SAN LUCAS 12:9 - Enhlit Bible

⁹ Apquilyinimcasquic sat ancoc quellhip apquilanem mejeyicpilcac, elyinimsacpoc sat quellhip napatavo ángeles Dios apquilasinancama.

SAN LUCAS 12:9 Iomraidhean Croise

SAN MATEO 10:33

Am sat ancoc elhenac enlhit aptomja seyiploycam napatavo apnaymacoc, molhenejec sat coo lha napato Tata apna netin —alhta aptomjac.

SAN MATEO 25:12

Apcatingmavoc nic nat apvisqui: “Actomjac coo silanya quellhiya: Naso, am olyicpilcac quellhiya” —nic nat aptomjac.

SAN MATEO 25:31

‘Aptomjac alhta mocjam Jesús: Ovotac sat coo mocjam sicvisay Sictiyam Sictomja Enlhit naysicsa gloria siyapongmatem ajanco. Sellhalhmaa sat ángeles silasinancama. Olhic sat netin Visqui aptajanem.

SAN MATEO 25:41

‘Sat etnejic Apvisqui elanic enlhit apquilnescama nipsancalvelha: “Elyas mocjay quellhip apquilmapsomcaa. Elyas quellhip cosponeyaclha talha malanescama, yoyam colhnam mataa somquic quilyicjamo najan alasinancama ángeles apquilmapsomcaa.

SAN MATEO 7:23

Natamin ongvatingmojoc sat coo: “Am olyicpilcac mataa quellhip. ¡Elinyajaoc sicnaclha! Apquiltemaclha quellhip apquilmapsomcaa” —sat otnejic ongvanic coo.

SAN MARCOS 8:38

Apmancaquic sat ancoc enlhit jelhenic coo najan sicpayvam nipyesicsa as enlhitaoc apquilvatseycaoc apquilyiplom Dios Ingyapam najan enlhit apquilmapsomcaa, omancac sat coo lha sicvisay Sictiyam Sictomja Enlhit, olhenic apvisay as enlhit sicvactamo sat. Ovotac sat naysicsa gloria apcapongmatem apanco Tata najan apquillhalhmaa sat ángeles Dios apquilasinancama apquilponquinomap —alhta aptomjac Jesús.

SAN LUCAS 15:10

Actomjac coo siyanya quellhip: Innoc najan lha cotnejic sat alpayjayclha apquilvalhoc ángeles Dios apquilasinancama, apvitacpo sat lhama enlhit meyascalhma aptomja apyanmonquiscama apvalhoc —alhta aptomjac Jesús.

SAN LUCAS 22:57

Apyinimcasquic alhta Pedro: —Quilvana, moyasamcoc aclhena nac lhiya —alhta aptomjac.

SAN LUCAS 9:26

Apmancaquic sat ancoc enlhit jelhenic coo najan elhenic sicpayvam, omancac sat coo lha olhenic apvisay as enlhit sicvactamo sat, sicvisay Sictiyam Sictomja Enlhit. Ovotac sat malha Visqui naysicsa gloria apcapongmatem apanco Tata najan gloria apquilapongmatem apancaoc ángeles Dios apquilasinancama apquilponquinomap.

2 TIMOTEO 2:12

Ninlingamcoc sat ancoc lhama acmasca, ongilpasmoc sat mataa apcanamaclha aptemaclha Apvisqui. Am sat ancoc ongillhenac apvisay Jesucristo, melhenejec sat najan ningilvisay napato Dios.

1 SAN JUAN 2:23

Mongiltomja Ingyapam apquitquic naysicsa ninganem colhic acyascacmo Apquitca. Eyca ninlhenquic sat ancoc apvisay Apquitca, ongiltimjic sat Ingyapam apquitquic.

1 SAN JUAN 2:28

Quellhip eyitquic. Lhama siclhanma mocjam: Eltime sat mataa apquilpasmeyquiclha Jesucristo. Ningvitac sat ancoc mocjam Jesucristo, copayjiclhac sat ingvalhoc. Mongilmancacsejec sat nincoo napato apvactamo sat.

EL APOCALIPSIS 3:8

Acyasamcoc coo aptemaclha lhip. Quip ilanojo. Acmayescasquic coo lhama atong. Copvanquejec poc enlhit ingyapiclha. Am coyovac lhip apmopvan. Apquilinlhanacmec eyca lhip apyiplovquiscama sicpayvam. Am alhta eyilhacpoc aplhanma sicvisay.