SAN LUCAS 18:43 - Enhlit Bible

⁴³ Yejemoc alhta acnaclho apataoc. Apyiplaclhec alhta apmiyaclhilha Jesús. Apcacoc alhta Dios Ingyapam. Lhama alhta apquilvita apquillhalhmaa, apquilacoc alhta najan maa Dios Ingyapam.

SAN LUCAS 18:43 Iomraidhean Croise

SALMOS 107:15

Eltime sat gracias Visqui ingac singasicjayo. Ayinyema aptamjaycam simpilapquiscama nipyesicsa enlhitaoc.

SALMOS 107:8

Eltime sat gracias Visqui ingac singasicjayo. Ayinyema aptamjaycam simpilapquiscama nipyesicsa enlhitaoc.

SALMOS 146:8

Aptomja apnesayclha apataoc enlhit mepqui apataoc. Aptomja aptamilquisquiyam enlhit apsilhnanomap apanco. Aptomja apquilasicjayo enlhit apquilpeyvomo.

SALMOS 30:2

Dios Visqui ajac. Apjalhnoc alhta lhip silmalhnancama. Lhip alhta setamilquisquiyam.

ISAÍAS 35:5

Colhnam sat mocjam apataoc enlhit mepqui apataoc. Colhnam sat apjaycaoc enlhit mepqui apjaycaoc.

ISAÍAS 42:16

Onaliclhac sat mepqui apataoc amay alhnancoc. Onaliclhac sat enlhit amay pac melvitayaclha. Omascocsic sat yatescamalhma. Cotniclhac sat ayitsayolhma. Opeyvasiclhac sat alvoyam congne, cotnejic acpeyvomo. Eycaso sicmovan otnejic as asoc. Osavojoc sat acyovoclhojo.

ISAÍAS 43:21

Coo alhta silantipquiscama enlhitaoc otnejic ajancaoc. Ellingacsic sat acma seyayo coo.

SAN MATEO 11:5

Innaclhec apataoc enlhit mepqui apataoc. Intamilaclhec apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN MATEO 21:14

Yejemoc alhta apquilvaa apnaclha Jesús enlhit mepqui apataoc najan apquilyateyaycam. Apquiltamilquiscacmec alhta Jesús.

SAN MATEO 9:8

Apcacpec alhta apvitacpo. Apquilacoc alhta enlhitaoc Dios Ingyapam aptomja apquilmopvanesquiscama enlhit.

SAN LUCAS 13:17

Lhama alhta apquillinga appayvam. Apquilmanca alhta eyca apquiltomja apquilinmelhaycam. Inquilpayjeclhec alhta apquilvalhoc enlhitaoc apquilvita actemaclha apmopvan aptamjaycam.

SAN LUCAS 19:37

Apcamquitvoclhec alhta tingma. Apvoclhec alhta acvayveyquintamlha lhop nicja inquilhe acvisay Olivos. Yejemoc alhta apquilitsovasamcaa apquilanomacpo apquiltamsoycaoc. Am alhta elasac apquilpalhamamcaa. Dios Ingyapam alhta aplhenacpoc. Apquilacoc alhta apmopvan aptamjaycam sinpilapquiscama.

SAN LUCAS 4:39

Apquiningvocmec alhta tacjalhit. Apquilyasquic alhta ilhma ningmasquem. Yejemoc alhta acmasca acmelhanma ayimpejic. Inquinmaclhec alhta netin quilvana. Inquillanam alhta innaymacoc.

SAN LUCAS 5:26

Pilapcasquic alhta apvitacpo. Apquilacoc alhta Dios Ingyapam. Apquilangvocmec alhta as enlhitaoc: —Ningvitac lhac asoc mongvitayac incotnejic actema nac lha —alhta apquiltomjac.

SAN LUCAS 9:43

Pilapcasquic alhta anco acvitalhco actemaclha Dios apmopvan apanco. Pilapcasquic alhta mocjam aplhamoclhojo apquilvita aptamjaycam Jesús. Aptomjac alhta apquilanya apquiltamsoycaoc:

LOS HECHOS 11:18

Lhama alhta apquillinga apquiltimnaycam apquilyalhinga apnaycam tingma Jerusalén. Inquiltamilaclhec alhta apquilvalhoc. Inmasquec alhta apquilyasquiyam. Apquilacoc alhta Dios Ingyapam, apquilpamejitsa: —Dios Ingyapam apmescama elyanmongsic apquilvalhoc metnaja judíos najan colhic acyimnatem apnenyaoc cotmongvoycamlha nelha —alhta apquiltomjac.

LOS HECHOS 26:18

Ongvapajacsic sat lhip, yoyam elvitasiclha olhma enlhitaoc. Yoyam meleyoc mocjam yatesaclhilhma, eyca eleyoc sat ayitsayoclhilhma. Yoyam melyiplaclha Satanás acmovan, eyca elyiplovjoc sat Dios Ingyapam. Yoyam mejelyascamejec sat coo najan yoyam colmascosalhca melyascalhma. Yoyam najan elpalhacsacpoc enlhit apquilponquinomap” —alhta aptomjac Jesús seyanya coo —alhta aptomjac Pablo.

LOS HECHOS 4:21

Apquilasacpec alhta mocjam Pedro najan Juan eliltimnam amyaa. Yejemoc alhta apquilapajasacpo. Am alhta elvitac apquilyimtalhnamo aptemaclha acmasom, yoyam elyanmongsiclha. Apnaymacoc alhta ayinyemaclha. Apquilacoc alhta mataa apmopvan aptamjaycam Dios.

GALATAS 1:24

Apquilacoc alhta Dios apmopvan aptamjaycam sellhena coo.

1 SAN PEDRO 2:9

Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila.