SAN LUCAS 12:16 - Enhlit Bible

¹⁶ Apquiltimnasamcaa alhta Jesús actemaclha apyitquiscama: —Apnec nic nat lhama enlhit ningilnatam inyap. Avanjec nic nat acnaclhomalhquilha acyilhna.

SAN LUCAS 12:16 Iomraidhean Croise

JOB 12:6

Mepqui mataa apquilay apquilmapsomcaa natingma, mepqui apquilay naysicsa apquilvenéycam Dios, apquilanem apvisay apmomap Visqui ingac.

JOB 24:23

Elmiyovacpoc sat apquiltomja melyasquiyam, apquilanoc mataa Dios apquiltomjaclha enlhit.

SALMOS 73:12

Quip elanojo apquiltemaclha apquilmapsomcaa. Apquilansaclhec mataa apquilnatam mepqui molyascamalhma.

SALMOS 73:3

Ayinyema alhta sicyasipquiscama enlhit apquilyimtalhnesomap apanco. Ayinyema alhta sicvita aptemaclha apquilinyejemo enlhit apquilmapsomcaa.

EZEQUIEL 16:49

Eycaso alhta actemaclha anco inyalhing co Sodoma: Avanjec alhta ayajamalhco avalhoc, najan ayitquic. Cotlaycaoc alhta actoycaoc, mepqui ayaymomalhca asoc. Mepqui mataa ayimlaycmo anaymacoc mepqui apquilnatam.

OSEAS 2:8

Paj jeyicpilcac alhta quilvana, sicvisay coo siyaycaoc nintom trigo, najan uva ayingmenic, najan olivo ayingmenic. Sicmescama alhta plata najan oro alyinmom, ayinyema alanomalhca quilaycmasquiscama acyitsomalhca dios.

SAN MATEO 13:8

Inpalvocmec nic nat nicja actic actamilaclha lhopactic. Inquictinquic nic nat. Inlhamaclhec nic nat acyilhna. Lhama actic nic nat invocmec cien actic. Moc actic invocmec sesenta actic. Moc actic invocmec treinta actic.

SAN MATEO 5:45

Eltimjic sat quellhip apquitquic Ingyapam apna netin. Aptipcasquic mataa acnim Dios Ingyapam, yoyam colsavojo olhma apnamcaclha enlhit apquiltamila najan enlhit apquilmapsomcaa. Apcapajasquic mataa acmamay apnamcaclha enlhit apquilpeyvomo najan enlhit melpeyvomo.

SAN LUCAS 12:15

Aptomjac alhta mocjam: —Elavojo quellhip actemaclha ningmayjayo ongyeycajasalhcojo ningilnatam. Jave aclhamoclhojo ningilnatam actomja acyimnatescama ingnenyic —alhta aptomjac.

SAN LUCAS 12:17

Yejemoc nic nat aclhena apvalhoc ningilnatam inyap: “¿Jalhco sat otnejic? Paj sicnincanmaclha acyilhna.”

LOS HECHOS 14:17

Inlingasalhquic nic nat mataa aptemaclha apanco Dios Ingyapam nipyesicsa enlhitaoc. Ayinyema ilhnic nat apmescama mataa asoc altamila. Ingmesquic mataa acmamay najan cotlaycaoc acyilhna. Apquilpayesaclhec mataa ingilvalhoc singmesa nintoycaoc acmenmalhem najan asoc, yoyam ongilitsovacsojo —alhta apquiltomjac Pablo najan Bernabé.