SAN LUCAS 15:28 - Enhlit Bible

²⁸ Aplovquic nic nat apquitca apjapquininga. Am nic nat coyacmoc elhic congne. Yejemoc nic nat aptepa apyap epamejitsic apquitca, yoyam elhic congne.

SAN LUCAS 15:28 Iomraidhean Croise

ISAÍAS 65:5

Apquiltomjac mataa apquilanya poc: ¡Ingyavojo! Cajiclhac sat lhip sictemaclha sicponquinomalhca — alhta apquiltomjac. Apquilyitsomacpo as enlhit seticjanquiscama etin najan talha, malha acyivey aclom evalhoc coo.

ISAÍAS 66:5

Aptomjac alhta profeta: —Quip elaylhojo Dios appayvam quellhip apquiltomja apquilayo appayvam. Apquiltanovquic alhta apnaymacoc. Innec alhta actovasa quellhip ayinyema apquillhanma sicvisay. Apquiltomjac mataa apnaymacoc apquilanya quellhip: —Elane sat ongvita actemaclha apyimtalhnamo Dios. Ongvitac sat actemaclha acpayjayclha apquilvalhoc quellhip — alhta apquiltomjac. Enatovasacpoc sat apnaymacoc.

JEREMÍAS 35:16

Apquilyiplovcasquic alhta Jonadab aptovana apcanamaclha apquilyap ninga. Am eyca elilyajaclhoc mataa israelitas siyanamaclha coo.

JONÁS 4:9

Apcatingmavoc nic nat Dios Apyimtalhnamo: —¿So actomja yi? ¿Apvanqui ya lhquip elvoc, apvita inlhojo yamit acyamamco? — nic nat aptomjac. Apcatingmavoc nic nat Jonás: —Eje, evanquic olvoc, evanquic coo ongvitsapoc — nic nat aptomjac.

SAN MATEO 20:11

Lhama ilhnic nat almalhco solyayem.

SAN MARCOS 1:40

Apyoctamo alhta apnaclha Jesús enlhit actimem ningmasquem ningilyitapaycam lepra. Apquilticlhicvaac alhta aptapnaoc nalhpop, appamejitsa alhta: —Apquiltamjoc sat ancoc jetamilquiscomoc, apvanquic lhip —alhta aptomjac.

SAN LUCAS 13:34

“Co Jerusalén layi, co Jerusalén layi. Innamquic apquilnapma profetas Dios apquillingascama. Apquilyicnacpec mataymong soycam amyaa, Dios apquilapajascama. Altamjoc alhta inyicje mataa ongvansiclhac quellhip co Jerusalén. Malha inyicje tataa ayansayclha ayitcoc coning alhimpancoc. Am alhta eyca colyavocmoc quellhip.

SAN LUCAS 15:2

Apquilpamejitsacpec alhta fariseos najan apquilyascamco apquiltemaclha. Jesús alhta aplhenacpoc: —Apmec tacja enlhit melyascalhma. Appasmec najan aptoycaoc as enlhit —alhta apquiltomjac.

SAN LUCAS 15:27

Apcatingmavoc nic nat: “Apvoctac lhac lhip apyalhing. Inmatnec lhac vayqui ayitcoc. Apyap lhac apcanem comatong. Ayinyemaclha apvactamo aptomja mocjam apjalhnancoc” —nic nat aptomjac.

SAN LUCAS 15:29

Apcatingmavoc nic nat apquitca apjapquininga: “Quip ingyeylhojo. Aclhamoclhojo años intomjac silancam lhip. Alyajaclhoc mataa actomjaclha appayvam lhip. Am jimcasac coo lhama yataay apquitcoc, yoyam olsovacsojo lhama enaymacoc.

SAN LUCAS 24:47

Colngalhcac sat amyaa lhalhma anco. Tingma Jerusalén sat cotyapoc amyaa. Elanyacpoc sat enlhitaoc elyanmongsic apquilvalhoc, yoyam colmascosalhcac melyascalhma.

SAN LUCAS 5:30

Apquilmalyevam alhta fariseos najan apquilyascamco apquiltemaclha. Apquiltomjac alhta apquilanya apquiltamsoycaoc: —¿Soctomja apquilpasma nac quellhip aptoycaoc najan apyinaycaoc apquilmam solyayem najan enlhit melyascalhma? —alhta apquiltomjac.

SAN LUCAS 7:39

Lhama alhta apvita fariseo actomjaclha quilvana. Yejemoc alhta alquitama apvalhoc fariseo apcanem etasomoc: “Jave nac profeta Dios aplingascama as enlhit. Aptomjac ancoc profeta, eyicpilcojoc as quilvana acmangvavo nac. Quilvana coyascalhma nac lha” —alhta intomjac apvalhoc.

LOS HECHOS 13:45

Lhama alhta apquilvita judíos enlhit appintalhnama. Inquillovquic alhta apquilvalhoc judíos. Yejemoc alhta apquilantipsamcaa apvisay Pablo. Mopvan amyaa alhta apcanyacpoc.

LOS HECHOS 13:50

Yejemoc alhta apquillova judíos. Apquillovcasquic alhta quilvanaa alpeyvomo najan enlhit apquilyimtalhnamo natingma. Aptipsacpec alhta Pablo najan Bernabé. Inyiplovcoc alhta najan macminlhinaycam.

LOS HECHOS 14:19

Yejemoc alhta apquilvaa judíos apquilinyema tingma Antioquía najan tingma Iconio. Apquillovquiscaac alhta enlhitaoc. Yejemoc alhta apyinjacpo mataymong Pablo. Apcanyacpec alhta ingyitsapo. Apquilyinyovasamquic alhta tap tingma.

LOS HECHOS 14:2

Apquilyascacmec alhta napocja judíos. Apquillovcasquic alhta metnaja judíos. Apquilmapsom alhta apquiltimescasac apquilpipma.

ROMANOS 10:19

Altamjoc oyasamcojo mocjam: ¿Am ya elyasingvocmoc enlhitaoc Israel tasic amyaa? Paj, apquilyasingvocmec nic nat. Intomjac nic nat Dios appayvam aplhanma ilhnic nat Moisés: Pac oyinyoc quellhip, oyoclhac sat enlhitaoc cotnaja sicmolhama yoyam elyasipsic quellhip. Ellovc sat quellhip apquilvita cotnaja sicmolhama apquiltomja melyascamco —nic nat intomjac Dios appayvam.

2 CORINTIOS 5:20

Quilhvoc ningiltomja ningilsoycam amyaa ningilapajasomalhca ayinyema Cristo. Ningiltimnasquic nincoo actemaclha singanama Dios yoyam ongiltimnacsic quellhip. Najan actemaclha singanama Cristo yoyam ongiltimnacsic quellhip: Elane sat colhic actimesa actamilaycam apquilvalhoc napato Dios.

1 TESALONICENSES 2:16

Apquilmiyovquic alhta yoyam ongiltimnacsic tasic amyaa nipyesicsa enlhitaoc lhalhma anco yoyam elvomsacpoc tap. Inyangvocmec tap melyascalhma ayinyema apquiltemaclha apanco. Invaac quilhvo nac jay apyanmongsayclha Dios apquiltemaclha judíos yoyam elnatovasacpoc.

1 SAMUEL 17:28

Aplingac nic nat David aptomjaclha appayvam apipma Eliab. Aplovquic nic nat Eliab. Aptomjac nic nat apcanya apyalhing: —¿Soctomja apvaa nac lhip? ¿Soc sat cotamilsic apnatoscama yoclhilhma actamopeycaoc? Acyasamcoc coo, am cotamilam apvalhoc lhip. Apquiltamjoc lhip eta actemaclha ningilnapomalhca — nic nat aptomjac.

1 SAMUEL 18:8

Inlovquic nic nat apvalhoc Saúl, aplinga. Aptomjac nic nat Saúl appametamcaa: —Diez mil apticyovam, apquilnapma David. Mil apticyovam, silnapma coo. Inquitlhincasquic eltimesquisic apvisqui rey David — nic nat intomjac apvalhoc.