SAN LUCAS 15:10 - Enhlit Bible

¹⁰ Actomjac coo siyanya quellhip: Innoc najan lha cotnejic sat alpayjayclha apquilvalhoc ángeles Dios apquilasinancama, apvitacpo sat lhama enlhit meyascalhma aptomja apyanmonquiscama apvalhoc —alhta aptomjac Jesús.

SAN LUCAS 15:10 Iomraidhean Croise

EZEQUIEL 18:23

Altamjoc coo mengyitsepejec enlhit apmapsom, omyoc sat mataa sicvita inlhojo apyanmonquiscama moc apvalhoc. Eycaso sicpayvam sicvisay Dios — alhta aptomjac.

EZEQUIEL 18:32

Coo eyca altamjoc olmeyvoc quellhip. Elvatsaoc quellhip apquiltemaclha acmasom, elmiyovacpoc sat — alhta aptomjac Dios — nic nat aptomjac profeta.

EZEQUIEL 33:11

Coo sicvisay Dios, nasoc co sicpayvam. Am oltamjoc, yoyam ematong enlhit apmapsom. Yitnec sat ancoc apyanmonquiscama moc apvalhoc, emyovacpoc sat. ¡Quellhip co Israel, elyanmonquis moc apquilvalhoc quellhip! ¡Elvatsaoc apquiltemaclha apancaoc quellhip! ¿Apquililtamjo ya elmasquingvomoc quellhip? — alhta aptomjac.

SAN MATEO 10:32

‘Aptomjac alhta mocjam Jesús: Aplhenquic sat ancoc enlhit aptomja seyiploycam napatavo apnaymacoc, olhenic sat coo lha napato coo Tata apna netin.

SAN MATEO 18:10

‘Quip elanojo quellhip. Noelvinam nasa sicaa apno aso. Actomjac coo silanya quellhip: Apnam netin ángeles apquiltamilquiscama sicaa. Apquilanoc mataa napaat coo Tata apna netin.

SAN MATEO 18:14

Innoc najan apmayjayoclha Ingyapam netin. Am eltamjoc elhnanmoc lhama sicaa apno nac aso —alhta aptomjac.

SAN LUCAS 12:8

“Actomjac coo siyanya quellhip: Coo nac Sictiyam Sictomja Enlhit. Apquillhenquic sat ancoc quellhip sicvisay nipyesicsa apnaymacoc, olhenic sat coo apquilvisay quellhip napatavo ángeles Dios apquilasinancama.

SAN LUCAS 12:9

Apquilyinimcasquic sat ancoc quellhip apquilanem mejeyicpilcac, elyinimsacpoc sat quellhip napatavo ángeles Dios apquilasinancama.

SAN LUCAS 13:5

Actomjac coo siyanya quellhip: Paj, apnoc poc. Am sat ancoc elyanmoncasac apquilvalhoc quellhip, colhojoc sat aptomja apnatovasomap —alhta aptomjac.

SAN LUCAS 15:11

Apquiltimnasamcaa alhta mocjam Jesús: —Apcanit nic nat apquitquic lhama enlhit.

SAN LUCAS 15:7

Actomjac coo siyanya quellhip: Innoc najan lha coyangvomoc sat alpayjayclha apquilvalhoc netin, apvitacpo sat lhama enlhit meyascalhma aptomja apyanmonquiscama apvalhoc. Mellhoyc sat noventa y nueve apnaymacoc apquilpeyvomo colyoyam elyanmongsic apquilvalhoc —alhta aptomjac Jesús.

SAN LUCAS 15:9

Invitaclhec sat ancoc solyayem ac, cansiclhojoc sat innaymacoc najan acmolhama. Sat cotnejic colanic: “Jelsovacsojo sat lhama quellhiya. Acvitaclhec coo solyayem ajac actiyam alhta” —sat cotnejic.

SAN LUCAS 7:47

Actomjac coo siyanya lhip: —Avanjec anco ayasicjayo, ayinyemaclha acmascosalhco aclhamoclhojo coyascalhma as quilvana. Inmascosalhquic sat ancoc quitsic mongilyascalhma, coyavejec sat najan ningasicjayo.

LOS HECHOS 11:18

Lhama alhta apquillinga apquiltimnaycam apquilyalhinga apnaycam tingma Jerusalén. Inquiltamilaclhec alhta apquilvalhoc. Inmasquec alhta apquilyasquiyam. Apquilacoc alhta Dios Ingyapam, apquilpamejitsa: —Dios Ingyapam apmescama elyanmongsic apquilvalhoc metnaja judíos najan colhic acyimnatem apnenyaoc cotmongvoycamlha nelha —alhta apquiltomjac.

LOS HECHOS 5:19

Alhtaa alhta intomjac apvaa ángel Visqui ingac. apcasinancama. Aplicasquic alhta atong singilpilhtetomaclha apquilantipsa. Aptomjac alhta apquilanya:

2 CORINTIOS 7:10

Yitnec sat ancoc acyitnocjayo ingvalhoc actemaclha apmayjayoclha Dios, coyiplovjoc sat ningyanmonquiscama ingvalhoc yoyam ongilvomsalhcac tap. Coyitnocjejec sat mataa ingvalhoc ningiltomja ningyanmonquiscama ingvalhoc. Moc actemaclha mataa acyitnocjayo apquilvalhoc enlhit lhalhma anco, yiplovcoc mataa actemaclha ningitsepma.

FILEMON 1:15

Nasoc lhaja, apyinyovquic alhta acyavataclhojo Onésimo, yoyam etajojoc sat mocjam. Elhic sat apnaclha lhip cotmongvoycamlha nelha.

HEBREOS 1:14

Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.