlhit melyascalhma.

JEREMÍAS 35:19

Eycaso sicpayvam Dios Visqui sicyimtalhnamo: Otnesquisic sat mataa selancam apquinyema Jonadab aptovana niptamin, yoyam jetnesam coo — alhta aptomjac Visqui ingac — nic nat aptomjac Jeremías.

MALAQUÍAS 3:2

Aptomjac nic nat profeta: ¿Ingvanqui ya ongvita apvoycamlha Dios Visqui ingac mepqui ninticyovam? ¿Ingvanqui ya ongvita mepqui ayay ingvalhoc? Evac sat malha talha, yoyam ingyalhnacsic ingvalhoc acmasom. Apyitsomacpo jabón quiltilhnaycaoc, actomja ayalhnascama ingvalhoc acpaysacmo.

SAN MATEO 24:42

‘Elalh anco quellhip. Am elyasamcoc quellhip acvamlha acnim, yoyam evotac Apvisqui apancaoc.

SAN MATEO 24:43

Elyasamcojo quellhip actemaclha sicyitquiscama. Apyasamcoc sat ancoc enlhit apmolhama apyap acvamlha alhtaa yoyam evac apminyilhma, eyca pa elaylhic mataa, yoyam elyacsilhma apminyilhma.

SAN MATEO 24:44

Elpenacsojo sat quellhip lha. Apquilanayquic sat ancoc quellhip movota sicvisay Sictiyam Sictomja Enlhit, cotlapsic sat ovota —alhta aptomjac.

SAN MATEO 25:13

Aptomjac alhta Jesús apquilanya apquiltamsoycaoc: —Elalh anco quellhip. Am elyasamcoc quellhip acvamlha acnim yoyam ovotac sicvisay Sictiyam Sictomja Enlhit —alhta aptomjac.

SAN MATEO 26:41

Eliljalhnam, elilmalhna mataa quellhip, yoyam melyipconacpeje. Inquiltamjo inyicje apquilvalhoc quellhip, eyca am coyimnac apyimpeoc —alhta aptomjac.

SAN MATEO 8:20

Apcatingmavoc alhta Jesús: —Alhanaoc innac maling. Alhanaoc innac nata. Am coyitnac sictiyanmaclha sicvisay Sictiyam Sictomja Enlhit —alhta aptomjac.

SAN MARCOS 13:33

“Eltamilsacpojo apanco, elalh sat quellhip. Melyasamcoc quellhip lha, yoyam comoc acnim.

SAN MARCOS 13:37

Innoc sictomjaclha lhac siyanya quellhip actomjac coo siyanya aplhamoclhojo enlhit: —Elalh —alhta aptomjac.

SAN LUCAS 1:19

Apcatingmavoc alhta ángel: —Coo nac Gabriel. Ayinmam coo mataa napato Dios Ingyapam. Eyapajasquic lhac coo seyanya opamejitsic lhip. Pac oltimnacsic lhip as amyaa actamalma.

SAN LUCAS 18:1

Apquiltimnasamcaa alhta Jesús actemaclha apyitquiscama. Aptomjac alhta apquilanya, yoyam elinlhanmojoc mataa apquililmalhnancama, yoyam melvatsamcoc mataa.

SAN LUCAS 20:35

Colyimjapamquejec sat maa enlhit apquilpalhaviyam netin najan aptomja aplhaticjangviyam nipyesicsa apquilmasquingvaycmo.

SAN LUCAS 21:35

Melpilapmacpeje quellhip. Incovac as acnim malha asoc acmam apquiljanma. Melpilapmacpejec sat enlhit lhalhma anco incovac as acnim.

LOS HECHOS 10:2

Appeyvomo alhta as enlhit najan aplhamoclhojo apmolhama. Apquilacoc alhta mataa Dios Ingyapam. Apquimlacmoc alhta mataa apnaymacoc judíos. Apquilinlhanacmec alhta mataa apquilmalhnancama Dios Ingyapam.

1 CORINTIOS 16:13

Elyiplovcasojo sat mataa, eltime sat malha apquilantiyapeyacmo. Elinlhanmojo quellhip naysicsa melyasquiyam. Eltamilsacpojo apanco quellhip. Elvascap sat mataa.

2 CORINTIOS 4:14

Ningyasamcoc nincoo: Aplhaticjascacmec alhta Dios Visqui ingac Jesús nipyesicsa apquilmasquingvaycmo. Jingnalhaticjascomoc sat nincoo lha ayinyema Jesús. Ongnam sat lhama quellhip napato Jesús.

COLOSENSES 4:2

Elinlhanmojo actemaclha ningilmalhnancama. Noelvatsaoc nasa eltimjic mataa gracias Dios Ingyapam naysicsa apquililmalhnancama.

1 TESALONICENSES 5:17

Elinlhanmojo sat mataa apquililmalhnancama.

2 TIMOTEO 4:5

Itne sat lhip mataa apyascamco, mepqui acyeyjamelhma. Ilinmalhacpojo sat lhip acmasca. Ilinlhanmojo sat aptamjaycam aptimem lhip soycam amyaa yoyam elngacsic tasic amyaa.

1 SAN PEDRO 4:7

Camquitvocmec acnim yoyam colmasquingvomoc aclhamoclhojo asoc. Eltamilsacpojo apanco mataa quellhip. Noelyeyesacpojo nasa olhma yoyam comasqueje apquililmalhnancama quellhip.

1 SAN PEDRO 5:8

Eltamilsojo apquilvalhoc quellhip. Elantiyapmojo sat mataa. Ayinyemaclha innec cotnaja ingmoc acvisay diablo yavey. Actomja malha asoc navjac aclom. Intingyam mataa yoyam cajic.

1 SAN JUAN 2:28

Quellhip eyitquic. Lhama siclhanma mocjam: Eltime sat mataa apquilpasmeyquiclha Jesucristo. Ningvitac sat ancoc mocjam Jesucristo, copayjiclhac sat ingvalhoc. Mongilmancacsejec sat nincoo napato apvactamo sat.

SAN JUDAS 1:24

Dios aptomja apvamlha pac lhama. Aptomja singvomquiscama tap ayinyema Jesucristo Visqui ingac. Yitnec apmopvan Dios yoyam eltamilsic quellhip yoyam melsilhnanacpeje. Apvanquic Dios enaliclhac quellhip apnaclha mepqui apquilsilhnanomap acyiplom acpayjayclha apquilvalhoc. Ayinyemaclha Dios apna naysicsa ayitsayolhma. Innec ayaco Dios Ingyapam, aptomja apyimtalhnamo, acyitna apmopvan nanoc nic nat najan quilhvo nac jay najan cotmongvoycamlha nelha. Amén.

EL APOCALIPSIS 11:4

Anit olivo yamit actomja allingascama sicvisay najan anit alapongmateycaoc alanma napato Dios aptomja Apvisqui as nalhpop.

EL APOCALIPSIS 6:17

Ayinyemaclha invaac acnim apyanmongsayclha nintemaclha nincoo. ¿Soc sat enlhit yoyam emyovacpoc? —alhta apquiltomjac.

EL APOCALIPSIS 7:9

Natamin as asoc acvitac alhta enlhit appintalhnama apquilinyema lhalhma anco, mongmovan ongilyipsitic. Apquilinyema aclhamoclhojo apquilaoclha najan aclhamoclhojo apquilmolhama najan aclhamoclhojo cotnaja ninpayvamo lhama. Apcanam alhta acyitnaclha Visqui aptajanem najan apyancaclha Nipquesic Apquitcoc. Apquilmopoy alhta apquilantalhnama. Yatipaang actingaoc alhta apquilmaycam.

EL APOCALIPSIS 8:2

Yejemoc alhta sicvita siete ángeles apcanaycam napato Dios. Apquilmesacpec alhta siete trompetas apquilpayvascama.