SAN LUCAS 2:46 - Enhlit Bible

⁴⁶ Natqui acnim alhta intomjac alvitaclho. Apnacmec alhta tingma apponquinomap nipyesicsa apquilyascamco apquiltemaclha. Apquiljalhnoc alhta amyaa. Apquilmalhnac najan mataa Jesús apquitcoc.

SAN LUCAS 2:46 Iomraidhean Croise

1 REYES 12:12

Invocmec nic nat natqui acnim. Apcansaclhec nic nat Jeroboam aplhamoclhojo enlhitaoc. Apquilmiyalhec nic nat apnaclha apvisqui Roboam. Eycaso actemaclha ilhnic nat apcanama sichlo: Elvota sat mocjam acvocmo natqui acnim — nic nat aptomjac.

1 REYES 12:5

Apcatingmavoc nic nat apvisqui Roboam: —Eltajiclha siclho. Elvota sat mocjam acvocmo natqui acnim — nic nat aptomjac. Apquiltajaclhec nic nat enlhitaoc.

ISAÍAS 50:4

Eyasinaquic coo Visqui ingac otamilquiscomoc apquilvalhoc enlhit apquilyampay. Elhaticjasquic mataa alhtoo, ongvaylhojoc appayvam, yoyam oyiplovcasojo.

SAN MATEO 12:40

Natqui acnim najan natqui alhtaa ilhnic nat apma Jonás avalhoc yamquilasma. Sat colhojoc maa apvisay Aptiyam Aptomja Enlhit. Natqui acnim najan natqui alhtaa sat cotnejic apyitnama congne tacjalhop.

SAN MATEO 16:21

Apquenmoc alhta Jesús apquiltimnascama apquiltamsoycaoc yavamlha sat cotnejic. Omyaclhac sat tingma Jerusalén. Olngamcojoc sat acmasca. Otanovalhcac sat nipyesicsa apquilyimtalhnamo najan nipyesicsa apquilimja apmamyi sacerdotes najan apquilyascamco apquiltemaclha. Omatong sat coo. Natqui acnim sat cotnejic olhaticjangvomoc mocjam —alhta aptomjac.

SAN LUCAS 2:47

Pilapcasquic alhta anco aclingalhco aplhanma asoc. Apmopvan alhta innac.

SAN LUCAS 5:17

Lhama acnim alhta intomjac apquillhicmosa amyaa Jesús. Apnam alhta lhama fariseos najan apquilyascamco apquiltemaclha. Apquilinyemac alhta lhalhma anco yoclhilhma Galilea, najan yoclhilhma Judea najan tingma Jerusalén. Apmopvan innac Jesús ayinyema Dios Ingyapam. Apvanquic alhta eltamilquiscomoc enlhit.

SAN JUAN 3:10

Apcatingmavoc alhta Jesús: —Lhip inyicje aptomja apquillhicmoscama nipyesicsa enlhitaoc Israel. ¿Am ya lhquip eyasamcoc as asoc?

LOS HECHOS 5:34

Apnec alhta nipyesicsa apquilyimtalhnamo lhama fariseo apvisay Gamaliel, aptomja apyascamco apquiltemaclha. Aptomjac alhta apquilayo apnaymacoc. Apquinmaclhec alhta netin. Apcanayquic alhta elantipsic siclho apóstoles apquilapajasomap.

1 TIMOTEO 1:7

Apquililtamjo inyicje eltimjic apquillhicmoscama singanamaclha Moisés. Am eyca elyasamcoc as enlhitaoc actomjaclha apquillhanma. Apquilyimtalhnesacpec mataa apanco naysicsa apquillhicmoscama.