SAN LUCAS 13:27 - Enhlit Bible

²⁷ Ingyatingmojoc sat apvisqui: “Altimnasquic lha inyicje quellhip, am olyicpilcac quellhip. Elinyi sicnaclha, apquilmapsomcaa nac quellhip” —sat etnejic elanic.

SAN LUCAS 13:27 Iomraidhean Croise

SALMOS 1:6

Apyasamcoc Visqui ingac apquiltemaclha enlhit apquilpeyvomo. Comascoc sat apquiltemaclha apancaoc enlhit apquilmapsomcaa.

SALMOS 101:8

Acyipconquic mataa apquilmapsomcaa aclhamoclhojo acnim. Elantipsacpoc sat as yoclhilhma. Enatovasacpoc sat Visqui ingac tingma pac (Jerusalén) apyovoclhojo apquilmapsomcaa.

SALMOS 119:115

Elinyajaoc quellhip apquilmapsomcaa. Osavojoc sat sicyiplovquiscama Dios appayvam.

SALMOS 125:5

Yitnec apquiltemaclha apancaoc apquilmapsomcaa. Iyanmongsiclha apquiltemaclha apancaoc najan apquiltomja singinmelhaycam. Colhic sat actamilaycam apquilvalhoc enlhitaoc Israel.

SALMOS 28:3

Nojetvas nasa lhip naysicsa apquilnapma lhip apquilmapsomcaa. Nojetvas nasa lhip naysicsa apquilnapma lhip apquilyinimquiscama. Apquiltemaclha apancaoc ellhenic acmasis apquilpayvam. Acmasom anco apquilvalhoc as enlhitaoc.

SALMOS 5:6

Aptovasquic mataa lhip enlhit apquilmopvancaa amyaa. Aptovasquic mataa lhip enlhit apquilyinimquiscama najan ticyovam yapmayc.

SALMOS 6:8

Elinyajaoc (elyamyiclha) quellhip apquilmapsomcaa. Aplingac Visqui ajac acyivey sicvinama (siliclhangveycam).

OSEAS 9:12

Colvanimsic sat inyicje ayitquic, olyinyovsic sat acyovoclhojo ayitquic, osavojoc sat maa. ¡Enlhit najan quilvanaa layi sicyamasma apyovoclhojo!

SAN MATEO 25:12

Apcatingmavoc nic nat apvisqui: “Actomjac coo silanya quellhiya: Naso, am olyicpilcac quellhiya” —nic nat aptomjac.

SAN MATEO 25:41

‘Sat etnejic Apvisqui elanic enlhit apquilnescama nipsancalvelha: “Elyas mocjay quellhip apquilmapsomcaa. Elyas quellhip cosponeyaclha talha malanescama, yoyam colhnam mataa somquic quilyicjamo najan alasinancama ángeles apquilmapsomcaa.

SAN LUCAS 13:25

Apyitcasquic alhta mocjam: —“Aplhaticjac sat ancoc apvisqui, ingyapeclhac sat atong tingma pac. Elanvotac sat quellhip atong. Elanic sat quellhip colhic aclicsa atong: “Visqui, jingliquis atong” —sat eltimjic elanic. Ingyatingmojoc sat apvisqui: “Am olyicpilcac quellhip” —sat etnejic apvisqui.

1 CORINTIOS 8:3

Ningasicjavoc sat ancoc Dios, eyasamcojoc sat Dios nintemaclha nincoo.

GALATAS 4:9

Quilhvo eyca apquilyasingvocmec quellhip Dios Ingyapam. Moc ningiltimem: Dios Ingyapam aptomja apyicpilquemo apquiltemaclha quellhip. ¿Apvancaa ya quellhip elyiplovcasojo mocjam quilaycmasquiscama mepqui acmovan? ¿Apquililtamjo ya quellhip eltimjic mocjam malha apquilancam apquilmomap naysicsa apquilyiplovquiscama? Ayanayquic coo paj.

2 TIMOTEO 2:19

Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.