SAN LUCAS 2:37 - Enhlit Bible

³⁷ Tampeyi alhta intomjac acvocmo ochenta y cuatro años. Am alhta coyamasmac tingma apponquinomap. Inpayasoc alhta mataa Dios actemaclha almalhnancama acnim najan alhtaa.

SAN LUCAS 2:37 Iomraidhean Croise

SALMOS 22:2

Dios Apyimtalhnamo, ayevam lhip acnim anco. Am jeyatingmavoc mataa lhip. Ayevam lhip alhtaa, am otenac mataa coo.

SALMOS 23:6

Olhcac sat mataa asoc altamila najan actemaclha seyimlayquiclho aclhamoclhojo acnim sictiyascam as nalhpop.

SALMOS 27:4

Yitnec coo lhama asoc yoyam olmalhnam mataa: —Ingyane sat olhic mataa lhip tingma pac aclhamoclhojo acnim sictiyascam coo. Altamjoc olanojoc mataa aptemaclha lhip singasicjayo, najan aptemaclha tingma apponquinomap.

SALMOS 84:10

Actamila anco lhama acnim congne tingma apponquinomap, am colhno aclhamoclhojo acnim mepqui lha tingma apponquinomap. Actamila anco olhic apatong tingma apponquinomap, am colhno opalhavomoc apnaycamcaclha enlhit apquilmapsomcaa.

SALMOS 84:4

Apquilinyejemoc anco enlhit apnaycam tingma pac. Apquiltimec mataa apquilayo cotmongvoyam nelha.

SALMOS 92:13

Malha ayimjaclha intomjac congne Visqui tingma pac apponquinomap. Malha yamit ilhnamoc intomjac payjoc Dios tingma pac apponquinomap.

ÉXODO 38:8

Apquillanac nic nat Bezaleel yingmin alhancoc de bronce najan maa avjac. Ayinyema ilhnic nat quilvanaa alyamasma laneyo intalhamavo de bronce, altimesaycam mataa payjoc carpa apponquinomap amyip.

SAN LUCAS 5:33

Apquiltimnasacpec alhta Jesús: —¿Soctomja melmajay aptoycaoc Juan apquiltamsoycaoc apquilinlhanyam apquililmalhnancama? Apquilnesacpoc fariseos apquiltamsoycaoc. Am elhnoc lhip apquiltamsoycaoc. Aptovcamquic najan apyinamquic mataa —alhta apquiltomjac.

LOS HECHOS 13:3

Yejemoc alhta apquililmalhna mocjam. Am alhta elmayajamco aptoycaoc. Yejemoc alhta apninquina apmeoc apyitsicsaoc Bernabé najan Saulo. Yejemoc alhta apquilapajasacpo (elpayecsic tasic amyaa).

LOS HECHOS 14:23

Apquilyacyesquic alhta Pablo najan Bernabé enlhit, yoyam etnejic apquinimsomap apmamyi moclhama Jesucristo apmolhama (iglesia). Yejemoc alhta apquililmalhnam actemaclha melmajay aptoycaoc. Apquilmalhnescasquic alhta as enlhitaoc. Am alhta elyascacmoc Visqui ingac as enlhitaoc.

LOS HECHOS 26:7

Apquililjalhnec mataa apyovoclhojo enlhitaoc Israel, yoyam comoc nelha aplhanmaclha Dios Ingyapam. Apquilinlhanacmec mataa elyiplovsic acnim najan alhtaa. Visqui Agripa, eycaso ayinyema sellhanma sicmasom judíos quilhvo nac jay.

1 TIMOTEO 5:5

Nasoc sat ancoc ingyalhing tampeyi actomja acma inlhapco, colhenejec sat mataa avalhoc moc asoc. Eyca colhenic sat mataa avalhoc Dios. Colinlhanmojoc sat mataa almalhnancama acnim anco najan alhtaa.

EL APOCALIPSIS 3:12

Apyiplovcasquic sat ancoc enlhit, otnimsic sat congne Dios tingma apponquinomap as enlhit, malha ninginimquiscama yamit sat etnejic. Metyepejec sat mataa. Otalhocsic sat nicja yamit apvisay Dios najan apvisay tingma pac Dios. Apvisay Jerusalén tingma apjalhnancoc apquinyema netin, apquinyema apnaclha Dios. Otalhocsic sat alhnancoc sicvisay.

EL APOCALIPSIS 7:15

Eycaso ayinyema apcanvoycta apnaclha Dios apma netin Visqui aptajanem. Apquilanam congne Dios tingma apponquinomap acnim najan alhtaa. Dios sat etamilsic as enlhitaoc, malha appayescama carpa sat etnejic tacjaplhit enlhitaoc.

1 SAMUEL 2:2

Santo mayayo nac lhip Dios Apyimtalhnamo, mepqui poc. Singmasma nac lhip Dios, mepqui poc. Lhip apvamlha pac lhama, mepqui poc.