SAN LUCAS 13:25 - Enhlit Bible

²⁵ Apyitcasquic alhta mocjam: —“Aplhaticjac sat ancoc apvisqui, ingyapeclhac sat atong tingma pac. Elanvotac sat quellhip atong. Elanic sat quellhip colhic aclicsa atong: “Visqui, jingliquis atong” —sat eltimjic elanic. Ingyatingmojoc sat apvisqui: “Am olyicpilcac quellhip” —sat etnejic apvisqui.

SAN LUCAS 13:25 Iomraidhean Croise

GÉNESIS 7:16

Lhama mataa inquinavo najan lhama inquilvana, moclhama actemaclha asoc. Acno ilhnic nat actemaclha apcanama Dios. Apcapeclhec nic nat Dios Apyimtalhnamo atong barca yamit aysicsic.

SALMOS 32:6

Incaymalhquic ongilmalhnam mataa nalhit acnim ningiltomja lhip singilyacyescama. Mongilacyejec sat ninlingaycamco acyimtalhnama, actomja malha ningvayveycaoc yingmin acyeniyam.

ISAÍAS 55:6

Aptomjac alhta profeta apquilanya: —Eltingya sat Dios quilhvo nac jay naysicsa apma. Elevam sat quilhvo nac jay naysicsa apma ningato.

SAN MATEO 25:41

‘Sat etnejic Apvisqui elanic enlhit apquilnescama nipsancalvelha: “Elyas mocjay quellhip apquilmapsomcaa. Elyas quellhip cosponeyaclha talha malanescama, yoyam colhnam mataa somquic quilyicjamo najan alasinancama ángeles apquilmapsomcaa.

SAN LUCAS 13:27

Ingyatingmojoc sat apvisqui: “Altimnasquic lha inyicje quellhip, am olyicpilcac quellhip. Elinyi sicnaclha, apquilmapsomcaa nac quellhip” —sat etnejic elanic.

SAN LUCAS 3:8

Eltamilsojo sat apquiltemaclha, yoyam cotnatsalhquejec sat actomja apquilyanmonquiscama apquilvalhoc. Nocoltime nasa apquilvalhoc: “Abraham ingyapam nincoo”. Actomjac coo siyanya quellhip: Apvanquic Dios Ingyapam etnesquisic apquitquic Abraham as mataymong.

SAN LUCAS 6:46

Apquiltomja inyicje quellhip selanya: “Visqui, Visqui”. ¿Soctomja melilyajaclhojo nac sicpayvam? —alhta aptomjac.

2 CORINTIOS 6:2

Intomjac nic nat Dios appayvam actalhesomalhca: Acjalhnoc coo lhip acvamlha acnim actamila. Acpasmec coo lhip acvamlha acnim ningilvomsomalhquilha tap —nic nat aptomjac Dios. Quip elaylhojo ingilyalhinga: Invocmec quilhvo nac jay acnim actamila. Invocmec quilhvo nac jay acnim ningilvomsomalhquilha tap.

HEBREOS 12:17

Apquilyasamcoc quellhip. Apquiltamjoc nic nat inyicje Esaú yoyam elmalhnesquisic apyap asoc altamila ayinyema Dios. Aptamopamquic nic nat Esaú. Avanjec nic nat apvinama, ayinyemaclha am nic nat copvanac etniclha mocjam metnaja apquitcoc.