SAN LUCAS 15:2 - Enhlit Bible

² Apquilpamejitsacpec alhta fariseos najan apquilyascamco apquiltemaclha. Jesús alhta aplhenacpoc: —Apmec tacja enlhit melyascalhma. Appasmec najan aptoycaoc as enlhit —alhta apquiltomjac.

SAN LUCAS 15:2 Iomraidhean Croise

SAN MATEO 11:19

Acvaac alhta coo sicvisay Sictiyam Sictomja Enlhit. Actovquic coo, acyinquic najan. Apquiltomja inyicje quellhip sellhena: Quip elanojo, enlhit mengyascama etovc aptom najan mengyascama eynic uva yingmenic. Aptomja apnaymacoc apquilmam tacja solyayem najan enlhit melyascalhma —inyicje apquiltomja sellhena. Inpeyvoc anco acyascamcolhma ayinyema Dios Ingyapam. Invitalhquic mataa apyascamcolhma actemaclha acpeyvomo —alhta aptomjac.

SAN MATEO 9:11

Lhama alhta apquilvita fariseos. Yejemoc alhta apquiltomja fariseos apquilanya Jesús apquiltamsoycaoc: —¿Soctomja appasma nac aptoycaoc quellhip apvisqui apancaoc enlhit apquilmam tacja solyayem najan enlhit melyascalhma? —alhta apquiltomjac.

SAN LUCAS 15:3

Yejemoc alhta apquiltimnasamcaa actemaclha apyitquiscama:

SAN LUCAS 19:7

Lhama alhta apquilvita apquillhalhmaa, apquilmalyevam alhta: Maycaa nac aptomjac, yoyam elhojoc lhama enlhit meyascalhma —alhta apquiltomjac apquilpamesma.

SAN LUCAS 5:30

Apquilmalyevam alhta fariseos najan apquilyascamco apquiltemaclha. Apquiltomjac alhta apquilanya apquiltamsoycaoc: —¿Soctomja apquilpasma nac quellhip aptoycaoc najan apyinaycaoc apquilmam solyayem najan enlhit melyascalhma? —alhta apquiltomjac.

SAN LUCAS 7:34

Acvaac alhta coo sicvisay Sictiyam Sictomja Enlhit. Actovquic coo, acyinquic najan. Apquiltomja inyicje quellhip sellhena: Quip elanojo, enlhit mengyascama etovc aptom najan mengyascama eynic moyayit uva yingmenic. Aptomja apnaymacoc apquilmam solyayem najan enlhit melyascalhma.

SAN LUCAS 7:39

Lhama alhta apvita fariseo actomjaclha quilvana. Yejemoc alhta alquitama apvalhoc fariseo apcanem etasomoc: “Jave nac profeta Dios aplingascama as enlhit. Aptomjac ancoc profeta, eyicpilcojoc as quilvana acmangvavo nac. Quilvana coyascalhma nac lha” —alhta intomjac apvalhoc.

LOS HECHOS 11:3

Pedro alhta appamejitsacpoc: —¿Soctomja appalhavocmo alhta lhip enlhit metnaja judíos, appasmec alhta najan aptoycaoc? —alhta apquiltomjac.

GALATAS 2:12

Appasmec alhta siclho Pedro aptoycaoc ingilyalhinga metnaja judíos. Lhama alhta apquilvaa ingilyipmaa judíos apquiltomja Jacobo apquilapajascama. Am alhta epasmac mocjam Pedro, ayinyemaclha incacoc apnenyic elvita ingilyipmaa judíos.

1 TIMOTEO 1:15

Nasoc anco as amyaa actomja actamila anco yoyam colmoc apquilvalhoc aplhamoclhojo enlhit: Apvoyac nic nat Cristo Jesús as nalhpop yoyam elvomsic tap enlhit melyascalhma. Coo eyca actomja acyiviy anco moyascalhma, am colhnoc melyascalhma poc enlhitaoc.