SAN LUCAS 2:34 - Enhlit Bible

³⁴ Apquiltamjoc alhta Simeón, yoyam epasmoc Dios sicaa inquin: —Ca incolanojo, etnimsacpoc sat ayitca nipyesicsa enlhitaoc co Israel. Elpilapongsic sat aplhamoclhojo. Elansiclhac sat netin poc aplhamoclhojo. Malha sat cotnejic ningilyotayaclha asoc acvanomalhca.

SAN LUCAS 2:34 Iomraidhean Croise

GÉNESIS 14:19

Actamila ilhnic nat appayvam apvisqui Melquisedec appamejitquiscama Abram: Altamjoc lhip epasmoc Dios Apyimtalhnamo, aptomja apquillanay nic nat netin najan nalhpop.

GÉNESIS 47:7

Apyantementac nic nat apyap José. Apquiltamjoc nic nat etac apvisqui faraón. Avanjec nic nat apcayo Jacob apvisqui faraón.

ÉXODO 39:43

Apvitac nic nat Moisés acyovoclhojo asoc apquillanay apnaymacoc, apvaticjapcasquic nic nat apquilmalhnesquisa apnaymacoc.

ISAÍAS 8:18

Coo najan eyitquic selmescama Visqui ingac, ningiltomja asoc monquinatquiscama nipyesicsa enlhitaoc Israel, ayinyema aplhanma Visqui apyimtalhnamo apna netin inquilhe Jerusalén.

OSEAS 14:9

Elyasamcojo sat quellhip apquiltomja apquilyascamco as amyaa: Impeyvoc anco actemaclha singillhicmoscama Visqui ingac. Ongmiyovalhcac sat ningyiplovquisa ningilvisay ningilpeyvomo. Eltanovacpoc sat apquilmapsomcaa, ayinyema apquiltanoncama singanamaclha.

SAN MATEO 11:19

Acvaac alhta coo sicvisay Sictiyam Sictomja Enlhit. Actovquic coo, acyinquic najan. Apquiltomja inyicje quellhip sellhena: Quip elanojo, enlhit mengyascama etovc aptom najan mengyascama eynic uva yingmenic. Aptomja apnaymacoc apquilmam tacja solyayem najan enlhit melyascalhma —inyicje apquiltomja sellhena. Inpeyvoc anco acyascamcolhma ayinyema Dios Ingyapam. Invitalhquic mataa apyascamcolhma actemaclha acpeyvomo —alhta aptomjac.

SAN MATEO 12:46

‘Naysicsa apquiltimnaycam alhta Jesús acvaa inquin najan apquilyalhinga. Am alhta cotatescaclha apnaclha Jesús. Inquiltamjoc alhta copamejitsic.

SAN MATEO 21:44

Aptolhnac sat ancoc enlhit netin as mataymong, ingyilhpocjacpojoc sat. Incapquic sat ancoc enlhit as mataymong, etpilcacpojoc sat —alhta aptomjac.

SAN MATEO 27:63

Apquiltomjac alhta apquilanya Pilato: —Visqui, am jingilvoncacmoc mocjam nincoo aptomjaclha alhta appayvam as enlhit singilsilhnanoncama, mengyitsepmaclha alhta: “Natqui acnim sat cotnejic olhaticjangvomoc mocjam” —alhta aptomjac singilanya.

SAN LUCAS 2:35

Colngalhcac sat alquitamsama apquilvalhoc enlhitaoc. Cascoc sat avalhoc lhiya, malha ayajem sovo acvinatem sat cotnejic —alhta aptomjac Simeón.

SAN JUAN 3:20

Apquiltanovquic ayitsayolhma enlhit apquiltomja apquilyiplovquiscama asoc almasomcaa. Am elyoctac ayitsayolhma. Apquililtamjoc am colvitalhca apquiltemaclha apancaoc.

SAN JUAN 5:18

Inyangvocmec alhta apquillom enlhitaoc. Apquililtamjoc alhta elajic Jesús. Jave acvamlha ayinyema aptovascama acnim ningnayclha. Eyca ayinyema najan aplhanma aptomja apyap apanco Dios Ingyapam. Apquilanayquic alhta elhnesacpoc apanco Dios Ingyapam.

LOS HECHOS 13:45

Lhama alhta apquilvita judíos enlhit appintalhnama. Inquillovquic alhta apquilvalhoc judíos. Yejemoc alhta apquilantipsamcaa apvisay Pablo. Mopvan amyaa alhta apcanyacpoc.

LOS HECHOS 17:6

Am alhta elvitac maa. Yejemoc alhta apmacpo Jasón najan napocja apquilyalhinga. Apquilyinyovaseclhec alhta apnamcaclha apquilyimtalhnamo tingma. Apquilpalhamam alhta: —Apquilvaac lhac as enlhitaoc apquiltomja apquilyinimquiscama lhalhma anco.

LOS HECHOS 24:5

Ningvitac as enlhit aptomja apmapsom (malha apsoycam ningmasquem). Aptomja mataa Pablo apquillanay quimpocjacme nipyesicsa judíos lhalhma anco. Aptomja Pablo lhama apvisqui apancaoc apquilvisay nazarenos.

LOS HECHOS 28:22

Ningiltamjoc nincoo ongilaylhojo actemaclha aclhanma apvalhoc lhip. Ningyasamcoc nincoo, intanovalhquic lhalhma anco nintemaclha alhnancoc (ningilvisay cristianos).

LOS HECHOS 4:26

Apcanaycamo lhama apquilviscaa as nalhpop actemaclha alinmelhaycam apquilvalhoc. Apcaneclhec najan yatapquilviscaa. Apquilinmelhma Visqui ingac najan Visqui Apponquinomap.

LOS HECHOS 6:7

Inpayjeclhec alhta Dios appayvam. Aplhameclhec alhta enlhit melyasquiyam tasic amyaa tingma Jerusalén. Melyasquiyam alhta apquiltomjac aplhamoclhojo sacerdotes.

ROMANOS 9:32

¿Soctomja colapvanco? Ayinyemaclha apquililtamjoc alhta eltimjic apquilpeyvomo ayinyema apquilyiplovquiscama apquiltemaclha. Am alhta eliltamjoc eltimjic apquilpeyvomo ayinyema mongyasquiyam. Inquilpilaponcasquic alhta mataymong acvisay “sinpilaponquiscama”.

1 CORINTIOS 1:23

Ninlingasquic nincoo amyaa Cristo aptomja apquitsepma netin asoc timyescama. Apquiltanovquic mataa judíos as amyaa. Apquilanayquic mataa metnaja judíos cotnajac actamongvayclholhma as amyaa.

HEBREOS 7:1

Apvisqui ilhnic nat aptomjac Melquisedec tingma Salem. Dios apquilancam ilhnic nat najan aptomjac napato Dios apyimtalhnamo. Natamin apquilnapomap ilhnic nat Abraham apquilviscaa, aptajaclho ilhnic nat mocjam. Yejemoc nic nat apquilamyilhamco Melquisedec aptomja Dios apquilancam apquilmalhnesa asoc altamila Abraham.

HEBREOS 7:7

Nasoc anco, apyimtalhnamo apanco aptomja apquilmalhnesquiscama asoc altamila, am elhnoc aptomja aplhoy asoc altamila.

1 SAN PEDRO 4:14

Apquiltanovacpec sat ancoc quellhip ayinyema apvisay Cristo, colpayjiclha sat apquilvalhoc. Ayinyemaclha aplhalhma sat etnejic Dios Espíritu apanco aptomja apyimtalhnamo.

1 SAMUEL 2:20

Yiplovcoc nic nat aptomjaclha Elí, yoyam elmalhnesquisic Elcana najan aptava. Aptomjac nic nat apcanya: Epasmoc sat Dios. Cotac sat mocjam ayitquic as aptava. Ayinyema mepqui acmasma siclho ayitca apvisay Samuel. Apquiltajaclhec nic nat mocjam.