SAN LUCAS 18:23 - Enhlit Bible

²³ Inyitnocjasquic alhta apvalhoc as enlhit aplinga appayvam. Ayinyemaclha acyitna cascama apquilnatam.

SAN LUCAS 18:23 Iomraidhean Croise

EZEQUIEL 33:31

Apquilvocta inyicje, yoyam elhnam apnaclha lhip, elaylhojo lhip appayvam. Am eyca elyiplovcasac appayvam. Apquilvajanamquic mataa lhip appayvam malha apquilvajaneycaoc apquilminaycmascama. Moc asoc aclhanma apquilvalhoc acvisay solyayem.

SAN MATEO 19:22

Lhama alhta aplinga enlhit apquitcoc. Inyitnocjavoc alhta apvalhoc aplinga. Ayinyemaclha acnamco cascama apquilnatam.

SAN MARCOS 10:22

Inyitnocjavoc alhta apvalhoc as enlhit aplinga appayvam. Ayovsec alhta apvalhoc aplhinga. Ayinyemaclha aptomja ningilnatam inyap.

SAN LUCAS 12:15

Aptomjac alhta mocjam: —Elavojo quellhip actemaclha ningmayjayo ongyeycajasalhcojo ningilnatam. Jave aclhamoclhojo ningilnatam actomja acyimnatescama ingnenyic —alhta aptomjac.

SAN LUCAS 18:22

Lhama alhta aplinga Jesús, aptomjac alhta apcanya: —Lhama asoc ayaymalhco lhip. Itlhaoc sat aclhamoclhojo apquilnatam. Ilmes sat acyanmongam solyayem enlhit mepqui apquilnatam. Colhic sat apquilnatam almamnave netin. Jeyota sat, jeyiplovjo sat mataa —alhta aptomjac.

SAN LUCAS 18:24

Lhama alhta apvita Jesús acyitnocjayo apvalhoc, aptomjac alhta: —Copvanqueje inyicje enlhit acma apquilnatam elpalhavomoc Dios apquilnancascama.

SAN LUCAS 19:8

Yejemoc alhta apquiningvoclho Zaqueo apnaclha Jesús, aptomjac alhta: —Visqui, quip ilanojo. Pac omlascoc nalhit silnatam enlhit mepqui apquilnatam. Ayajemo alhta silyinimcascam enaymacoc, cuatro sat otnejic acyanmongayclha —alhta aptomjac.

SAN LUCAS 21:34

“Elavojo quellhip. Noelyimtalhnes nasa apquilvalhoc actemaclha sinlalictem, actemaclha anmin ato, actemaclha allhanma apquilvalhoc asoc lhalhma anco.

SAN LUCAS 8:14

Poc enlhit acyitsomalhco mayinayclha actic naysicsa yammeyac. Apquillingac anco amyaa. Moc asoc eyca ayinyemaclha inquilvanatescacmoc amyaa: Asoc aclhanma apquilvalhoc lhalhma anco, najan acsilhnanoncama solyayem, najan ayitsepma apnenyaoc asoc acmasom. Coylhejec acyilhna apquilvalhoc enlhit.

EFESIOS 5:5

Apquilyasamcoc quellhip: Melpalhavomejec sat Cristo najan Dios apquilnancascama apquiltomja apquilyiplovquiscama actemaclha apquilanatama najan actemaclha apquiltamongvaycmolhma najan actemaclha apquilmasma asoc, actomja malha apquilpayescamo quilaycmasquiscama acyitsomalhca Dios.

FILIPENSES 3:8

Najan quilhvo nac jay sicvaningvoyclha as asoc. Ayinyemaclha acyangvocmo seyascasingviyam aclhamoclhojo asoc Jesucristo Visqui ingac. Ayilhaquic coo aclhamoclhojo as asoc, malha sicmetsovjam Cristo. Actomja malha asoc apaoc ningillhacjam. Inlhenquic mataa evalhoc apvamlha Cristo yoyam elhic evalhoc coo.

COLOSENSES 3:5

Elnapiclha sat quellhip actemaclha almasomcaa almayjayo apquilvalhoc: Actemaclha ningilanatama, actemaclha alquitamsama ingvalhoc almasomcaa, actemaclha ningilvajaneycaoc acmasom, actemaclha ayitsepma ingnenyaoc najan actemaclha nintingyey cascama ningilnatam, actomja malha ningyiplovquiscama acyitsomalhca Dios.

1 SAN JUAN 2:15

Nocotsip nasa apnenyaoc asoc acnaycaoc lhalhma anco. Inquitsepquic sat ancoc apnenyic apquiltemaclha enlhit lhalhma anco, comascoc sat apcasicjayo Dios Ingyapam.