SAN LUCAS 12:21 - Enhlit Bible

²¹ Aptomjac alhta apquilanya Jesús: —Eycaso ningyitsomalhco nincoo ningiltomja ningincajaycaoc ingancaoc asoc. Am coyitnac asoc ayinyema Dios —alhta aptomjac.

SAN LUCAS 12:21 Iomraidhean Croise

PROVERBIOS 13:7

Napocja enlhit mepqui apquilnatam, apquillhenacpo apanco acma apquilnatam. Napocja enlhit acma apquilnatam, apquillhenacpo apanco mepqui apquilnatam.

OSEAS 10:1

Aptomjac alhta Dios Apyimtalhnamo: Apquilyitsomacpec alhta apquilmolhama Israel uva avjac acma acyilhna. Inlhameclhec alhta acyilhna, inyangvocmec alhta apquillanay mataymong apquilmalhnancamaclha. Inyangvocmec alhta apquilnalhimquiscama as mataymong, ayinyema cascama apquilnatam.

HABACUC 2:9

Quellhip layi apquilicjescama tingma apancaoc asoc alminyilhamalhca, apquilanya quellhip mellingamquejec mataa acmasom.

SAN LUCAS 12:33

Elquilhaoc asoc apancaoc. Elmesaoc sat apnaymacoc. Elana quellhip najapa, cotnejec sat ápaoc (solyayem). Colhic sat apquilnatam netin mevoycamlha apminyilhma. Cotovejec ascoc maa.

SAN LUCAS 16:11

Apquilsilhnanacpec sat ancoc apanco quellhip apquilanyomap eltamilsic asoc as nalhpop, (solyayem, apquilnatam) colapvanquejec najan quellhip eltamilsic asoc altamila (ayinyema Dios Ingyapam).

SAN LUCAS 6:24

“Quellhip layi apquiltomja ningnatam inyapmayc. Apquillhovamquic alhta quellhip altamila asoc.

ROMANOS 2:5

Acyimnatem apvalhoc lhip. Copvanquejec eyanmongsic apvalhoc. Etac sat apyanmongsayclha Dios acvocmo sat acnim ningyicpilcomalhcoclha. Etacpoc sat Dios aptomja appeyvomo.

2 CORINTIOS 6:10

Ingilyovsecac mataa nincoo, inpayjeclhec eyca mataa ingilvalhoc. Mepqui asoc nincoo, ningilmasquic eyca cotlaycaoc asoc enlhitaoc. Mepqui ningilnatam nincoo, yitnec eyca aclhamoclhojo asoc.

1 TIMOTEO 6:9

Apquiltamjoc sat ancoc enlhit eyeycajasacpojo apquilnatam, esilhnanacpoc sat. Malha acmam quiljanma actomja ayitsepma ingnenyic. Cotsapoc sat apnenyic aclhamoclhojo asoc almasomcaa. Apvajanamquic sat ancoc actemaclha ayitsepma apnenyic, elingamcoc sat acmasca, etvasacpoc sat.

SANTIAGO 2:5

Quellhip elyalhinga. Dios Ingyapam aptomja apquilyacyescama enlhit mepqui apquilnatam as nalhpop. Apquiltamjoc coytic acyiviy melyasquiyam, malha acyitna apquilnatam. Apquiltamjoc ellhovangvomoc sat Dios apquilnancascama. Aplhanma ilhnic nat actomja nasoc anco yoyam elmesic apquiltomja apquilasicjayo.

EL APOCALIPSIS 2:9

Acyasamcoc coo actemaclha aplingaycamco acmasca lhip najan actemaclha mepqui apquilnatam. Eyca acyitna cotlaycaoc asoc altamila malha acma apquilnatam. Intovasalhquic mataa apvisay lhip nipyesicsa apquiltamjamacpo apanco judíos. Jave inyicje judíos apanco, apquiltomja eyca apcaneyquiclhilha yavey Satanás acmolhama.