SAN LUCAS 14:13 - Enhlit Bible

¹³ Iltime sat lhip moc actemaclha. Apquiltimec sat ancoc lhip caya, ilane sat eltasomoc caya apto enlhit mepqui asoc (mepqui apquilnatam). Ilane sat najan eltasomoc apquiltomja apquilpinsem, najan maa apquilyateyaycam najan mepqui apataoc.

SAN LUCAS 14:13 Iomraidhean Croise

2 SAMUEL 6:19

Apmilasquic nic nat nintom nipyesicsa aplhamoclhojo enlhitaoc najan naysicsa quilvanaa. Apquillhocac nic nat moclhama enlhit lhama nilpayescama sepo yompac najan nicja apitic najan lhama pan apmapsis. Apquiltajaclhec nic nat aplhamoclhojo enlhitaoc. Apquilmiyaclhec nic nat tingma apancaoc.

2 CRÓNICAS 30:24

Aptomjac nic nat apvisqui Ezequías apquilmescama nasa enlhitaoc mil vayqui najan siete mil nipquesic. Apquiltomjac nic nat apquilviscaa mayayo apquilmescama nasa enlhitaoc mil vayqui najan diez mil nipquesic. Apquillaneclhec nic nat apquilvalhoc aplhamoclhojo sacerdotes.

NEHEMÍAS 8:10

Apquiltomjac alhta mocjam apquilanya: Eltajiclha quellhip. Eltovaoc sat aptoycaoc actamila. Elyinaoc sat acmasis. Elapajas sat nicja aptoycaoc nipyesicsa mepqui lha aptoycaoc. Acponquinomalhca as acnim ayinyema Visqui ingac. Noncolyitnocjojo nasa apquilvalhoc. Yitnec sat ancoc acpayjayclha ingvalhoc ayinyema Dios, ongiltimjic sat mataa ningilyimnatem.

NEHEMÍAS 8:12

Apquiltajaclhec alhta aplhamoclhojo. Aptovcamquic alhta, apquilyinamquic alhta. Apquilmesamquic alhta aptoycaoc apquilmescama nasa. Avanjec alhta acpayjaclha apquilvalhoc. Apquilyasingvocmec alhta vaycajac actemaclha singanamaclha.

JOB 29:13

Innec alhta selaco ayinyema sicpayesayclha apquilvalhoc enlhit najan quilvanaa lhintampaa.

PROVERBIOS 14:31

Ningyimtalhnescama apquilvalhoc mepqui apquilnatam, acvisay ningvennéycam. Dios apquilantipquiscama aclhamoclhojo asoc. Ningamliyam ingnaymacoc acvisay ningayo Dios Visqui ingac.

PROVERBIOS 22:9

Colhic sat singaco ayinyema ningamliyam ingmoc, acyitna inlhojo ningmilasictem nintom nipyesicsa mepqui asoc.

ISAÍAS 58:10

Am sat ancoc elmiyavac aptoycaoc quellhip napatavo mayic alnapma. Apquilpasmec sat ancoc quellhip apquillingaycamco acyimtalhnama apnaymacoc. Cotnejic sat malha ayitsay olhma naysicsa yatescamalhma. Cotniclhac sat ingyitsicso acnim, ningvita inlhojo pisquisca.

ISAÍAS 58:7

Elmesaoc sat aptoycaoc mayic alnapma. Elma sat tacja quellhip enlhit mepqui asoc. Elmesaoc sat apava enlhit mepqui apquilantalhnama. Elpasim sat apnaymacoc lhalhma anco.

SAN MATEO 15:30

Apquilyoclhec alhta apnaclha Jesús aplhamoclhojo enlhitaoc. Apnalantac alhta apquilyateyaycam najan apquilpinsem najan mepqui apataoc najan mepqui appayvam najan aplhamoclhojo mocjam. Apquilnesquic alhta apnaclha Jesús. Apquiltamilquiscacmec alhta.

SAN MATEO 22:10

Apquilyasquic nic nat apquilancam amay. Apnalantac nic nat aplhamoclhojo enlhit apquiltomja apquiltajanyey, najan apquilmapsomcaa najan apquiltamalma. Apmojosacpoc nic nat enlhitaoc alyimjapmaclha.

SAN LUCAS 11:41

Elmesaoc sat apnaymacoc asoc acnamco apquilvalhoc quellhip. Elalhnojoc sat quellhip apquilyovoclhojo.

SAN LUCAS 14:12

Aptomjac alhta Jesús apcanya apcanem etasomoc: —Apquiltimec sat ancoc lhip caya, nolane nasa eltasomoc caya apto apnaymacoc. Nolane nasa eltasomoc apquilyalhinga, najan apnaymacoc, najan apmolhama acma apquilnatam. Ayinyemaclha ingyanyacpoc sat lhip lha etasomoc maa acyanmongayclha caya apto.

SAN LUCAS 14:14

Apquilinyejemoc anco sat etnejic lhip. Colapvancaac as enlhitaoc elmesic acyanmongam. Colhic sat acyanmongam lhip apnalhaticjangvocmo sat enlhit apquilpeyvomo apmasquingvaycmo nano —alhta aptomjac.

SAN LUCAS 14:21

Yejemoc nic nat apvactamo apquilancam apquiltimnascactamo apvisqui. Aplovquic nic nat aptomja apquiltimem caya. Aptomjac nic nat apcanya apquilancam: “Ingva, ipecjicsojo emyaclha tingma najan amay. Inalanta sat enlhit mepqui apquilnatam, najan apquiltomja apquilpinsem, najan apquilyateyaycam najan mepqui apataoc” —nic nat aptomjac.

LOS HECHOS 9:39

Yejemoc alhta apquilyiplaclho Pedro. Apquilvoclhec alhta tingma. Apquilyantamaclhec alhta acyitnaclha ayitsepma. Inquilvocjingvoclhoc alhta lhintampaa. Inyipcalhquic alhta. Inquillhicmosquic alhta apava ningilantalhnama alanay Dorcas yicpintama ayitsepma.

DEUTERONOMIO 14:29

Elvotac sat levitas mepqui lha amyip, eltingyac sat acyilhna. Elvotac sat metnaja israelitas, elvotac sat apquilyeyjeycam najan lhintampaa, yoyam ellhovamcoc acyilhna. Epasmoc sat quellhip Dios apvita inlhojo apquilyiplovquiscama quellhip — nic nat aptomjac Moisés.

DEUTERONOMIO 16:11

Ellana sat quellhip fiesta napato Dios, payjoc carpa apponquinomap, apquilpasmeyquiclha apquitquic, najan enlhit apquilmomap, najan apnaymacoc levitas, najan metnaja israelitas, najan apquilyeyjeycam, najan lhintampaa nipyesicsa quellhip.

DEUTERONOMIO 16:14

Elitsovacsojo sat lhama quellhip apquitquic, najan apquilmomap, najan levitas, najan metnaja israelitas, najan apquilyeyjeycam, najan lhintampaa nipyesicsa quellhip natingma.

1 TIMOTEO 3:2

Incaymalhquic cotnejic actamila aptemaclha apquimja apmamyi. Najan lha cotnejic acvamlha lhama aptava. Etnejic sat najan apyascamco. Etnejic najan mepqui aptamongvaycmolhma, etnejic najan aptamilcasomacpo apanco. Incaymalhquic etnejic mataa apmam tacja poc. Etnejic najan apmopvan elhicmocsic tasic amyaa.

1 TIMOTEO 5:10

Incaymalhquic alhta colhenalhcac mataa actemaclha acyiplovquiscama actamila: actemaclha alvanimquiscama ayitquic najan alyascasingvoyam. Najan actemaclha almam tacja maycaa apquilvoy tingma ac. Najan actemaclha acliquiscama yingmin apmancoc Dios apquitquic. Najan actemaclha ayamliyam enlhit apquillingaycamco acmasca. Najan moc actemaclha acyiplovquiscama actamila.

TITO 1:8

Incaymalhquic apquimja apmamyi emoc mataa tacja maycaa. Incaymalhquic eyiplovsic mataa actemaclha actamila. Najan etnejic apyascamco najan appeyvomo najan ingyavojo mataa Dios najan etnejic aptamilcasomacpo apanco.

FILEMON 1:7

Actomjac coo siyanya lhip: Naso, lhip apcasicjayo ayinyema appayesayclha evalhoc najan apyimnatescama evalhoc. Naso eyalhing siyasicjayo, lhip ayinyema apquilpayesayclha apquilvalhoc ingnaymacoc apquiltomja melyasquiyam.

HEBREOS 13:2

Nocolvonquim nasa elyiplovcasojo actemaclha ningmam tacja. Apquilmacpec alhta tacja ángeles nipyesicsa ingilyalhinga, am alhta eyca elyasamcoc ingilyalhinga.