SAN LUCAS 13:11 - Enhlit Bible

¹¹ Innec alhta maa lhama quilvana. Dieciocho años alhta invocmoc acmasca ayimpejic. Somquic quilyicjamo actimesquiscama acjalhem. Am alhta covanac copeyveclha.

SAN LUCAS 13:11 Iomraidhean Croise

JOB 2:7

Apyamyeclhec nic nat singyipconma apnaclha Dios. Aptimescasquic nic nat aplingaycamco acmasca apyimpejic Job, malha pascapma ilhnic nat apcasquiscama apyimpejic.

SALMOS 145:14

Visqui ingac, lhip aptomja apvitayclha aptomja apsilhnanomap apanco. Aptomja aptamilquisquiyam naysicsa apquillingaycamco acyimtalhnama.

SALMOS 146:8

Aptomja apnesayclha apataoc enlhit mepqui apataoc. Aptomja aptamilquisquiyam enlhit apsilhnanomap apanco. Aptomja apquilasicjayo enlhit apquilpeyvomo.

SALMOS 38:6

Avanjec sicjalhamalhca coo. Acmayovsa evalhoc acyovoclhojo acnim.

SALMOS 42:5

¿So actema acmayovsa mataa evalhoc coo? ¿So actema aliclhanveycam mataa evalhoc? Pac olinlhanmojoc sat, otnejic sat siyayo Dios aptomja Visqui ajac najan sevomquiscama tap.

SALMOS 6:2

Visqui ajac. Jeyasicjiclhojo mocjam coo. Mepqui sicyimnatem coo. Avanjec acpilhyinamam evalhoc coo. Jetamilquisquim coo.

SAN MATEO 4:23

Aptiyasam alhta Jesús. Apsovjongveclho alhta yoclhilhma Galilea. Apquillhicmosquic alhta mataa tingma apcaneyquiclhilha. Apquiltimnasam alhta mataa tasic amyaa Visqui netin apquilnancascama. Apquiltamilquiscacmec alhta actomjaycaoc ningmasquem najan enlhit melyimnatem.

SAN MARCOS 9:21

Apquilmalhnac alhta Jesús apyimnanic apyap: —¿Jalhcocvam años actimem apsicjangviyam? —alhta aptomjac. Apcatingmavoc alhta apyap: —Nano, aptemaclha apquitcoc —alhta aptomjac.

SAN LUCAS 13:12

Lhama alhta apvita Jesús, apquevamcaa alhta: —Quilvana, intamilaclhec lhiya —alhta aptomjac.

SAN LUCAS 13:16

Eyca as quilvana actomja Abraham aptavin niptamin. Satanás alpilhtetem dieciocho años. ¿Mongvanqui ya onliquisic acpilhtetomalhca acmasca ayimpejic acnim ninnayclha? —alhta aptomjac.

SAN LUCAS 21:28

Apquilvitac sat ancoc actomja siclhoc as asoc elinmelhojo sat quellhip. Elimpasiclha netin apcatcoc. Ayinyemaclha camquitvaac ningilvomsomalhca tap —alhta aptomjac.

SAN LUCAS 8:2

Quilvanaa alhta najan apquillhalhmaa. Apquiltamilquiscacmec alhta somquic quilyicjamo actovascama najan ningmasquem. Lhama acvisay María Magdalena. Siete somquic quilyicjamo alhta apquilantipcasac avalhoc.

SAN LUCAS 8:27

Aptiyapvocmo alhta Jesús netin lhop. Aptajanyavoc alhta lhama enlhit apquinyema natingma. Acvoncaclho alhta actovascama somquic quilyicjamo. Aptiyascam alhta mataa mepqui apquilantalhnama. Am alhta elhnac congne tingma. Apnacmec alhta mataa naysicsa tacjalhpopayc.

SAN LUCAS 8:43

Inyiplaclhec alhta lhama quilvana. Acvocmo alhta doce años actimem acyiviy em ac. Ayovsec alhta quilvana apcasquiscama ayimpejic panatem inyapmayc. Insovjalhquic alhta solyayem acyanmongam apquilanay. Am alhta cotamalvocmoc.

LOS HECHOS 3:2

Yejemoc alhta apquilvita enlhit apyateyaycam ayenmo aptemaclha apquitcoc. Appiquenacpec alhta mataa aclhamoclhojo acnim nicja apatong tingma apponquinomap acvisay Actamalma. Apquilanjam alhta mataa solyayem aptomja apquilantalhningvoycta mataa tingma apponquinomap.

LOS HECHOS 4:22

Apyeycaac alhta cuarenta años enlhit aptamalviyam actema aptamjaycam sinpilapquiscama.