SAN LUCAS 15:5 - Enhlit Bible

⁵ Apvitaclhec sat ancoc aptoscama, epatmentac sat. Copayjiclhac sat apvalhoc.

SAN LUCAS 15:5 Iomraidhean Croise

ISAÍAS 62:12

Eltamjacpoc sat israelitas: Dios apquilyacyescama, najan: apquilvomsomap tap ayinyema Visqui ingac, najan apnaycam tingma Jerusalén: Apcasicjamap ayinyema Dios, najan moc apvisay: Apcasicjayquiclha mocjam Visqui ingac — sat cotnejic apvisay — nic nat aptomjac profeta.

ISAÍAS 62:5

Acno aptemaclha apyimnanic etnejic aptava quilvana ayitcoc, colhojoc sat aptemaclha Dios Visqui ingac etnejic aptava quellhip apyovoclhojo, acyiplomo acpayjayclha apvalhoc Visqui ingac, apno enlhit quilhva alyimjapma acnaclha apponcanma.

ISAÍAS 63:9

Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.

EZEQUIEL 18:23

Altamjoc coo mengyitsepejec enlhit apmapsom, omyoc sat mataa sicvita inlhojo apyanmonquiscama moc apvalhoc. Eycaso sicpayvam sicvisay Dios — alhta aptomjac.

EZEQUIEL 33:11

Coo sicvisay Dios, nasoc co sicpayvam. Am oltamjoc, yoyam ematong enlhit apmapsom. Yitnec sat ancoc apyanmonquiscama moc apvalhoc, emyovacpoc sat. ¡Quellhip co Israel, elyanmonquis moc apquilvalhoc quellhip! ¡Elvatsaoc apquiltemaclha apancaoc quellhip! ¿Apquililtamjo ya elmasquingvomoc quellhip? — alhta aptomjac.

MIQUEAS 5:4

Etnejic sat apvisqui apquiltamilquiscama apnaymacoc. Colhic sat actamilaycam apquilvalhoc enlhitaoc. Etnejic sat apyimtalhnamo apanco apvisqui lhalhma anco as nalhpop.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

SOFONÍAS 3:17

Apnec Dios Visqui ingac nipyesicsa quellhip, apmopvan innac najan aptomja singvomquiscama tap. Aptomja apcasicjayo najan apyimnatescama apnenyaoc quellhip. Apquitsovasoc maa

SAN LUCAS 15:32

Intasic ongiltimjic quilhvo caya, yoyam ongilitsovacsojo. Ayinyemaclha apquitsepmec alhta lhip apyalhing, apyimnavocmec mocjam. Aplhinganacmec alhta, ningvitaclhec mocjam” —nic nat aptomjac apyap.

SAN LUCAS 15:4

—¿Soc enlhit apquilyanca cien apnatoscama nipquesic? Aplhinganacmec sat ancoc lhama aptoscama. ¿Pa ya eyamyiclha amyip noventa y nueve apnatoscama? ¿Pa ya esovjam aptoscama aplhinganyam acvocmo apvitayclha?

SAN LUCAS 15:6

Apvoctac sat ancoc tingma pac ingyansiclhojoc sat apnaymacoc najan apmolhama. Sat etnejic elanic: “Jelsovacsojo sat lhama quellhip. Acvitaclhec coo sictoscama aplhinganyam alhta” —sat etnejic.

SAN LUCAS 19:9

Apcatingmavoc alhta Jesús: —Invaac ningilvomsomalhca tap as tingma acnim nac jay. Ayinyemaclha aptomja nac Abraham apquitca ayinyema meyasquiyam.

SAN LUCAS 23:43

Apcatingmavoc alhta Jesús: —Actomjac coo siyanya lhip: Naso, jelhojoc sat lhama lhip coo acnim nac jay yoclhilhma Paraíso —alhta aptomjac.

SAN JUAN 15:11

‘Altimnasquic lha inyicje as asoc, yoyam elitsovacsojoc sat lhama coo. Coyangvomoc sat alpayjayclha apquilvalhoc quellhip.

EFESIOS 2:10

Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.

EFESIOS 3:7

Eycaso singillhicmoscama tasic amyaa actemaclha asoc acyilhomalhca. Eyasinaquic alhta Dios otnejic siclingascama amyaa, siclhoy alhta ayinyema Dios apmopvan.

1 TESALONICENSES 1:5

Ningiltimnasquic alhta nincoo quellhip tasic amyaa. Jave acvamlha ningilpayvam inganco ningiltimnascama quellhip. Eyca ayinyema Dios apmopvan najan ayinyema Espíritu Santo najan ayinyema actemaclha mongyasquiyam. Apquilyasamcoc mocjam quellhip nintemaclha alhta nipyesicsa quellhip. Ningilpasmec alhta mataa quellhip.

2 TIMOTEO 2:26

Yoyam najan elvatsamcoc apquiltemaclha apancaoc, malha apnalhaticjay najan malha ayinquitma aljanma yavey diablo. Apquiltomja mocjam almam yavey diablo as enlhitaoc. Inquiltamjoc mataa cotnejic anco actemaclha acmayjayoclha.

HEBREOS 12:2

Pac ongilanojoc aptemaclha Jesús actomja ayinyemaclha mongyasquiyam najan aptomja apviscaycmo actomjaclha nelha mongyasquiyam. Aplingamcoc alhta acmasca Jesús netin asoc timyescama. Am alhta emancac Jesús yoyam ingyitsapoc netin asoc timyescama. Apyasamcoc alhta Jesús yoyam coyiplovjoc sat acpayjayclha apvalhoc. Apnaclhec alhta Jesús apnaclha Dios napocja actamilaclha. Apnec mataa Dios netin aptajanem.

1 SAN PEDRO 1:5

Dios aptomja apquiltamilquiscama quellhip ayinyema apmopvan apanco. Ayinyemaclha acyitna melyasquiyam quellhip. Apquiltamjoc yoyam elvomoc quellhip ningilvomsomalhquilha tap yoyam elvitac quellhip actamongvomlha nelha acnim.