SAN LUCAS 21:1 - Enhlit Bible

¹ Lhama alhta apna Jesús congne tingma apponquinomap. Apquillanam alhta enlhit apnincanvoycta solyayem yamit aysicsic. Alyiviy solyayem alhta apninquina enlhit ningilnatam inyap.

SAN LUCAS 21:1 Iomraidhean Croise

1 REYES 14:26

Apquilpatmaoclhec nic nat apquilmaycam acmamnave acnaycaoc tingma apponquinomap najan apvisqui tingma pac. Apquilpatmaoclhec nic nat najan apquilmaycam ningajapsomalhca allanomalhca oro, apquillanay nic nat Salomón.

2 REYES 12:9

Apquillanac nic nat sacerdote Joiada yamit aysicsic ayitcoc, acyitna malamong malha atong ayitcoc, appiquena nicja acvatnamaclha altar payjoc derecha. Apquiltamilcasquic nic nat atong apquilantalhningvoyam enlhitaoc tingma apponquinomap. Apquilmec nic nat tacja sacerdotes acyovoclhojo solyayem apquilsayquinta enlhitaoc, apninquina avalhoc yamit aysicsic.

2 REYES 24:13

Apquilsovjoc nic nat apquilsayclha asoc acmamnave ayinyema tingma apponquinomap. Najan asoc apancaoc apvisqui tingma pac. Apquilpalhcatquic nic nat aclhamoclhojo asoc acnaycaoc tingma apponquinomap. Apvisqui Salomón nic nat apquillanay as asoc acnaycaoc congne. Invocmec nic nat nelha aplhanmaclha Dios, yoyam covac as acnim.

2 CRÓNICAS 36:18

Apquilpatmaoclhec nic nat tingma Babilonia apvisqui caldeos, apsovjomo apquilmaycam acnaycaoc tingma apponquinomap, najan ayitcoc najan alyivey apquilmaycam, najan asoc acmamnave congne tingma apponquinomap, najan acnaycaoc apvisqui najan enlhit mayayo tingma apancaoc.

NEHEMÍAS 13:13

Actimescasquic alhta apquimja apmamyi depósitos sacerdote apvisay Selemías, secretario Sadoc najan levita apvisay Pedaías. Aptamjaycamó lhama alhta Hanán, Zacur apquitca najan Matanías aptavin. Meyasquiyam innac maa, elmilascoc mataa nintom.

SAN MATEO 27:6

Apquilansaclhec alhta solyayem apquilimja apmamyi sacerdotes. Apquiltomjac alhta apquilpamejitsacpo: —Mongvanquejec ongninquinic as solyayem acninquinomalhquilha solyayem tingma apponquinomap. Ayinyemaclha enlhit acyanmongam, yoyam ematong —alhta apquiltomjac.

SAN LUCAS 20:47

Apquilsovjasquic alnatam lhintampaa. Incajoc apquilvinatesa apquililmalhnancama, yoyam elpocsic apquiltemaclha apancaoc. Coyimtilhojoc sat acyanmongayclha apquiltemaclha apancaoc —alhta aptomjac.

SAN JUAN 8:20

Apquiltimnasamcaa alhta Jesús as amyaa congne tingma apponquinomap. Apquinmam alhta Jesús nicja yamit aysicsic acninquinomalhquilha solyayem. Am alhta emacpoc Jesús. Ayinyemaclha am alhta covocmoc acnim, yoyam emacpoc.

JOSUÉ 6:19

Elponquinquis sat aclhamoclhojo asoc alyinmomo plata najan oro najan asoc ayitcoc ningilmaycam bronce najan hierro. Elansiclha sat quellhip, cotnejic sat apanco Dios — nic nat aptomjac Josué.

JOSUÉ 6:24

Apquilvatnec nic nat talha apyovoclhojo tingma najan aclhamoclhojo asoc. Apquilansaclhec nic nat acvamlha asoc alyinmomo plata najan oro najan bronce najan hierro. Apquilsaclhec nic nat as asoc Dios tingma pac.