SAN LUCAS 12:37 - Enhlit Bible

³⁷ Apquilinyejemoc anco apquilancam apvitangvactamo apquiljalhnaclha apvisqui pac. Actomjac coo siyanya quellhip: Naso, ingyenojoc sat epenacsojo apvisqui. Elhnesam sat nicja mesa. Elmesic sat aptoycaoc.

SAN LUCAS 12:37 Iomraidhean Croise

ISAÍAS 62:5

Acno aptemaclha apyimnanic etnejic aptava quilvana ayitcoc, colhojoc sat aptemaclha Dios Visqui ingac etnejic aptava quellhip apyovoclhojo, acyiplomo acpayjayclha apvalhoc Visqui ingac, apno enlhit quilhva alyimjapma acnaclha apponcanma.

JEREMÍAS 32:41

Copayjiclhac sat evalhoc naysicsa siyasicjayclha, olhnecsic sat as yoclhilhma, acyiplomo actamilaycam evalhoc coo — alhta aptomjac Visqui ingac.

SOFONÍAS 3:17

Apnec Dios Visqui ingac nipyesicsa quellhip, apmopvan innac najan aptomja singvomquiscama tap. Aptomja apcasicjayo najan apyimnatescama apnenyaoc quellhip. Apquitsovasoc maa

SAN MATEO 24:42

‘Elalh anco quellhip. Am elyasamcoc quellhip acvamlha acnim, yoyam evotac Apvisqui apancaoc.

SAN LUCAS 12:36

Ellhojo quellhip enlhit apquiljalhanma apvisqui apancaoc. Etajingvoclhac sat alyimjapmaclha. Elpecjesam sat apliquiscama atong apvactamo sat.

SAN LUCAS 12:43

Apquilinyejemoc anco apquilancam nac maa. Apvactamo sat apvisqui, etangvotac sat aptamjaycamcaclha apcanyomap elana.

SAN LUCAS 17:8

Ayanayquic coo, paj. Sat etnejic ingyanic: “Ingva, ilaniclha siclho nintom (mesa). Pac otoc coo emamyi. Ipilhquejit sat apava niplhit, jelanam coo. Alhayi sat etovc lhip, natamin sictom najan sicyam —sat etnejic ingyanic.”

SAN LUCAS 21:36

“Eltamilsacpojo apanco quellhip. Elilmalhna sat mataa. Apvancaac sat, yoyam elinquitacpoc. Am cotvacsejec sat quellhip asoc, yoyam colva. Apvancaac sat elanam payjo apvisay Aptiyam Aptomja Enlhit —alhta aptomjac.

SAN LUCAS 22:27

¿Soc enlhit aptomja apyimtalhnamo? ¿Jave ya apna nac nicja mesa, inlhoyqui laa apsayquinta nintom (apquilancam)? Eyca aptomja apyimtalhnamo apna nac nicja mesa. Coo eyca sictomja mataa silancam nipyesicsa quellhip.

SAN JUAN 12:26

Apquiltamjoc sat ancoc enlhit jelanam coo, incaymalhquic yoyam jeyiplovjo. Jelhojoc sat lhama sicnaclha selancam coo. Colhic sat ayaco selancam coo, ayinyema coo Tata —alhta aptomjac.

1 CORINTIOS 2:9

Inlhenquic nic nat Dios appayvam actalhesomalhca: Appenasoc nic nat Dios asoc yoyam elmesic apquiltomja apquilasicjayo. Am elvitayac mocjam enlhit, am najan ellingayac. Am najan colhenac mocjam apquilvalhoc enlhitaoc as asoc —nic nat intomjac.

FILIPENSES 1:21

Amamyi anco mataa aclhanma evalhoc Cristo naysicsa sictiyascam as nalhpop. Ayitsepquic sat ancoc coo, copayjiclhac sat evalhoc malha sicmetsovjam asoc.

FILIPENSES 1:23

Yitnec anit asoc aclhanma evalhoc: Altamjo inyicje yoyam ongvitsapoc yoyam olhojoc sat lhama Cristo. Eycaso actomja actamila anco, am colhno moc aclhanma evalhoc.

2 SAN PEDRO 1:11

Elvitamcojoc sat quellhip comayjiclhac atong acyiviy acno yoyam elantilhic quellhip actomjaclha apquilnancascama cotmongvoyam nelha. Actomjaclha apquilnancascama apanco Visqui ingac Jesucristo aptomja singvomquiscama tap.

2 SAN PEDRO 3:14

Quellhip elyalhinga. Ningiljalhnec inyicje asoc alyimtalhnamo yoyam colvac sat. Eltamilsacpojo apanco quellhip yoyam coytic actamilaycam apquilvalhoc napato Dios, najan mepqui apquiltamongvaycmolhma, malha mepqui alpaysameycaoc.

EL APOCALIPSIS 14:13

Yejemoc alhta siclinga appayvam ayinyema netin. Intomjac alhta seyanya: —Italhos sat actema nac jay: “Apquilinyejemoc mataa enlhitaoc yoyam elmasquingvomoc naysicsa melyasquiyam Visqui ingac.” Aptomjac najan Espíritu apanco Dios: Naso, ellovsic sat apquilyampay apquilpenesa apquiltamjaycam. Colvoncamejec sat actemaclha apquiltamjaycam, covac sat acyanmongam —alhta intomjac siclingay.

EL APOCALIPSIS 16:15

Inquilansaclhec alhta apquilviscaa lhama yoclhilhma, hebreo appayvam acvisay Armagedón. “Quip ilanojo. Cotlapsic sat ovota, malha enlhit apminyilhma naysicsa meljalhanma. Apquilinyejemoc enlhit apquiltomja apquilantiyapeyacmo najan apquilmaycam apquilantalhnama. Yoyam metacpejec sat apcalhnaycam yoyam memancac nipyesicsa apnaymacoc”.

EL APOCALIPSIS 3:21

Apquilinlhanacmec sat ancoc enlhit apyiplovquiscama, olhnesic sat sicnaclha. Jelhojoc sat lhama sicmaclha netin sictajanem actomja Visqui aptajanem. Acno alhta coo lha silinlhanyacmo naysicsa sicyiplovquiscama. Acnacmec alhta lhama coo Tata apmaclha netin aptajanem actomja Visqui aptajanem.

EL APOCALIPSIS 7:17

Ayinyemaclha apyancac Nipquesic Apquitcoc acyitnaclha Visqui aptajanem. Etamilsic sat as enlhitaoc, malha apnatoscama nipquesic. Enalaclhac sat as enlhitaoc acyitnaclha yingmin actomja acyimnatescama ingnenyaoc. Dios sat elicsic apate yingmenic as enlhitaoc —alhta aptomjac apquimja apmamyi.