SAN LUCAS 21:24 - Enhlit Bible

²⁴ Eticyo sat napocja enlhitaoc. Elmacpoc sat napocja najan colhic sat acnalaclha lhalhma anco. Eltamacpoc sat tingma Jerusalén, metnaja judíos sat apquiltoyam, acvocmo acvamlha acnim apcascama Dios Ingyapam —alhta aptomjac Jesús.

SAN LUCAS 21:24 Iomraidhean Croise

GÉNESIS 34:26

Apticyovquic nic nat Hamor najan apquitca Siquem. Yejemoc nic nat apquilyantamaclho apquilyalhing Dina. Apquilyinyovcasquic nic nat acmaclha Siquem tingma pac.

ÉXODO 17:13

Apticyovquic nic nat cotnaja ingmoc amalecitas. Apquilnapma ilhnic nat Josué najan apnaymacoc.

ISAÍAS 5:5

Tasi. Pac oltimnacsic quellhip yavamlha otnejic ayimjaclha uva. Oljalhyovacsic sat acjalhtam, colhic sat actovasa ayimjaclha uva ayinyema ninatoscama. Otvacsic sat acjalhtam, colhic sat actovasa ayimjaclha uva altoyam ninatoscama.

ISAÍAS 63:18

Acyavataclhojo nat ningaoclha inganco, ningilvisay lhip apnaymacoc. Apnatovasquic nat tingma apponquinomap cotnaja ingmoc.

ISAÍAS 66:12

Quip elanojo. Otnesquisic sat actamilaycam apquilvalhoc as tingma, malha vatsam sat cotnejic. Elvitac sat cotlaycaoc asoc ayinyema enlhitaoc lhalhma anco. Malha yingmin ayinyem sat cotnejic. Malha aptoycaoc neme sat cotnejic quellhip. Elaynacpoc sat quellhip, elhnesacpoc sat ayinlhaclha inquin. Coyiplovjoc sat apquilasicjamap.

ISAÍAS 66:19

Olanac sat asoc monquinatquiscama nipyesicsa maa. Olapajacsic sat napocja apquinyajaycaoc nipyesicsa enlhitaoc co Tarsis najan co Fut najan co Lud najan co Mesec najan co Ros najan co Tubal najan co Javán najan nipyesicsa enlhitaoc apnaycam nicja yingmin. Am ellingayac mocjam sicvisay. Am elvitayac mocjam sictemaclha sicyimtalhnamo. Elpayecsic sat nipyesicsa enlhitaoc sictemaclha sicyimtalhnamo.

LAMENTACIÓNES 1:15

Apticyovquic alhta ingnaymacoc apquilyimnatem naysicsa apquilimpocjay cotnaja ingmoc. Malha ningiltoyam uva acyilhna, yoyam cotyapoc ayingmenic, apquiltomjac alhta apticyovam co Judá, ayinyema alhta apcanama Visqui ingac.

DANIEL 12:7

Apmiyaseclhec alhta netin apmeoc enlhit apma apava apmopoy. Aptomjac alhta aplhanma apvisay Dios memasquingvoyam, apcatingmavo: Acvaycmo tres años y medio. Comascoc siclho apquillingaycamco acyimtalhnama Dios apquilyacyescama, cotningvomoc sat nelha acnim — alhta aptomjac.,

DANIEL 8:13

Aclingac alhta lhama ángel appayvam apcanya poc ángel: ¿Co sat acvam comascoc mactovascama apquilvatnamaclha asoc macmescama Dios? ¿Co sat acvam comascoc mactovascama apquilmalhnancamaclha najan macnatovascama Dios apquilyacyescama? — alhta aptomjac.

DANIEL 9:27

Colhic sat allana pacto ningmiyovmalhca nipyesicsa enlhit appintalhnama, acvaycmo lhama semana. Nalhit semana nac jay, comascoc sat actemaclha ningmescama asoc acticyovam macmescama Dios acyanmongam mongilyascalhma najan moc asoc ningmescama Dios. Colhic sat allana quilaycmasquiscama payjoc altar ningvatnamaclha macmescama Dios. Colhic sat actovascama najan acyanmongayclha apquiltemaclha maa — alhta aptomjac Gabriel — nic nat aptomjac Daniel.

MALAQUÍAS 1:11

Innec seyaco coo nipyesicsa enlhitaoc lhalhma anco. Innec seyaco coo lhalhma anco ayinyema apquilvatnama talha asoc masis. Najan ayinyema selmescama asoc altamila sicyisponcama coo.

SAN LUCAS 21:25

Aptomjac alhta mocjam Jesús: “Colvitalhcac sat asoc monquinatquiscama. Cajancac sat acnim, ingyajancac sat piltin, epalentac sat apyova. Avanjec sat apquilay enlhitaoc lhalhma anco as nalhpop. Melyasamquejec sat apquiltomjaclha apquillinga sat ayilhtingyovam yingmin acvanyam najan alyayajayam.

ROMANOS 11:25

Quellhip elyalhinga. Altamjoc coo yoyam melyimtalhnesacpejec apanco quellhip. Elyasamcojo sat quellhip asoc acyilhomalhca: Nasoc anco alyimnatem apquilvalhoc napocja enlhitaoc Israel. Comascoc sat alyimnatem apquilvalhoc acvocmo sat acnim apsovjomap apquilyanmonquiscama apquilvalhoc metnaja judíos.

HEBREOS 11:34

Apquilsaponcasquic nic nat talha. Apquinyajamquic nic nat apquilaca sovo acvinatem. Apquilyimnatem nic nat apquiltomjac, apquiltomja mepqui apquilyimnatem siclho. Apquiltomja ilhnic nat apquilyimtalhnamo naysicsa apquilnapomap. Apquiltomja ilhnic nat apminlhanma singilpilhtetemo cotnaja ingmoc.

EL APOCALIPSIS 11:2

Nolyipsitaoc nasa acyiviy olhma napocja tingma apponquinomap. Ayinyemaclha actomja apquileyvomoclha metnaja judíos. Eltovacsic sat metnaja judíos tingma apvanyam aptamila acvocmo sat cuarenta y dos piltin.