SAN LUCAS 12:32 - Enhlit Bible

³² “Noela nasa quellhip sicnatoscama apcanito. Apquiltamjoc Ingyapam netin elmesic apquilnancascama.

SAN LUCAS 12:32 Iomraidhean Croise

ISAÍAS 40:11

Eltamilsic sat apnatoscama malha quilancam nipquesic. Ingyaynic sat nipquesic apquitcoc. Epquinic sat apquinlhaclha. Etamilsojoc sat mataa enaliclha apyapmoc quilhva appaliyam apquitcoc.

ISAÍAS 41:14

Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.

ISAÍAS 53:6

Ningillhinganyam innac ninlhamoclhojo, malha nipquesic apquillhinganyam. Ningilyasquic mataa ningilyasaclha inganco. Aplingamcoc acmasca Dios apquilancam ayinyema nincoo mongilyascalhma, malha appatimquiscama acyimtalhnama Dios.

JEREMÍAS 3:19

Aptomjac alhta mocjam Visqui ingac: Quellhip israelitas, altamjoc alhta inyicje colhic ayaco quellhip, elhnam sat quellhip lhama yoclhilhma actamila anco, am colhno moc yoclhilhma as nalhpop. Jeltimjic sat jelanic: Tata coo — sat eltimjic. Mejelyinyovejec sat mataa quellhip.

SAN MATEO 14:27

Aptomjac alhta Jesús apquilanya apquiltamsoycaoc: —¡Elyimnates apquilvalhoc! ¡Coo nac aso, nojela nasa! —alhta aptomjac.

SAN MATEO 20:16

Aptomjac alhta Jesús: —Eycaso siclhena lhac: Apquilimja alhayi elaniclhac sat apmamyi najan apquilimja apmamyi elaniclhac sat alhayi. Aplhamo inyicje enlhit apquilanyomap, apcanito eyca apquilyacyesomap —alhta aptomjac.

SAN MATEO 25:34

Sat etnejic Apvisqui elanic enlhit apquilnescama apquilyascamaclha: “¡Elquilhyim quellhip apquiltomja coo Tata apquilyacyescama! Elma quellhip silnancascama. Quellhip apancaoc sat cotnejic. Malanescama quellhip silnancascama ayenmo siclhoc anco apquilantipquiscama Dios as nalhpop.

SAN MATEO 7:15

Aptomjac alhta mocjam Jesús: ‘Elavojo quellhip apquilsoycam apquilmopvancaa amyaa apquilpalhavoy nipyesicsa quellhip. Apquilyitsomacpo apanco inyicje nipquesic. Eyca malha asoc navjac aclom apquiltemaclha apancaoc.

SAN LUCAS 10:21

Yejemoc alhta acpayjeclho apvalhoc Jesús ayinyema Espíritu Santo: Aptomjac alhta apquilmalhnancama: —Ingyapam netin, lhip nac Visqui netin najan as nalhpop. Inlhenquic coo evalhoc lhip. Apyilhascasquic lhip as asoc enlhitaoc apquilyascamco lhalhma anco. Am eyilhascasac lhip as asoc enlhit melyascamco malha sicaa. Intasic anco, Ingyapam. Actomja lhip apquiltemoclha apanco.

SAN JUAN 18:36

Apcatingmavoc alhta Jesús: —Am conyemac coo silnancascama as nalhpop. Intimec sat ancoc silnancascama as nalhpop, elnapacpoc sat singilpilhtetemo ajancaoc, yoyam jelmeyvoc coo. Colapvanquejec jelmoc judíos. Jave coo silnancascama as nalhpop —alhta aptomjac.

LOS HECHOS 20:28

Eltamilsacpojo apanco quellhip. Eltamilquis sat najan apquilanacpo Jesucristo apmolhama, malha quilancam nipquesic apquiltamilquiscama apnatoscama. Quellhip apquiltomja apquilimja apmamyi ayinyema Espíritu Santo yoyam eltamilsic Jesucristo apmolhama. Apyanmoncasquic alhta em pac Jesús apmolhama.

LOS HECHOS 20:29

Acyasamcoc coo lha. Acvoncapaclhec sat ancoc coo, elvac sat poc. Elnatovacsic sat Jesucristo apmolhama, malha asoc navjac aclom ayilhpanquiscama nipquesic.

ROMANOS 6:23

Ningyiplovcasquic sat ancoc mongilyascalhma coyiplovjoc sat ningitsepma. Dios eyca aptomja singmescama nasa acyimnatem ingnenyaoc cotmongvoycamlha nelha ninpasmeyquiclha Jesucristo Visqui ingac.

1 CORINTIOS 1:21

Am elyasingvocmoc mocjam enlhitaoc apquilyascamco lhalhma anco aptemaclha apyascamco Dios. Apquiltamjoc Dios elvomsic tap enlhitaoc apquiltomja melyasquiyam. Eycaso ayinyema tasic amyaa actomja apquiltanoncama enlhitaoc lhalhma anco.

FILIPENSES 2:13

Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.

2 TESALONICENSES 1:11

Eycaso ayinyema ningilmalhnesquiscama mataa quellhip Dios Ingyapam yoyam elpasmoc quellhip lha apvactamo sat Visqui ingac. Ningilmalhnescasquic najan yoyam elpayesiclhac apquilvalhoc quellhip naysicsa apquilyiplovquiscama asoc altamila. Yoyam najan elyimnaticsojoc Dios naysicsa apquiltamjaycam quellhip ayinyema melyasquiyam.

2 TESALONICENSES 1:5

Eycaso ayinyema apquilyasingvoyam quellhip aptemaclha Dios aptomja appeyvomo naysicsa apquilyicpilquemo. Apquiltamjoc yoyam elpalhavomoc quellhip Dios apquilnancascama. Ayinyemaclha apquillingamcoc quellhip acmasca ayinyema apquillhicmoscama Dios apquilnancascama.

HEBREOS 12:28

Jingilmesic sat Dios apquilnancascama apanco actomja coyovjeycam. Ingilane sat ontimjic gracias Dios Ingyapam. Ningilayo ningiltomjac mataa Dios actemaclha apyisponcama. Pac ongilavojoc sat mataa Dios naysicsa ningiltimem gracias.

SANTIAGO 2:5

Quellhip elyalhinga. Dios Ingyapam aptomja apquilyacyescama enlhit mepqui apquilnatam as nalhpop. Apquiltamjoc coytic acyiviy melyasquiyam, malha acyitna apquilnatam. Apquiltamjoc ellhovangvomoc sat Dios apquilnancascama. Aplhanma ilhnic nat actomja nasoc anco yoyam elmesic apquiltomja apquilasicjayo.

2 SAN PEDRO 1:11

Elvitamcojoc sat quellhip comayjiclhac atong acyiviy acno yoyam elantilhic quellhip actomjaclha apquilnancascama cotmongvoyam nelha. Actomjaclha apquilnancascama apanco Visqui ingac Jesucristo aptomja singvomquiscama tap.

EL APOCALIPSIS 1:6

Ingiltimescasquic apquilviscaa Cristo najan soycam amyaa, malha yoyam ongiltimjic ningilancam napato Dios aptomja Apyap Cristo. Colhic sat mataa ayaco Dios najan apmopvan cotmongvoycamlha nelha. Amén.

EL APOCALIPSIS 22:5

Mepqui alhtaa sat cotnejic maa. Coymalhquejec sat mataa calevascama najan, coymalhquejec acnim ayitsasquiscamalhma. Ayinyemaclha Dios Visqui ingac sat elsasquisic olhma. Eltimjic sat apquilviscaa aclhamoclhojo acnim cotmongvoycamlha nelha.