SAN LUCAS 11:36 - Enhlit Bible

³⁶ Insovjoc sat ancoc ayitsayolhma ningyovoclhojo, mepqui lhama yatescamalhma, ayalhnaclhojo sat colhnamcoc aclhamoclhojo asoc. Malha calevascama ayapongmatem sat cotnejic singitsasquiscamalhma nincoo —alhta aptomjac Jesús.

SAN LUCAS 11:36 Iomraidhean Croise

PROVERBIOS 1:5

Ongilaylhojoc sat mataa ningiltomja inlhojo ningyascamco, coyangvomoc sat acmam ingvalhoc.

PROVERBIOS 20:27

Espíritu inganco acvisay Dios aptotquiscamaclha (apcapongmatquiscama), actomja acpiquinayclha ayalhnaclhojo ingilvalhoc.

PROVERBIOS 6:23

Naso, calevascama ayapongmatem acyitsomalhca singanamaclha singiltamescama. Naso, amay actemaclha acyimnatem ingnenyic acyitsomalhca ningiltamsomalhca.

ISAÍAS 42:16

Onaliclhac sat mepqui apataoc amay alhnancoc. Onaliclhac sat enlhit amay pac melvitayaclha. Omascocsic sat yatescamalhma. Cotniclhac sat ayitsayolhma. Opeyvasiclhac sat alvoyam congne, cotnejic acpeyvomo. Eycaso sicmovan otnejic as asoc. Osavojoc sat acyovoclhojo.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

OSEAS 6:3

Pac ongilvascapoc, yoyam ongilyasamcojo apmayjayoclha Dios. Ingyilhyemoc sat Dios Visqui ingac jingilpalhavota. Nasoc anco as amyaa, acno actiyapma mataa acnim, acno acmamayaclha ayenmo año najan nelha año — alhta apquiltomjac co Israel.

SAN MATEO 13:52

Aptomjac alhta mocjam Jesús: —Apyasingvocmec sat ancoc lhama escriba apyascamco apquiltemaclha amyaa Visqui netin apquilnancascama. Eyitsacpojoc sat ningmolhama inyap acma asoc apanco acmamnave. Apvanquic elcoc mataa asoc alhnancaoc najan asoc nano —alhta aptomjac.

SAN MATEO 5:15

Ningalevasquic sat ancoc calevascama, mongajapsic sat coning yingmin alhancoc. Onquilhnic sat netin, yoyam cotsacsic sat olhma enlhit apnaycam congne tingma.

SAN LUCAS 11:35

Pac ontamilquisic sat ayitsayolhma ingvalhoc, yoyam cotneje yatescamalhma ingvalhoc.

SAN LUCAS 11:37

Lhama alhta apsovja apquiltimnaycam Jesús. Apcanyacpec alhta etasomoc fariseo tingma pac. Yejemoc alhta aptalhningvocmo tingma pac. Apnacmo alhta nicja mesa.

2 CORINTIOS 4:6

Aptomjac nic nat Dios: “Colsacsic sat olhma naysicsa yatescamalhma” —nic nat aptomjac. Eyca as Dios aptomja apquitsasquiscama olhma ingilvalhoc. Apquiltamjoc Dios yoyam ongyicpilcojo ayitsayolhma apanco, acyitna apvalhoc Jesucristo.

EFESIOS 4:14

Quip elaylhojo. Mongvanquejec ontimjic nincoo mongyasquiyam malha sicaa. Mongvanquejec nincoo ongiltimesic mongyasquiyam, malha yingmin alyayajayam acyingam lhcajayam. Mongvanquejec nincoo ongilyejiclhojo aclhamoclhojo actemaclha amyaa yoyam jingilsilhnana. Apquiltamjoc mataa poc enlhit jingilsilhnana.

COLOSENSES 3:16

Elane sat coyangvomoc allheneycam apquilvalhoc Jesucristo appayvam nipyesicsa quellhip. Ellhicmosacpojo sat nipyesicsa quellhip actemaclha apquilyascamco. Elpasim sat mataa poc. Elminaycmas sat mataa actemaclha apquilayo Dios. Elminaycmas sat ningminaycmascama alvisay salmos najan alvisay himnos najan actemaclha ningayo Dios. Collhen sat mataa apquilvalhoc Dios naysicsa apquilminaycmascama. Ayinyemaclha apquillhocac quellhip Dios apcaycaoc.

HEBREOS 5:14

Apquiltovcamquic nintom acyimnatem enlhit meltomja sicaa. Ayinyemaclha apquilyasingvocmec aclhamoclhojo nintemaclha. Apquilyasamcoc asoc acvisay actamila najan asoc acvisay acmasom.

SANTIAGO 1:25

Am sat ancoc jingilvoncacmoc actemaclha ninlingay Dios appayvam. Ningilinlhanacmec sat ancoc ningyiplovquiscama singanamaclha, colhic sat singvoclho. Jingilvoncamejec sat actemaclha ninlingay. Ontimjic sat ningyiplovquiscama Dios appayvam. Copayjiclhac sat ingvalhoc naysicsa ningyiplovquiscama.

2 SAN PEDRO 3:18

Elyasingvom sat mocjam actemaclha singasicjayo Jesucristo Visqui ingac aptomja singvomquiscama tap. Pac ongiltimjic ningilayo Visqui ingac quilhvo nac jay acvocmo actamongvomlha nelha acnim. Amén.