SAN LUCAS 19:29 - Enhlit Bible

²⁹ Lhama alhta apvaclho ayamquitilha tingma Betfagé najan tingma Betania, nicja inquilhe acvisay Olivos. Apquilapajasquic alhta apcanit apquiltamsoycaoc.

SAN LUCAS 19:29 Iomraidhean Croise

ZACARÍAS 14:4

Etnamam sat Visqui ingac netin inquilhe Olivos, payjoc tingma Jerusalén nicja actiyapmaclha acnim. Copalhic inquilhe acvinatem nalhit, cotniclhac sat alvata ayinyema actiyapmaclha acnim acyascama actalhningvamlha acnim. Colhingsalhcac sat nilhqueyja nicja inquilhe, najan nipiyam moc nicja inquilhe acvinatem.

SAN MATEO 21:17

Pilapcasquic alhta apquimpaclho Jesús. Aptipquic alhta tingma Jerusalén. Apmiyaclhec alhta tingma Betania. Aptiyanvoclhec alhta maa.

SAN LUCAS 19:30

Aptomjac alhta apquilanya: —Elmiyaclha natingma apyitna nac maa. Apquilvoclhec sat ancoc maa, elvitac sat yamelyeyjaycoc ayitcoc mactetem tama. Am conamtalhcac mocjam. Elliquis sat tama, elyantamenta sat.

SAN LUCAS 19:37

Apcamquitvoclhec alhta tingma. Apvoclhec alhta acvayveyquintamlha lhop nicja inquilhe acvisay Olivos. Yejemoc alhta apquilitsovasamcaa apquilanomacpo apquiltamsoycaoc. Am alhta elasac apquilpalhamamcaa. Dios Ingyapam alhta aplhenacpoc. Apquilacoc alhta apmopvan aptamjaycam sinpilapquiscama.

SAN LUCAS 21:37

Apquillhicmosquic alhta mataa Jesús tingma apponquinomap acnim anco. Apmiyaclhec alhta mataa netin inquilhe Olivos, yoyam etyinic.

SAN LUCAS 22:39

Aptipquic alhta tingma Jesús. Apmiyaclhec alhta inquilhe acvinatem acvisay Olivos, aptemaclha alhta mataa. Apquillhalhmaa alhta apquiltamsoycaoc.

SAN LUCAS 24:50

Apnalaclhec alhta Jesús apquiltamsoycaoc. Apquilvoclhec alhta tingma Betania. Yejemoc alhta apmiyaseclho netin apmeoc. Apquilmalhnesquisa alhta Jesús asoc altamila apquiltamsoycaoc.

LOS HECHOS 1:12

Apquiltajaclhec alhta tingma Jerusalén. Inquilhe acvisay Olivos alhta apquilquimpac. Ningato inyicje tingma Jerusalén, malha un kilómetro. Innoc acvamlha ninlhingam singanamaclha Dios acnim ningnayclha.