SAN LUCAS 15:22 - Enhlit Bible

²² Aptomjac nic nat apyap apquilanya apquilancam: “Inyimpojo, elvoclhes apquiltamila apquilantalhnama. Eltalhnasiclha sictamongvoyam. Ingyatquisquis sat najan apcatquiscama apopejic. Elnatejitsiclha sat apmancoc tiyayipeoc.

SAN LUCAS 15:22 Iomraidhean Croise

GÉNESIS 41:42

Yejemoc nic nat aplica catquiscama apopejic apvisqui faraón. Apcatquiscasquic nic nat apopejic José. Eycaso actomja ilhnic nat sello pac asoc monquinatquiscama apvisay apvisqui faraón. Apcanayquic nic nat apvisqui colhic acsantimsa aptalhnama aptamila apquilhyevay. Appiquincasquic nic nat apyispoc apnatanma oro asoc acmamnave.

ESTER 3:10

Apliquic nic nat anillo pac apcatquiscama apopjejic, apmesa Amán, aptomja apquinmelhaycam judíos.

ESTER 8:2

Apliquic nic nat anillo apcatquiscama apopjejic, apmescama siclho Amán, apcanyomap etajicsojo mocjam. Quilhvoc nic nat apmesa anillo, etnejic apanco Mardoqueo. Intimescasquic nic nat Ester tingma apvisqui najan acyitnamaclha apquilnatam, actomja siclho apanco Amán, etamilquisic sat Mardoqueo.

SALMOS 132:16

Eltimjic sat apquilvomsomap tap apquilancam, malha apquilantalhnayclha apava aptamila sat cotnejic. Elitsovacsojoc sat apquiltomja silyacyescama.

SALMOS 132:9

Ingyane sat lhip apquilancam eltimjic apquilpeyvomo, malha apquilantalhnayclha apava apquiltamila. Ingyane sat elitsovacsojo lhip apquilyacyescama.

SALMOS 18:33

Inyitsalhquic emancoc malha popyit apmancoc. Eyantamaclhec coo netin inquilhe acvinatem.

SALMOS 45:13

Intalhnec quilvana quilhva avisqui, actamila anco. Aptamila apanco apava alantalhnama, oro alyinmom.

LOS CANTARES 7:1

¡Altamila anco lhiya amancoc, acnatetamalhca sandalias, lhiya avisqui apquitca! Actamila anco nalhit lhiya, malha alnatanma oro alyinmom, ayinyema enlhit apquillanay quilaycmasquiscama.

ISAÍAS 61:10

Avanjec acpayjayclha evalhoc ayinyema Dios Apyimtalhnamo. Malha apava ningalomalhca actomja singvomquiscama tap najan singmasmaclha. Sictomja malha sicponquinomalhca acyiplomo silnatanma eyitsicsic. Sicyitsomalhca quilvana acponquinomalhca acyiplomo alnatanma alyinmom.,

SAN LUCAS 15:21

Aptomjac nic nat apquitca: “Tata, sicmasom nac coo (sicsilhnanomalhca ajanco). Ayinmelham (actanovquic) coo Ingyapam netin najan lhip. Acyaponcanalhquic otnejic lhip apquitca” —ilhnic nat aptomjac.

SAN LUCAS 15:23

Elyantamenta sat vayqui ayitcoc acmila inlhojo, elaa sat. Ontovamcoc sat. Ongiltimjic sat caya.

ROMANOS 13:14

Elyiplovquis sat aptemaclha Jesucristo. Elma sat apquilmaycam ayinyema Jesucristo Visqui ingac. Noelvajaniclhojo nasa quellhip actemaclha alitsepma apnenyaoc.

ROMANOS 3:22

Eyca as actemaclha yoyam jingiltimesquisic ningilpeyvomo Dios ayinyema mongyasquiyam Jesucristo. Collhenalhquejec apquilvisay judíos najan apquilvisay metnaja judíos, apquilanomacpo apno poc.

ROMANOS 8:15

Apquillhocac alhta quellhip Espíritu apanco Dios. Am eltamjoc Espíritu apanco Dios yoyam elyiplovcasojo quellhip apquiltemaclha nano, malha apquilmomap naysicsa apquilay. Ingiltimescasquic nincoo yoyam ongiltimjic Dios apquitquic. Espíritu apanco Dios ayinyema apcanem ontimjic mataa: “Ingyapam nincoo”.

GALATAS 3:27

Quellhip apquiltomja macyapascaseycaoc yingmin, apquiltomja apquilpasmeyquiclha Cristo, apquiltomja apquilyiplovquiscama aptemaclha Cristo.

EFESIOS 6:15

Elpenacsojo quellhip yoyam ellingacsic tasic amyaa actemaclha actamilaycam ingvalhoc malha apnatetayclha tiyayipeoc apancaoc.

DEUTERONOMIO 33:25

Alyimnatem mataa tingma apatnaoc allanomalhca hierro najan bronce. Apquilyimnatem mataa naysicsa apquileyvam cotmongvoycamlha nelha — nic nat aptomjac.

EL APOCALIPSIS 19:8

Inlhocac actalhnama apmopoy najan apquilyinmom —alhta intomjac apquilminaycmascama. Ayinyemaclha apava apmopoy apquilyitsomacpo actemaclha apquilpeyvomo Dios apquilyacyescama.

EL APOCALIPSIS 2:17

Apaycaoc innac quellhip, elaylhojo Espíritu apanco Dios apquiltimnascama aplhamoclhojo Jesucristo apmolhama: Apquilinlhanacmec sat ancoc apyiplovquiscama enlhit. Omquesic sat aptom maná ayinyema netin, actomja mongvitay mocjam. Omquesic sat mataymong acmopoy. Cotalhosalhcac sat alhnancoc apvisay enlhit nicja mataymong. Melyasamquejec sat poc enlhitaoc alhnancoc apvisay. Eyasamcojoc sat apvamlha aptomja aplhoy apvisay apanco” —alhta aptomjac seyanya otalhocsic.

EL APOCALIPSIS 3:18

Actomjac coo siyanya lhip: Ima sat asoc ajancoc oro alyinmom ayalhnascama talha. Iyanmonquis sat lhip yoyam elhamasiclha apquilnatam. Iyanmonquis sat apava apmopoy yoyam elantalhniclha lhip. Yoyam metacpejec sat lhip apcalhnayo actemaclha apmancactama. Iyanmonquis sat panatem yoyam etnejic apataoc yoyam eticlhac olhma lhip.

EL APOCALIPSIS 6:11

Inquilmesalhquic alhta apquiljangaoc alantalhnama apquilmopoy. Inquilanyalhquic alhta apquiljangaoc colhnam mocjam acyavataclhojo. Incaymalhquic esovjacpojo eticyoc apquilyalhinga najan apquiltamjaycamo lhama yoyam colhojoc apticyovam apmamyi alhta.

EL APOCALIPSIS 7:9

Natamin as asoc acvitac alhta enlhit appintalhnama apquilinyema lhalhma anco, mongmovan ongilyipsitic. Apquilinyema aclhamoclhojo apquilaoclha najan aclhamoclhojo apquilmolhama najan aclhamoclhojo cotnaja ninpayvamo lhama. Apcanam alhta acyitnaclha Visqui aptajanem najan apyancaclha Nipquesic Apquitcoc. Apquilmopoy alhta apquilantalhnama. Yatipaang actingaoc alhta apquilmaycam.