SAN LUCAS 2:4 - Enhlit Bible

⁴ Aplhinquic alhta najan José. Tingma Nazaret alhta apquimpac, yoclhilhma Galilea. Apmiyaclhec alhta tingma Belén, David apcaoclha nano, yoclhilhma Judea. David aptavin niptamin alhta maa José.

SAN LUCAS 2:4 Iomraidhean Croise

GÉNESIS 35:19

Inquitsepquic nic nat Raquel. Apquilatoynquic nic nat nalhit amay acyascama tingma Efrata, moc apvisay Belén.

GÉNESIS 48:7

Acmiyantac alhta tingma Padan-aram. Nalhit amay alhta inquitsepvoctac lhip inquin acvisay Raquel, yoclhilhma Canaán. Am alhta ovocmoc tingma Efrata, moc apvisay Belén. Ayatoynquic alhta maa nalhit amay— nic nat aptomjac Jacob.

MIQUEAS 5:2

Tingma Belén yoclhilhma Efrata, apquitcoc as tingma nipyesicsa apquilmolhama Judá. Ingyinyemac sat maa apvisqui apancaoc Israel. Apvisay aptavin niptamin apquilyeyjamcaa nanoc nat.

SAN MATEO 1:20

Naysicsa allheneycam apvalhoc alhta José, acvanmesa lhama ángel Visqui apcasinancama. Aptomjac alhta ángel apcanya José: —José, lhip nac David aptavin niptamin. Nongya nasa etnejic aptava María. Ayinyemaclha Espíritu Santo aptimesquiscama inlovso.

SAN MATEO 2:23

Lhama alhta apvoclho maa. Apnaclhec alhta tingma Nazaret. Invocmec alhta nelha apquillhanma profetas Dios apquillingascama: —Iltamjacpoc sat apvisay nazareno —nic nat intomjac appayvam.

SAN LUCAS 2:3

Apquilanyacpec alhta aplhamoclhojo enlhit. Apquilmiyaclhec alhta actomjaclha apquilaoclha apancaoc, yoyam colhic acnatalhesamco apquilvisay.

SAN LUCAS 2:5

Apquiltamjoc alhta colhic actalhesa lhama acvisay María. Apponcanma alhta José. Inlovsoc alhta intomjac apponcanma José.

SAN LUCAS 4:16

Apvoctac alhta mocjam tingma Nazaret actomjaclha apcaoclha apanco. Aptalhningvoclhec alhta acnim ninnayclha tingma apcaneyclhilha. Aptemaclha apanco mataa. Apquiningvoclhec alhta, yoyam elyipsitic vaycajac.

SAN JUAN 1:46

Apcatingmavoc alhta Natanael: —¿Avanqui ya cotyapoc asoc actamila Nazaret nac maa? —alhta aptomjac. Apcatingmavoc alhta Felipe: —Quip ityaningvomjo —alhta aptomjac.

SAN JUAN 7:42

Yitnec actemaclha aclhanma Dios appayvam actalhesomalhca, yoyam ingyinyemac Cristo tingma Belén, apvisqui David tingma pac nano., Ayinyemaclha apvisqui David aptavin sat etnejic Cristo —alhta apquiltomjac.

RUT 1:19

Inquilquimpaclhec nic nat mocjam. Inquilvoclhec nic nat tingma Belén. Quilhvoc nic nat aclhenalhco amyaa naysicsa acyinamam olhma quilvanaa. Inquiltomjac nic nat alpamesma: —¿Naso ya Noemí acvactama? — nic nat inquiltomjac.

RUT 2:4

Tingma Belén nic nat apquinyicta Booz. Appayvasquic nic nat enlhit apquiltimesaycam: —Epasmoc sat quellhip Dios Apyimtalhnamo — nic nat aptomjac. —Epasmoc sat lhip lha Dios Apyimtalhnamo — nic nat apquiltomjac apquilatingmavo.

RUT 4:11

Apquilatingmavoc nic nat apnaycamó lhama: —Eje, ningvitac lhac nincoo. Epasmoc sat mataa Dios. Lhip tingma pac colhic sat quilvana. Colhojoc sat ningilyeyjamcaa Raquel najan Lea. Appintalhnama atovana natamin israelitas. Lhip Booz, itne sat apyimtalhnamo najan appeyvomo tingma Efrata, moc ningiltimem Belén.

RUT 4:17

Inquiltimec nic nat quilvanaa alanya: —Aptiyacmec alhta ayitca Noemí — nic nat inquiltomjac. Inquiltimec nic nat apvisay Obed, moc ningiltimem Apquilancam. Obed apquitca ilhnic nat Isaí. Aptavin nic nat apvisay David, ningiltimem apvisqui David.

1 SAMUEL 16:1

Aptomjac nic nat Dios apcanya Samuel: —¿Jalhco sat acvam comascoc acvinama apvalhoc lhip ayinyema aptemaclha Saúl? Acyinyovcasquic alhta aptimem apvisqui nipyesicsa enlhitaoc Israel. Ingva, ilic sat lhip alhancoc ningatsisquiscama yingmenic. Ongvapajacsic sat lhip tingma Belén apnaclha enlhit apvisay Isaí. Alyacyesquic coo lhama apquitca yoyam etnejic apvisqui nipyesicsa enlhitaoc.

1 SAMUEL 16:4

Apquilyajaclhoc nic nat profeta Samuel actomjaclha appayvam Dios. Apvoclhec nic nat tingma Belén. Apquilamyilhamquic nic nat apquilimja apmamyi tingma apvanyam. Incacoc nic nat apnenyaoc ellinga amyaa acmasom. Apquiltomjac nic nat apquilanya: —¿Yitne ya amyaa actamila? — nic nat apquiltomjac.

1 SAMUEL 17:12

David apyap nic nat Isaí, tingma pac Belén yoclhilhma Judea. Apnaymacoc nic nat enlhitaoc efrateos. Ocho apquitquic nic nat Isaí. Apvanacmec nic nat Isaí naysicsa aptimem apvisqui Saúl.

1 SAMUEL 17:58

Aptomjac nic nat Saúl apcanya David: —Lhip, ¿soc lhip enlhit apquitca? — nic nat aptomjac. Apcatingmavoc nic nat David: —Isaí apvisay tata coo, tingma Belén. Lhip apquilancam aptomja tata coo — nic nat aptomjac David.

1 SAMUEL 20:6

Elmalhnacpoc sat lhip sicyasaclha coo. Ingyatingmojo sat lhip maa: copvanquejec alhta evotac David. Movanquejec alhta omyoc selmalhnaycam maycaa tingma Belén, epasmiclha apquilmolhama. Ellanac sat fiesta asoc macmescama Dios, apquiltemaclha mataa moclhama año — sat itne ingyanic lhip — nic nat aptomjac David.