SAN LUCAS 16:17 - Enhlit Bible

¹⁷ “Avanquic comascoc netin najan as nalhpop, covanqueje eyca comascoc lhama actalhamavo Dios apcanamaclha” —alhta aptomjac Jesús.

SAN LUCAS 16:17 Iomraidhean Croise

ISAÍAS 40:8

Inyamamquic mataa paat, inquiljalhec mataa ilhnamoc. Comasquingvomejec sat mataa Dios appayvam — alhta intomjac siclingay.

ISAÍAS 51:6

Elsicjiclhojo sat netin quellhip, elanojo sat nalhpop quellhip. Comascoc sat netin, malha etin sat covonquepoc. Cotniclhac sat ápac as nalhpop, apno apava aptomjayclho apjapac. Elitsapoc sat enlhitaoc, acno apquilitsepma yapa (ascoc). Comasquejec sat mataa ningilvomsomalhca tap, najan sictemaclha sicyimtalhnamo coo.

SAN MATEO 5:18

Actomjac coo silanya quellhip: Naso, am sat ancoc comascac netin najan nalhpop, comasquejec sat najan lhama actalhamavo actalhesomalhca singanamaclha. Cotnejic sat aclhamoclhojo asoc acvocmo acsovjomalhca.

SAN LUCAS 21:33

Comascoc sat netin najan nalhpop, comasquejec sat coo sicpayvam.

ROMANOS 3:31

¿Ningiltovasqui ya nincoo singanamaclha Moisés naysicsa mongyasquiyam Jesucristo? Paj, mongiltovacseje. Ningiltimescasquic nincoo mataa nasoc anco actemaclha aclhanma singanamaclha.

1 SAN PEDRO 1:25

Visqui ingac appayvam eyca coytic sat cotmongvoycamlha nelha —ilhnic nat intomjac Dios appayvam. Eycaso appayvam actomja tasic amyaa apquillingay alhta quellhip.

2 SAN PEDRO 3:10

Cotlapsic sat covac acnim apác Visqui ingac, malha enlhit apminyilhma yoyam evac alhtaa, sat cotnejic. Comascoc sat netin, malha ayilhtingyovam acyiviy sat cotnejic. Colmetic sat asoc netin najan asoc as nalhpop. Comyetic sat acyovoclhojo.

EL APOCALIPSIS 20:11

Natamin acvitac alhta Dios aptajanem apanco acyiviy acmopoy. Acvitac alhta Dios apma netin aptajanem acyiviy. Malha ayinyem alhta intomjac as nalhpop najan netin napato Dios apma netin aptajanem. Am alhta colvitalhcac mocjam.

EL APOCALIPSIS 21:1

Natamin acvitac alhta alhnancoc netin najan alhnancoc nalhpop. Ayinyemaclha inmasquec alhta siclhoc anco netin najan siclhoc anco nalhpop. Inmasquec alhta najan yingmin acvanyam.

EL APOCALIPSIS 21:4

Dios sat elicsic apate yingmenic enlhitaoc. Comascoc sat actemaclha ningitsepma. Comascoc sat actemaclha acyitnocjayo ingvalhoc najan actemaclha ningiliclhangveycam najan actemaclha acmasca. Ayinyemaclha inmasquingvocmec aclhamoclhojo actemaclha nano —alhta intomjac siclingay.