SAN LUCAS 11:24 - Enhlit Bible

²⁴ “Intipquic ancoc somquic quilyicjamo enlhit apvalhoc yejemoc coyacsic yoclhilhma actamopeycaoc. Acmaclha intingyac. Am sat ancoc cotac, sat cotnejic: “Pac otajojoc sat mocjam sicmaclha alhta apvalhoc enlhit” —sat cotnejic.

SAN LUCAS 11:24 Iomraidhean Croise

JOB 1:7

Aptomjac nic nat Dios apcanya singyipconma: —¿Co laa apquinyectamlha lhip? — nic nat aptomjac. Apcatingmavoc nic nat singyipconma: —Actiyasam ajanco nalhpop lhalhma anco — nic nat aptomjac.

JOB 2:2

Aptomjac nic nat Dios apcanya singyipconma: —¿Co laa apquinyectamlha lhip? — nic nat aptomjac. Apcatingmavoc nic nat singyipconma: —Actiyasam ajanco alhta nalhpop lhalhma anco — nic nat aptomjac.

SALMOS 63:1

O Dios, lhip aptomja Visqui ajac. Inquitamquic mataa evalhoc lhip, malha siyitamsama sicyam yingmin. Ayitamquic mataa lhip, malha amyip acyamay mepqui acmamay.

PROVERBIOS 4:16

Mepqui actamilaycam apquilvalhoc apquilmapsomcaa, najan alhtaa. Apnatovasquic mataa poc, natamin elyitnamcoc yoyam elnateynic.

ISAÍAS 35:7

Cotalhcac sat yingmin acyayengviyam payjoc yoclhilhma actamopeycaoc, aclhamoclhojo alantiyapmaclha yingmin. Cotalhcac sat ayimjaclha yammamoc najan moc ayimjaclha, payjoc aleyvomaclha yamvavo chacales.

ISAÍAS 44:3

Oyanquincajac sat yingmin yoclhilhma acyamacoclhilhma. Otipsic sat vatsam acyamayo lhopactic. Opquinic sat Espíritu ajanco apquilvalhoc apquitquic. Ovaticjapsic sat aptovana quilhvoc appaliyam.

ISAÍAS 48:22

Melmiyovacpejec mataa enlhit selinmelhaycam — alhta aptomjac Dios Apyimtalhnamo — nic nat aptomjac profeta.

SAN MARCOS 5:10

Apquilinlhanacmec alhta apquilmalhnaycam, yoyam melapajacseje as yoclhilhma.

SAN MARCOS 9:25

Lhama alhta apvita Jesús apnateymantamo enlhit appintalhnama. Apquilpalhimcaso alhta eyca somquic quilyicjamo: —Actomjac coo siyanya: Cotyip somquic quilyicjamo mepqui acpayvam najan mepqui ajaycaoc. Nocotalhningvota nasa mocjam —alhta aptomjac.

SAN LUCAS 11:25

Invoctac sat ancoc actepaclha alhta, invitangvoctac ayalhnayo apvalhoc enlhit najan alanaclho.

EFESIOS 2:2

Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam.

1 SAN PEDRO 5:8

Eltamilsojo apquilvalhoc quellhip. Elantiyapmojo sat mataa. Ayinyemaclha innec cotnaja ingmoc acvisay diablo yavey. Actomja malha asoc navjac aclom. Intingyam mataa yoyam cajic.