SAN LUCAS 18:1 - Enhlit Bible

¹ Apquiltimnasamcaa alhta Jesús actemaclha apyitquiscama. Aptomjac alhta apquilanya, yoyam elinlhanmojoc mataa apquililmalhnancama, yoyam melvatsamcoc mataa.

SAN LUCAS 18:1 Iomraidhean Croise

SALMOS 102:17

Ingyeylhojoc sat apquilmalhnancama enlhitaoc acyajapma apquilvalhoc. Ingyeylhojoc sat apquilmalhnancama mepqui aptanoncama.

SALMOS 27:13

Acyasamcoc coo, otac sat yoclhilhma alhnancoc, aptemaclha singasicjayo Visqui ingac.

SALMOS 65:2

Apjalhnoc mataa lhip ningilmalhnancama. Apquilyocmec lhip enlhitaoc lhalhma anco.

SALMOS 86:3

Lhip Visqui ajac. Jeyasicjojo coo. Ayevam coo lhip acyovoclhojo acnim.

ISAÍAS 40:31

Apquilinlhanacmec sat ancoc apquilyiplovquiscama, colhic sat apquilyimnatem. Malha aplhimpancoc mama apvinatem sat cotnejic. Melyampejec sat naysicsa apquinincaycam. Eleyoc sat mataa mepqui apquilyampay — alhta aptomjac Dios Apyimtalhnamo.

ISAÍAS 62:7

yoyam ellaniclhac mocjam tingma Jerusalén, yoyam colhic ayaco apnaycam tingma Jerusalén, ayinyema enlhit lhalhma anco — alhta aptomjac Visqui ingac.

JEREMÍAS 29:12

Jelyotac sat quellhip, jelmalhnac sat asoc, ongvaylhojoc sat mataa apquililmalhnancama quellhip.

JONÁS 2:7

Inlhenquic alhta evalhoc lhip Dios Apyimtalhnamo naysicsa siyitsepma. Apjalhnoc alhta lhip silmalhnancama, apna lhip tingma pac apponquinomap.

SAN LUCAS 11:10

Ningilmalhnaquic sat ancoc, ongillhovac sat. Ninquitamquic sat ancoc ongviticlhac sat. Ningilmalhnaquic sat ancoc, yoyam jinlicsic atong, colhic sat singliquisa atong —alhta aptomjac Jesús.

SAN LUCAS 21:36

“Eltamilsacpojo apanco quellhip. Elilmalhna sat mataa. Apvancaac sat, yoyam elinquitacpoc. Am cotvacsejec sat quellhip asoc, yoyam colva. Apvancaac sat elanam payjo apvisay Aptiyam Aptomja Enlhit —alhta aptomjac.

ROMANOS 12:12

Colpayjiclha mataa apquilvalhoc quellhip, ayinyemaclha acyitna aljalhneycam apquilvalhoc asoc yoyam colvac sat. Elinlhanmojo sat naysicsa apquillingaycamco acmasca. Elinlhanmojo sat najan apquililmalhnancama.

2 CORINTIOS 4:1

Pac ongilinlhanmojo mocjam actemaclha ningiltamjaycam. Ayinyemaclha Dios aptomja singilasinaycam ayinyema singimlaycmo.

GALATAS 6:9

Incaymalhquic mongilvatsamquejec nintemaclha ningamliyam actamila. Am sat ancoc ongilvatsamcoc nintemaclha actamila, comoc sat acnim yoyam ongillhovac acyanmongam, malha ningnaclhama acyilhna.

EFESIOS 6:18

Elinlhanmojo sat apquililmalhnancama. Elyiplovcasojo aptemaclha Espíritu Santo. Elyiplovquis mataa malha apquilantiyapecmo. Elinlhanmojo sat apquililmalhnesquiscama aplhamoclhojo Dios apquitquic.

FILIPENSES 4:6

Nocollhenam nasa apquilvalhoc asoc. Eliltimnas sat Dios Ingyapam actemaclha allhanma apquilvalhoc naysicsa apquililmalhnancama. Elilmalhna sat asoc, eltime sat gracias asoc apquillhoy.

COLOSENSES 4:12

Inlhenquic najan evalhoc ingyalhing Epafras aptomja alhta apmolhama quellhip. Ingyalhing Epafras aptomja Jesucristo apquilancam. Apquilinlhanacmec mataa apquilmalhnesquiscama quellhip. Apquiltamjoc yoyam eltimjic apquilyimnatem quellhip. Apquiltamjoc yoyam elyiplovcasojo quellhip actemaclha apmayjayoclha Dios.

COLOSENSES 4:2

Elinlhanmojo actemaclha ningilmalhnancama. Noelvatsaoc nasa eltimjic mataa gracias Dios Ingyapam naysicsa apquililmalhnancama.

1 TESALONICENSES 5:17

Elinlhanmojo sat mataa apquililmalhnancama.

1 SAMUEL 1:12

Ajolhec nic nat almalhnancama Ana napato Dios. Apquilanoc nic nat sacerdote Elí actomjaclha almalhnancama mepqui acpayvam.