SAN LUCAS 20:36 - Enhlit Bible

³⁶ Melmasquingvomejec sat mocjam. Elinmalhningvomoc sat ángeles Dios apquilasinancama. Eltimjic sat Dios apquitquic ayinyema apnalhaticjangviyam.

SAN LUCAS 20:36 Iomraidhean Croise

ISAÍAS 25:8

Emascocsic sat Visqui ingac acvisay ningitsepma cotmongvoycamlha nelha. Emascocsic sat Visqui ingac acmayovsa apquilvalhoc enlhit apquiliclhangveycam. Emascocsic sat Visqui ingac aclingaycamco apquilvalhoc lhalhma anco. Eycaso ayinyema appayvam Dios.

OSEAS 13:14

¿Coo ya olmeyvoc, yoyam melitsepejec enlhitaoc? Momyovejec sat coo. ¿Coo ya olmeyvoc, yoyam melvomejec sat alyascamaclha ingjangaoc? Momyovejec sat coo. Naso, acmovan innac ningitsepma, elitsapoc sat maa. Acmovan innac malhic, elatoynacpoc sat maa. Coo ayinyema mepqui sicmasma enlhitaoc, elmasquingvomoc sat.

ZACARÍAS 3:7

Eycaso appayvam apvisqui apyimtalhnamo: Isavojo sat lhip apyiplovquiscama siyanamaclha, yoyam oltimnacsic lhip. Apyiplovcasquic sat ancoc lhip, otnesquisic sat lhip apquimja apmamyi tingma ajac apponquinomap. Etamilsic sat as tingma najan nipyava tingma. Etnejic sat aptamjaycamó lhama as ángeles silasinancama.

SAN MATEO 22:30

Colyimjapamquejec sat enlhit acnim ningnalhaticjangvoycamlha. Melyimjapquisejec sat apquitquic. Elinmalhningvomoc sat ángeles Dios apquilasinancama apnaycam netin.

SAN MARCOS 12:25

Apnalhaticjangvocmec sat ancoc apquilmasquingvaycmo, colyimjapamquejec mocjam. Elinmalhningvomoc sat ángeles Dios apquilasinancama apnaycam netin —alhta aptomjac.

ROMANOS 8:16

Espíritu apanco Dios aptomja apyascasingviyam ingvalhoc ningiltomja nasoc anco Dios apquitquic.

1 CORINTIOS 15:26

Alhayi anco sat cotvasalhcac cotnaja ingmoc acvisay ningitsepma.

1 CORINTIOS 15:42

Innoc najan lha sat cotnejic ningnalhaticjangvoycamlha. Incatongnalhquic mataa asoc yoyam comascoc. Comasquejec sat mocjam asoc actomja aclhaticjangviyam.

1 CORINTIOS 15:49

Ningnoc nincoo lha quilhvo enlhit apquillanomap siclhoc anco. Onlhojoc sat najan nincoo lha aptomja apquinyema netin.

FILIPENSES 3:21

Yitnec ningyovoclhojo yoyam comasquingvomoc. Eyanmongsic sat Visqui ingac moc actemaclha ningyovoclhojo. Elhnasojoc sat ningyovoclhojo actemaclha aptamila apanco apyovoclhojo. Apmopvan innac Visqui ingac. Apvanquic ingyanic yoyam colilyejiclhojo aclhamoclhojo asoc netin najan nalhpop.

EL APOCALIPSIS 20:6

Apquilinyejemoc enlhitaoc najan apquilyacyesomap apquiltomja yoyam enalhaticjangvomoc apmamyi. Melmasquingvomejec sat mocjam ayinyema moc ningitsepma. Eltimjic sat apquilancam Dios najan apquilancam Cristo. Eltimjic sat apquilviscaa apquillhalhmaa Cristo acvaycmo mil años.

EL APOCALIPSIS 21:4

Dios sat elicsic apate yingmenic enlhitaoc. Comascoc sat actemaclha ningitsepma. Comascoc sat actemaclha acyitnocjayo ingvalhoc najan actemaclha ningiliclhangveycam najan actemaclha acmasca. Ayinyemaclha inmasquingvocmec aclhamoclhojo actemaclha nano —alhta intomjac siclingay.

EL APOCALIPSIS 22:9

Aptomjac alhta ángel seyanya coo: —Notne nasa. Coo najan sictimem silancamo lhama lhip najan sictimem silancam lhip apquilyalhinga najan silancam profetas Dios apquillingascama najan silancam apquiltomja apquilyiplovquiscama Dios appayvam acnatalhesomalhca as vaycajac. Ipayicsojo sat Dios —alhta aptomjac.