SAN LUCAS 16:23 - Enhlit Bible

²³ Apvocmec nic nat alyascamaclha ingjangaoc. Apyovsec nic nat acmasca. Apquinmelhavoc nic nat mocjay. Apvita ilhnic nat Abraham apna lhama Lázaro.

SAN LUCAS 16:23 Iomraidhean Croise

SALMOS 16:10

Meyinyovejec sat lhip ejangaoc alyascamaclha ingjangaoc. Lhip aptomja seyacyescama (seponcanma). Cotjapejec sat sicyovoclhojo.

SALMOS 49:15

Jemyov sat lhip Dios, jetnejic aplhalhma. Comyovalhcac sat sicvanmoncama acmomalhca siclho.

SALMOS 86:13

Avanjec mataa lhip seyasicjayo semasma coo. Emyovquic alhta lhip (evomcasquic tap) acyitnaclha malhic (tacjalhop).

SALMOS 9:17

Elpalhacsacpoc sat alyascamaclha ingjangaoc enlhit apquilmapsomcaa. Najan maa enlhitaoc apquilyamasma Dios.

PROVERBIOS 15:24

Ningyiplaclhec mataa amay acyascama netin, acyitna inlhojo acyascamco ingvalhoc. Ningyinyovquic mataa amay acyascama congne malhic tacjalhop.

PROVERBIOS 5:5

Ongitsapoc ningyiplaclho inlhojo as quilvana, ongatoynalhcac sat malhic.

PROVERBIOS 7:27

Amay ningyiplayclha tingma ac as quilvana, acvisay amay ningitsepmaclha — alhta intomjac appayvam tata ingac apyascamco.

PROVERBIOS 9:18

Apquiltiyaningvocmec sat ancoc enlhit, elpalhavomoc sat apquiljangaoc alanyomalhca coltasomoc. Acvisay alyascamaclha ingjangaoc.

ISAÍAS 14:15

Apvayventac alhta lhip nipyesicsa apquilmasquingvaycmo alyascamaclha ingjangaoc, payjoc ayaptovnilha alyascamaclha ingjangaoc.

ISAÍAS 14:9

Pilapcasquic alhta nipyesicsa apquilmasquingvaycmo, inquilmec alhta tacja apquiljangaoc, alvita inlhojo lhip apjangaoc. Inquillhaticjac alhta apquiljangaoc alvisay pisquisca, najan apquiljangaoc apquilviscaa ninga, yoyam colmoc tacja, najan maa apyovoclhojo apquilviscaa ninga, alaneclho netin.

SAN MATEO 11:23

Quellhip co Capernaum, ¿naso ya apquilyasomacpo alhta netin quellhip acvocmo netin? Colhic sat alvayvesantamo coning quellhip acvocmo alyascamaclha ingjangaoc. Invitalhquic nat ancoc as asoc sinpilapquiscama tingma Sodoma, metvasacpejec nat as tingma acvocmo acnim nac jay.

SAN MATEO 18:9

Insilhnanaquic sat ancoc lhip apatic, ilic, iyinyov. Intasi inyicje lhip memasquingvomoc actema nac apyavec, am colhno eyinyovacpoc lhip cosponeyaclha talha acna anit apataoc —alhta aptomjac.

SAN MATEO 23:33

Yitnec quellhip apquilvalhoc malha nimisma, malha yamacyeyva ayitcaoc. ¿Jalhco sat eltimjic, yoyam elinyejic acvaa sat acyanmongayclha cosponeyaclha talha?

SAN MATEO 5:22

Coo eyca actomjac silanya quellhip: Aptanovquic sat ancoc poc, ingyavojo esilhnanacpoc. Aptomjac sat ancoc enlhit apcanya poc: “Mongmo apanco lhip” (paj apanco lhip), ingyavojo sat esilhnanacpoc napatavo apquilviscaa apquilpamejitsomap. Aptomjac sat ancoc enlhit apcanya poc: “Apjapac nac lhip,” ingyavojo esilhnanacpoc cosponeyaclha talha —alhta aptomjac.

SAN MATEO 5:29

‘Insilhnanaquic sat ancoc lhip apatic, ilic, iyinyov. Intasi inyicje lhip etnejic apyavec, am colhno eyinyovacpoc lhip apyovoclhojo acyitnaclha cosponeyaclha talha.

SAN MATEO 8:29

Yejemoc alhta apquilpalhamamcaa: —¡Jesús, Dios Apquitca! ¿Soc pa jintimesquisic nincoo? ¿So aptingyangvaa yi? ¿Pa ya ingyascacsic ingyimpejic yicpintama actamongvomlha nelha acnim? —alhta apquiltomjac.

SAN LUCAS 16:24

Apquilpalhamam nic nat ningilnatam inyap: “Ingyapam Abraham, ¿Ya ingyayovsic selano? Ingyapajas sat Lázaro. Ingyane sat ingyitsic apopejic yingmin emalhatesic sat ajalhcoc. Eyovsec coo acmasca naysicsa alayvom talha” —nic nat aptomjac.

SAN LUCAS 16:28

Apnam maa cinco elyalhinga. Ingyane sat Lázaro elacsic maa elyalhinga, yoyam melvac asi acmasquilha —ilhnic nat aptomjac.

SAN LUCAS 8:28

Lhama alhta apvita apquilhyacmo Jesús. Apquilpolintamo alhta apmamyi. Aptomjac alhta apquilpalhamamcaa: —Jesús, Dios Ingyapam netin apquitca. ¿Soc pa jetnesquisic coo? Pac olmalhnac lhip, yoyam mejetvacseje —alhta aptomjac.

1 CORINTIOS 15:55

Lhiya ningitsepma, ¿jalhco acyasa acmovan yoyam casquisic ingyimpejic? Lhiya ningitsepma, ¿jalhco acyasa acyimnatem anco?” —nic nat intomjac Dios appayvam.

2 SAN PEDRO 2:4

Yitnec nic nat melyascalhma napocja ángeles. Am nic nat elmascosac Dios Ingyapam. Eyca apquilapajasquic nic nat yatesaclhilhma alyascamaclha ingjangaoc. Apquilpilhquetacpec nic nat cadenas. Innec altamilsa maa acvocmo acnim yoyam elyicpilcacpoc.

EL APOCALIPSIS 20:10

Inyinyovalhquic alhta yavey diablo actomja alsilhnanoncama naysicsa talha acvanyam macpalhaquiscama azufre acpayesayclha talha. Inyinyovalhquic alhta lhama asoc navjac aclom najan profeta apmopvan amyaa. Comasquejec sat mataa allingaycamco acmasca acnim najan alhtaa cotmongvoycamlha nelha.