SAN LUCAS 12:46 - Enhlit Bible

⁴⁶ Cotlapsic sat evotac apvisqui pac naysicsa meljalhanma apquilancam. Ingyascacsojoc sat apyimpejic acyanmongayclha. Ingyanyacpoc sat epalhavomoc enlhitaoc melilyajayquiclho.

SAN LUCAS 12:46 Iomraidhean Croise

JOB 20:29

Eycaso aplingaycamco acyimtalhnama enlhit apmapsom ayinyema Dios. Visqui ingac aptimesquiscama aplingaycamco acyimtalhnamo as enlhit — nic nat aptomjac Zofar.

SALMOS 11:5

Apyicpilcoc Visqui ingac apquilpeyvomo najan apquilmapsomcaa. Avanjec aptanoncama Visqui ingac apquiltemaclha apquilmapsomcaa.

SALMOS 37:9

Naso, elantipsacpoc sat apquilmapsomcaa. Ellhovac sat yoclhilhma apquiltomja apquilayo Visqui ingac.

SALMOS 94:14

Mejingiltovacsejec sat mataa Visqui ingac ningiltomja ningmolhama. Mejingyinyovejec sat mataa Visqui ingac ningiltomja singilyacyescama.

SAN MATEO 24:50

Evotac sat apvisqui pac naysicsa meljalhanma. Cotlapsic sat evota.

SAN MATEO 24:51

Ingyascacsojoc sat apyimpejic acyanmongayclha, acno acyanmongayclha apquiltemaclha apquilaycmascam. Elyipcalhic sat maa, cotovamcoc sat apmaoc —alhta aptomjac.

SAN LUCAS 12:40

Elpenacsojo quellhip lha. Apquilanayquic sat ancoc mevotac Jesús apvisay Aptiyam Aptomja Enlhit, cotlapsic sat evota —alhta aptomjac.

SAN LUCAS 12:45

Intomjac sat ancoc apvalhoc apquilancam: Mevotayc sat lhaja quilhvoc apvisqui ajac —sat cotnejic apvalhoc. Eyca pa elyicpilhquetamcoc enlhit apquiltamjaycam najan quilvana altamjaycam. Melnaycaoc (avanje) aptom najan apyamo anmin as apquilancam.

SAN LUCAS 12:47

Lhama apquilancam apyascamco apmayjayoclha apvisqui pac. Am sat ancoc elyajaclhac apcanyaclha elana, coyavojoc sat acmasca acyanmongayclha.

EL APOCALIPSIS 16:15

Inquilansaclhec alhta apquilviscaa lhama yoclhilhma, hebreo appayvam acvisay Armagedón. “Quip ilanojo. Cotlapsic sat ovota, malha enlhit apminyilhma naysicsa meljalhanma. Apquilinyejemoc enlhit apquiltomja apquilantiyapeyacmo najan apquilmaycam apquilantalhnama. Yoyam metacpejec sat apcalhnaycam yoyam memancac nipyesicsa apnaymacoc”.