SAN LUCAS 21:19 - Enhlit Bible

¹⁹ Apquilinlhanacmec sat ancoc quellhip actamongvamlha nelha, elvomsacpoc sat tap.

SAN LUCAS 21:19 Iomraidhean Croise

SALMOS 37:7

Ivanma sat lhip napato Visqui ingac, itne sat apcayo. Noyasipquis nasa apvita sat enlhit aptemaclha apmapseve, aptomja apsilhnanoncama poc.

SALMOS 40:1

Alinlhanacmec coo siljalhanma Visqui ingac. Apjalhnoc alhta silmalhnancama yoyam jepasmoc.

HABACUC 3:16

Ayacac alhta siclinga, avanjec alhta ayay evalhoc. Inmasquec alhta alyimnaa eyavaoc, mepqui sicyimnatem sicyovoclhojo. Olaylhic sat acnim, yavamlha eyanmongsiclha Dios apquiltemaclha apancaoc cotnaja ingmoc.

SAN MATEO 10:22

Eltanovacpoc sat quellhip lhalhma anco, coo sicvisay ayinyemaclha. Apquilinlhanacmec sat ancoc enlhit actamongvomlha nelha acnim, evomsacpoc sat tap.

SAN MATEO 24:13

Apquilinlhanacmec sat ancoc enlhit actamongvomlha nelha, evomsacpoc sat tap.

SAN LUCAS 8:15

Poc enlhit eyca acyitsomalhco mayinayclha actic actamila lhopactic. Apquillingac ancoc amyaa, yejemoc almam apquilvalhoc. Inlhamaclhec anco apyilhna enlhit actemaclha apquilinlhanyam —alhta aptomjac Jesús.

ROMANOS 15:4

Intomjac nic nat aclhanma Dios appayvam actalhesomalhca yoyam ongilyasingvomoc nincoo. Yoyam najan coytic aljalhneycam ingvalhoc, ayinyema actemaclha ningilinlhanyacmo najan ayinyema aptamilquisquiyam ingvalhoc, actemaclha aclhanma actalhesomalhca.

ROMANOS 2:7

Apquilyiplovcasquic sat ancoc actemaclha actamila naysicsa apquiltingyey acyimnatem apnenyaoc, coyanmongentac sat. Eltimjic sat apquilyimtalhnamo ayinyema Dios najan colhic sat alaco najan ellhovac sat acyimnatem apnenyaoc cotmongvoycamlha nelha.

ROMANOS 5:3

Moc asoc najan: Inpayjeclhec najan ingvalhoc naysicsa ninlingaycamco acmasca. Ningyasamcoc nincoo: Naysicsa ninlingaycamco acmasca ongilyasingvomoc actemaclha ningilinlhanyam.

ROMANOS 5:4

Naysicsa ningilinlhanyam actemaclha ningyiplovquiscama ongilyasingvomoc actemaclha ningiltamilcasomalhco inganco. Coyangvomoc sat aljalhneycam ingvalhoc.

ROMANOS 8:25

Asoc actomja aljalhneycam mongvanquejec ongvita quilhvo nac jay. Incaymalhquic ongilinlhanmojo ningiljalhanma, malha naysicsa singilipvoyam.

1 TESALONICENSES 1:3

Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac.

2 TESALONICENSES 3:5

Ningiltamjoc nincoo yoyam etnesquisic Visqui ingac allheneycam apquilvalhoc quellhip actemaclha ningasicjayo ayinyema Dios najan actemaclha ningilinlhanyacmo ayinyema Cristo.

HEBREOS 10:36

Incaymalhquic elinlhanmojo quellhip yoyam elyiplovcasojo actemaclha apmayjayoclha Dios yoyam najan ellhovac aplhanma Dios actomja nasoc anco.

HEBREOS 6:11

Ningiltamjoc nincoo moclhama quellhip yoyam elyimnac najan elinlhanmojo apquilyiplovquiscama aljalhneycam ingvalhoc acvocmo actamongvomlha nelha.

HEBREOS 6:15

Am nic nat cotnajam apvalhoc Abraham naysicsa apquiljalhanma. Apvitac nic nat actemaclha aplhanma Dios yoyam elmesic.

SANTIAGO 1:3

Elyasamcojo: Inyipconalhquic sat ancoc actemaclha melyasquiyam quellhip, coyangvomoc sat actemaclha apquilinlhanyam.

SANTIAGO 1:4

Elinlhanmojo mataa quellhip naysicsa apquilyiplovquiscama. Eltimjic sat quellhip apquilpeyvomo najan mepqui lhama asoc ayaymomalhca.

2 SAN PEDRO 1:6

Natamin eltamesap apanco. Natamin elyiplovquis actemaclha apquilinlhanyacmo. Natamin elyiplovquis actemaclha apquilayo Dios.

EL APOCALIPSIS 1:9

Coo nac sicvisay Juan, sictomja elyalhinga quellhip. Sictomja siclingaycamco lhama quellhip. Opasmiclhac sat quellhip acvaa sat Dios apquilnancascama. Sictomja silinlhanyacmo lhama quellhip ayinyema ninpasmeyquiclha Jesucristo. Acnec alhta acyayem lhip acvisay Patmos, sicmomalhca alhta. Acmalhquic alhta ayinyema siclingascama Dios appayvam najan ayinyema siclingascama apvisay Jesucristo.

EL APOCALIPSIS 13:10

Ninganem sat ancoc emacpoc poc enlhit, ongmalhcac sat nincoo lha. Ningajac sat ancoc poc enlhit ningilyiplhalhem sovo acvinatem, ongmatong sat nincoo lha, colhic sat singilyiplha sovo acvinatem. Incaymalhquic yoyam elinlhanmojo actemaclha melyasquiyam Dios apmolhama.

EL APOCALIPSIS 14:12

Incaymalhquic elinlhanmojo Dios apmolhama apquiltomja apquilyiplovquiscama singanamaclha Dios najan apquiltomja melvatseycaoc melyasquiyam Jesús —alhta aptomjac ángel.

EL APOCALIPSIS 3:10

Yitnec coo sicpayvam yoyam elinlhanmojo enlhitaoc seljalhanma. Aptamilcasquic alhta lhip sicpayvam. Omyoc sat lhip naysicsa acvoy acyipconma. Covac sat acyipconma nipyesicsa enlhitaoc lhalhma anco yoyam elyipconacpoc.