SAN LUCAS 12:19 - Enhlit Bible

¹⁹ Colhenam sat mataa evalhoc sicnincanmaclha silnatam. Mosovjec sat aplhamoclhojo piyam. Oytic sat mataa, otoc sat, oynic sat, ongvitsovacsojoc sat” —ilhnic nat intomjac apvalhoc.

SAN LUCAS 12:19 Iomraidhean Croise

JOB 14:1

Mepqui apyimnatem mataa enlhit, ayenmo aptiyaycamlha. Inyavatoc aptiyascam as nalhpop, avanjec mataa aclheneycam apvalhoc.

SALMOS 49:18

Ayajamalhco apvalhoc enlhit acma apquilnatam naysicsa aptiyascam. Innec ayaco ayinyema apnaymacoc.

SALMOS 62:10

Noeltingya nasa asoc actemaclha ningilnatingvoyam ingmoc. Noeltingya nasa asoc apquilvoyam apanco. Apquililtamjoc sat ancoc colhic apquilnatam quellhip, noelyilhanim nasa actemaclha solyayem.

PROVERBIOS 10:2

Am cotnajac actamila ingvalhoc, ningansaclho inlhojo asoc cotnaja inganco. Ongmiyovalhcac sat, acyitna inlhojo actamilaycam ingvalhoc.

PROVERBIOS 14:24

Acyascamco ingvalhoc acyitsomalhca corona nimpocanma actamila. Acyeyjamelhma ingvalhoc acyitsomalhca corona nimpocanma acmasom, actanovmalhca.

PROVERBIOS 18:11

Ninganayquic nincoo cascama ningilnatam actomja singmasma nincoo, malha mataymong acjalhtam ningyilhanmomaclha.

PROVERBIOS 23:5

Naysicsa aptingyey lhip cascama apquilnatam, covonquepoc sat maa, malha mama apvonquepma sat cotnejic.

PROVERBIOS 27:1

Mongvanquejec ongillhenic asoc alyivey, yoyam ongillana secaseclha. Paj ongilyasamcoc yavamlha cotnejic secaseclha.

ECLESIASTÉS 11:9

Lhip apyimnanic, copayjiclha sat apvalhoc aclhamoclhojo acnim, etingyac asoc altamila. Iyiplovcasojo aclhanmaclha apvalhoc. Noncolvonquim nasa lhip, ingyatingmojoc sat napato Dios, apquilmalhneclho inlhojo lhip aptemaclha.

ECLESIASTÉS 2:24

Tasi inyicje ontovamcoc najan ongyinamcoc najan ongvitac asoc ayinyema nintamjaycam, acyiplomo acpayjayclha ingilvalhoc. Eycaso ayinyema Dios Visqui ingac, jave ayinyema nincoo.

ISAÍAS 22:13

Apquiltemaclha quellhip quilhvo nac jay apquilitsovascama naysicsa fiesta, apquilajac quellhip apnatoscama, aptoycaoc maa najan apyinaycaoc uva ayingmenic. Yitnec quellhip apquilpayvam: Ontovamcoc najan ongyinamcoc, onticyoc sat secaseclha — apquiltomjac mataa quellhip.

ISAÍAS 5:11

Enlhit layi apyinaycaoc anmin alhtoo najan uva ayingmenic colnapoc alhtaa.

ISAÍAS 5:8

Enlhit layi apquilmam aplhamoclhojo tingma, apquilyamasma acyanmongam apquilmam aclhamoclhojo amyipayc. ¡Colapvanquejec elhnam poc enlhit, ayinyema apquillhenamap apanco apquilvamlha avotpayc as yoclhilhma apquileyvomaclha!

ISAÍAS 56:12

Apquiltomjac mataa: Noc, ontingyac sat ningyam anmin, yoyam jingilnapoc sat. Secaseclha ongilvajanamcoc sat mocjam ningyam, ontingyac sat mocjam moc asoc — alhta aptomjac Dios Apyimtalhnamo — nic nat aptomjac profeta.

OSEAS 12:8

Apquiltomjac mataa apquilmolhama Efraín: Naso, cascama nincoo ningilnatam, ayinyema ningilvascapma. Mepqui nincoo ningilsilhnanomalhca inganco, nintingyey ningilnatam mepqui ningilyinimquiscama poc — alhta apquiltomjac.

AMÓS 6:13

Apquilyimtalhnesacpec apanco quellhip, apquillhanma: Ningvascapma ayinyema alhta ningmovan najan ningilyimnatem — apquiltomjac quellhip.

HABACUC 1:16

Aptimec enlhit aptingyey quilasma apcayo apquilmaycam yamayin najan asocjalhem. Aptingyascasquic asoc macmescama apquilmaycam, najan apquilvatnama asoc acmasis mayayo apquilmaycam. Cotlaycaoc mataa aptom actamila ayinyema apquilmaycam, colhic sat ayaco.

SAN LUCAS 12:18

Natamin aclhena nic nat apvalhoc: “Va, sat eyca olanac maa. Pac olcoc siclho tingma acyitnaclha nintom. Oyancasiclhojoc sat silanayclha. Oninquinic sat maa acyilhna najan silnatam.

SAN LUCAS 16:19

“Apnec nic nat enlhit ningilnatam inyap. Apquiltalhneclhec nic nat mataa apquilantalhnama apquililhyevay najan apava apquilmopoy. Apcajamacpo ilhnic nat mataa. Apquilanac nic nat mataa actema nac caya apto najan actemaclha ningitsovascama.

SAN LUCAS 21:34

“Elavojo quellhip. Noelyimtalhnes nasa apquilvalhoc actemaclha sinlalictem, actemaclha anmin ato, actemaclha allhanma apquilvalhoc asoc lhalhma anco.

1 CORINTIOS 15:32

Altamjoc oltimnacsic quellhip. Ningalhimsalhquic alhta acyinatamaclha asoc navjac aclom tingma Efeso. Ningilnapalhquic alhta asoc navjac aclom. ¿Soc sat coyanmongiclha actema nac jay? Nasoc sat ancoc mepqui ningnalhaticjangvoycamlha, incaymalhquic ongyiplovcasojo actemaclha aclhenomalhca: “Ingilane sat ontovamcoc najan ongyinamcoc, ayinyemaclha ongilmasquingvomoc sat secaseclha” —intomjac mataa apquillhanma enlhitaoc.

FILIPENSES 3:19

Covac sat acnim yoyam elnatovasacpoc as ingilyalhinga. Apquilvajanamquic mataa actemaclha ayitsepma apnenyaoc, actomja malha acmovan. Apquilyimtalhnesacpec apanco naysicsa apquiltamongvaycmolhma mepqui apquilmancangviyam. Inquillhenquic mataa apquilvalhoc asoc as nalhpop.

1 TIMOTEO 5:6

Am sat ancoc cotamilsalhcac anco tampeyi, cotnejic sat malha ayitsepma napato Dios naysicsa actiyascam.

1 TIMOTEO 6:17

Ilane sat lhip enlhitaoc acma apquilnatam yoyam melyimtalhnesacpejec apanco. Noelane nasa collhenic apquilvalhoc apquilnatam yoyam colvomsic tap. Ayinyemaclha comascoc sat apquilnatam. Ilane sat collhenic apquilvalhoc Dios aptomja singmescama aclhamoclhojo asoc naysicsa ayaymomalhca asoc.

2 TIMOTEO 3:4

Eltimjic sat mataa apquilyinimquiscama poc najan mepqui apquilangvoyam. Elyimtalhnesacpoc sat apanco. Coyangvomoc sat almayjayo apquilvalhoc. Casilhtojoc sat aclhanma apquilvalhoc Dios.

SANTIAGO 5:5

Avanjec mataa aptoycaoc quellhip aclhamoclhojo acnim apquileyvam as nalhpop. Apnamilay apquiltomja quellhip. Incovac sat acnim yoyam eticyo quellhip. Malha acticyovam ninatoscama acnamilay sat cotnejic.

1 SAN PEDRO 4:3

Invocmec nelha quilhvo nac jay quellhip apquiltemaclha nano apquilvajaneycaoc enlhit lhalhma anco. Apquilvajanamquic alhta quellhip actemaclha mepqui apquiltamilcasomacpo apanco najan actemaclha apquilanatama najan actemaclha apyeyjamelhma ayinyema anmin najan mengyascama etovamcoc najan mengyascama elyinamcoc anmin najan actemaclha apquilpayescamo asoc apquilyitquiscama Dios singascamaclha ongilpayicsojo.

EL APOCALIPSIS 18:7

Elyanmongsiclha sat quellhip actemaclha alhta acyeycajangvaycmo asoc. Ellhnasojo sat acyanmongayclha yoyam elngamcojo acmasca. Intomjac alhta apquilvalhoc: “Malha apvisqui actomjac coo. Jave coo tampeyi. Molngamqueje coo acmasca” —intomjac mataa apquilvalhoc.

1 SAMUEL 30:16

Apyantamaclhec nic nat apnamcaclha apquilminyilhma. Apquilhpanec nic nat apquilminyilhma, malha fiesta apquillanay, aptoycaoc najan apyinaycaoc. Ayinyema asoc alminyilhamalhca siclho yoclhilhma Filistea najan maa Judá.