SAN LUCAS 17:26 - Enhlit Bible

²⁶ Colhojoc sat actema ilhnic nat apmaclha Noé, sat cotnejic sicvactamo sat sicvisay Sictiyam Sictomja Enlhit.

SAN LUCAS 17:26 Iomraidhean Croise

GÉNESIS 6:5

Apvitac nic nat Dios Apyimtalhnamo apquiltemaclha apquilmapsomcaa enlhitaoc lhalhma anco. Inquilquitamquic nic nat mataa apquilvalhoc asoc almasomcaa.

GÉNESIS 6:7

Aptomjac nic nat Dios Apyimtalhnamo: —Pac sat osavojo otvacsic aplhamoclhojo enlhitaoc silanay coo. Otvacsic sat aclhamoclhojo ninnatoscama najan asoc alpilhyevaycam nalhpop najan aclhamoclhojo nata. Am colcac evalhoc silanay siclhoc anco aclhamoclhojo asoc— nic nat aptomjac.

GÉNESIS 6:8

Inlicavoc nic nat apvalhoc Dios Apyimtalhnamo aptemaclha Noé.

ISAÍAS 22:13

Apquiltemaclha quellhip quilhvo nac jay apquilitsovascama naysicsa fiesta, apquilajac quellhip apnatoscama, aptoycaoc maa najan apyinaycaoc uva ayingmenic. Yitnec quellhip apquilpayvam: Ontovamcoc najan ongyinamcoc, onticyoc sat secaseclha — apquiltomjac mataa quellhip.

SAN LUCAS 17:22

Aptomjac alhta Jesús apquilanya apquiltamsoycaoc: —Comoc sat acnim, yoyam eliltamjoc quellhip elvita apna mocjam acyavataclhojo apvisay Aptiyam Aptomja Enlhit. Eyca melvityejec sat.

SAN LUCAS 17:24

Coo sicvisay Sictiyam Sictomja Enlhit. Invocmec sat ancoc acnim sicvoyctamlha, malha quilyinmayam sat cotnejic. Colsacsic sat ilhma lhalhama anco.

SAN LUCAS 17:27

Aptoycamquic nic nat, apyinaycamquic nic nat, inquilyimjapeycamquic nic nat. Acvaycmo ilhnic nat acnim, yoyam etlhic Noé avalhoc arca yamit aysicsic acvanyam. Yejemoc nic nat acvaa acyengayam yingmin. Apsovjomacpoc nic nat apquilitsepma.

SAN LUCAS 17:7

Apquiltimnasamcaa alhta mocjam: “¿Apne ya nipyesicsa quellhip apvisqui apna apquilancam? Apcanem mataa elcaoc vayqui alhpejic najan eltamilsic apnatoscama. Apvoctac ancoc mocjam tingma pac. ¿Pa ya etnejic apvisqui ingyanic apquilancam: “Ilhnata nicja mesa, itov siclho?”

SAN LUCAS 18:8

Actomjac coo siyanya quellhip: Epecjicsojoc sat Dios Ingyapam elpeyvescasiclhac asoc aclhenalhco mataa. Acvoctac sat ancoc mocjam sicvisay Sictiyam Sictomja Enlhit. ¿Pa ya otangvotac melyasquiyam as nalhpop? —alhta aptomjac.

HEBREOS 11:7

Meyasquiyam nic nat innac Noé. Apyasingvocmec nic nat Noé amyaa ayinyema Dios yoyam colvac sat asoc actomja cotamalhca nic nat mocjam. Apquilyajaclhoc nic nat Noé. Apquillanac nic nat barco yamit aysicsic acyiviy yoyam elvomsic tap apmolhama. Am nic nat cotnatsalhcac aptomjaclha Noé yoyam elnatovasacpoc enlhitaoc lhalhma anco. Aptimesacpec nic nat appeyvomo Noé napato Dios ayinyema actemaclha meyasquiyam.

2 SAN PEDRO 2:5

Yitnec nic nat najan melyascalhma enlhit lhalhma anco. Am nic nat elmascosac Dios Ingyapam. Apcapajasquic nic nat yingmin acvanyam. Apsovjomacpoc nic nat apquilitsepma enlhitaoc apquilmapsomcaa. Apvocmec nic nat tap apvamlha Noé, aptomja apquiltimnascama actemaclha acpeyvomo. Apquilvocmec nic nat najan tap siete apmolhama.

2 SAN PEDRO 3:6

Intovasquic nic nat as nalhpop yingmin acvanyam. Apsovjomacpoc nic nat apquilitsepma enlhitaoc.