SAN LUCAS 12:28 - Enhlit Bible

²⁸ Apquilanescasqui inyicje Dios Ingyapam ayimpeoc paat ayictingam yoclhilhma. Inquictinquic as acnim nac jay, secaseclha sat covatnalhca. ¿Soctomja ningyascacmo nac nincoo? Coyanvomoc sat singilmescama ningilantalhnama Dios Ingyapam —alhta aptomjac.

SAN LUCAS 12:28 Iomraidhean Croise

ISAÍAS 40:6

Moc appayvam mocjam: —Iltimnas sat amyaa — intomjac siclingay. Ayatingmavoc alhta coo: —¿So actema amyaa yoyam oltimnacsic? — alhta actomjac coo. Aptomjac alhta seyanya: —Aplhamoclhojo enlhitaoc apquiltomja malha paat. Enlhit apquilyimtalhnamo apquiltomja malha ilhnamoc alimja amyip.

SAN MATEO 14:31

Yejemoc alhta apma Jesús apmic Pedro. Aptomjac alhta apcanya: —¡Pedro, yamapyasquiyam nac lhip! ¿Soctomja apyascacmo nac lhip? —alhta aptomjac.

SAN MATEO 16:8

Aplingac alhta Jesús actomjaclha apquilpamesma. Aptomjac alhta apquilanya: —¿Soctomja allhena nac apquilvalhoc mepqui quilpasmongam? Yamapquilyasquiyam nac quellhip.

SAN MATEO 17:17

Apcatingmavoc alhta Jesús: —¡Enlhit apquilyasquiyam nac quellhip najan colyavameycaoc! ¿Jalhcocvam acnim olhojoc lhama mocjam quellhip? ¿Jalhcocvam acnim olngamcojo mocjam apquilyasquiyam quellhip? Elyantamenma apyimnanic jalip —alhta aptomjac.

SAN MATEO 17:20

Apcatingmavoc alhta Jesús: —Ayinyema yamapquilyasquiyam quellhip. Actomjac coo silanya quellhip: Yitnec sat ancoc melyasquiyam ayitcoc quellhip acno mosiyov actic, elapvanic sat quellhip elanic as inquilhe acvinatem: “Copatyip, coyinyov ayimjaclha” —sat eltimjic quellhip. Quilhvoc sat copatyapoc inquilhe acvinatem. Am sat ancoc elyascacmoc quellhip, elapvanic sat aclhamoclhojo asoc.

SAN MATEO 6:30

Apquilanesquic Dios Ingyapam altamila ava paat ayimja yoclhilhma. Inquictinquic acnim nac jay. Secaseclha sat comyetic acyitnaclha talha. Apvanquic Dios Ingyapam jintimesquisic acma ningilantalhnama, am colhnoc paat ava. ¡Noelyasquim nasa quellhip!

SAN MATEO 8:26

Apcatingmavoc alhta Jesús: —¿Soctomja apquilaca nac quellhip? ¿Inmasquingvocme ya melyasquiyam? —alhta aptomjac. Yejemoc alhta apquinmaclho netin. Apquilyasquic alhta olhma piyam najan alyayajayam. Yejemoc alhta alvineclho olhma.

SAN LUCAS 8:25

Yejemoc alhta apquinmantamo piyam najan alyayajayam. —¿Jalhco actema quellhip melyasquiyam? —alhta aptomjac Jesús. Apquilacac alhta apquiltamsoycaoc. Pilapcasquic alhta anco. Apquilpamejitsacpec alhta: —¿Soc enlhit aso? Apcanayquic sat ancoc emascoc piyam najan yingmin, yejemoc alyajaclho —alhta apquiltomjac apquilpamesma.

HEBREOS 6:7

Pac ongilyitsic as amyaa: Malha ningilcacjam intomjac. Intalhnec mataa yingmin lhopactic aclhamoclhojo acmamay. Apquilcaquic mataa enlhit, apquinaclhec mataa actic. Invitalhquic mataa acyilhna ningilcacjam yoyam etovc enlhit. Eycaso actomja apyisponcama Dios.

1 SAN PEDRO 1:24

Eycaso intomjac aclhanma actalhesomalhca: Aplhamoclhojo enlhitaoc apquiltomja malha paat. Aplhamoclhojo apquilyimtalhnamo apquiltomja malha ilhnamoc. Inyamamquic paat, inpalacmec najan ilhnamoc.