SAN LUCAS 11:13 - Enhlit Bible

¹³ Quip elanojo. Apsomcavo inyicje quellhip. Apvancaac quellhip elmesamcoc apquitquic asoc altamila. Aptasoc apanco Ingyapam netin. Ningilmalhnaquic ancoc jingilmesic Espíritu Santo, coyangvomoc sat singilmescama —alhta aptomjac Jesús.

SAN LUCAS 11:13 Iomraidhean Croise

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

SALMOS 51:5

Naso, sicmasom coo ayenmo sictiyaycamlha. Sicmasom nac coo ayenmo motyaycamlha coo.

PROVERBIOS 1:23

Quip elaylhojo nintemaclha ningiltamsoycaoc, ellhovamcoc sat actamilaycam apquilvalhoc quellhip, colhic sat acyascamco apquilvalhoc.

ISAÍAS 49:15

Aptomjac Visqui ingac apquilanya: ¿Avanqui ya quilvana colvoncamoc ayitca comascoc ayasicjayo? Inquilvoncacmec sat ancoc inquin, coo eyca jelvoncamejec sat mataa quellhip.

EZEQUIEL 36:27

Coo espíritu ajanco olhnecsic sat apquilvalhoc quellhip, elyiplovcasojoc sat quellhip siyanamaclha najan siyascamalhca.

JOEL 2:28

Aptomjac alhta Dios Apyimtalhnamo: Ongvapajacsic sat nalhit acnim espíritu ajanco elhic sat apquilvalhoc apyovoclhojo enlhitaoc. Ellingacsic sat sicvisay quellhip apquitquic apquilinava najan quilvanaa. Colvitac sat apquilvanmoncama apquilvanyam najan quilyimnanic.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

SAN MATEO 5:45

Eltimjic sat quellhip apquitquic Ingyapam apna netin. Aptipcasquic mataa acnim Dios Ingyapam, yoyam colsavojo olhma apnamcaclha enlhit apquiltamila najan enlhit apquilmapsomcaa. Apcapajasquic mataa acmamay apnamcaclha enlhit apquilpeyvomo najan enlhit melpeyvomo.

SAN MATEO 6:14

‘Apquilasicjaclhec sat ancoc quellhip enlhit apquillhanma apquilmapsomcaa, emascocsic sat najan Ingyapam netin melyascalhma quellhip.

SAN MATEO 6:30

Apquilanesquic Dios Ingyapam altamila ava paat ayimja yoclhilhma. Inquictinquic acnim nac jay. Secaseclha sat comyetic acyitnaclha talha. Apvanquic Dios Ingyapam jintimesquisic acma ningilantalhnama, am colhnoc paat ava. ¡Noelyasquim nasa quellhip!

SAN MATEO 6:32

Eycaso aptingyamquic mataa enlhitaoc lhalhma anco. Apyasamcoc Dios Ingyapam asoc alaymomalhca quellhip.

SAN MATEO 7:11

Paj. Apyap emquesic sat asoc altamila. Quip elanojo. Apsomcavo inyicje quellhip. Apvancaac quellhip elmesamcoc apquitquic asoc altamila. Aptasoc apanco Ingyapam netin. Ningilmalhnaquic ancoc asoc altamila, coyangvomoc sat singilmescama as asoc.

SAN LUCAS 11:12

Apquilmalhnaquic ancoc apquitca tataa apoc, ¿apquiltamjo ya lhquip emquesic yitaja?

SAN LUCAS 11:2

Apcatingmavoc alhta Jesús: —Eltime sat elmalhnac quellhip actema nac jay: Ingyapam nincoo apna netin. Inponquinalhquic lhip apvisay. Ingyane sat covac lhip apquilnancascama. Ingyane sat cotnejic actomja apmayjayoclha as nalhpop acno maa netin.

SAN LUCAS 18:7

Najan apquiltemaclha Dios apquitquic apquilyacyesomap. Apquilpalhamam mataa apquililmalhnancama acnim najan alhtaa. ¿Apquiltamjo ya Dios Ingyapam elpeyvescasiclha napatavo apquilinmelhaycam? ¿Yejeme ya epasmoc apquitquic Dios Ingyapam?

SAN JUAN 4:10

Apcatingmavoc alhta Jesús: —¿Inyasamco ya lhca Dios Ingyapam apcaycaoc? ¿Jeyicpilco ya coo siyanya lhac jeyacvesic yingmin? Ayanayc coo am jeyicpilcac lhiya. Jeyicpilcoc sat ancoc lhiya, quilhvoc sat jeyanic, yoyam omquesic lhiya yingmin actemaclha mongitsepma —alhta aptomjac.

LOS HECHOS 2:38

Apcatingmavoc alhta Pedro: —Elyanmonquis apquilvalhoc napato Dios Ingyapam. Eltingya macyapascaseycaoc yingmin actema apquillhanma apvisay Jesucristo. Colmascosalhcac sat melyascalhma quellhip. Ellhovac sat Espíritu Santo Dios apmescama.

ROMANOS 5:17

Lhama enlhit nic nat ayinyemayaclha siclho ningitsepma actomja acmovan. Colhic sat ningmovan nincoo ayinyema lhama enlhit apvisay Jesucristo. Ayinyemaclha ningillhocac nincoo Dios singaycaoc aptomja singiltimesquiscama ningilpeyvomo actemaclha singmescama nasa.

ROMANOS 7:18

Acyasamcoc coo, paj lhama sictemaclha ajanco actamila. Inlhenquic inyicje evalhoc yoyam oyiplovcasojo actemaclha actamila, am eyca oyiplovcasac mataa.

ROMANOS 8:32

Am alhta emyavac Apquitca apanco Dios. Apyinyovquic alhta Apquitca yoyam ematong singyanmongam nincoo. Apcapajasquic alhta Apquitca ningyesicsa, malha singmescama. Yiplovcoc singmescama aclhamoclhojo asoc.

TITO 3:3

Yitnec nat nincoo lha nintemaclha inganco, actemaclha mongilyascamco najan actemaclha mongilyajayquiclho Dios. Ningillhinganacmec nat ninlhamoclhojo. Ningyiplovcasquic nat actemaclha ayitsepma ingnenyaoc asoc almasomcaa. Najan actemaclha ningyasipquiscama ingmoc. Najan actemaclha ningiltanoncama ingnaymacoc najan actemaclha ningiltanovmalhca ningyesicsa.