SAN LUCAS 11:1 - Enhlit Bible

¹ Yoclhilhma apvoycamlha alhta apquilmalhna Jesús Ingyapam. Natamin apquilmalhnancama aptomjac apcanya lhama apquiltamescama: —Visqui, jingillhicmos nincoo actemaclha ningilmalhnancama. Acno Juan alhta apquillhicmoscama apquiltamsoycaoc —alhta aptomjac.

SAN LUCAS 11:1 Iomraidhean Croise

SALMOS 10:17

Visqui ingac. Apjalhnoc lhip apquilmalhnancama enlhit conjamalhca apquilvalhoc. Aptamilquiscacmec lhip apquilvalhoc.

SALMOS 19:14

Ilyejiclhojo sat lhip actomjaclha sicpayvam najan actemaclha aclhanma evalhoc lhip. Visqui ingac, cayjec anco siyinmamcaclha lhip setnimquiscama. Lhip aptomja semasma coo.

SAN LUCAS 10:42

Lhama asoc eyca ningilanyomalhca ongillanac. Inyacyesquic lhac María actamila asoc. Colatamalhqueje nac maa —alhta aptomjac.

SAN LUCAS 11:2

Apcatingmavoc alhta Jesús: —Eltime sat elmalhnac quellhip actema nac jay: Ingyapam nincoo apna netin. Inponquinalhquic lhip apvisay. Ingyane sat covac lhip apquilnancascama. Ingyane sat cotnejic actomja apmayjayoclha as nalhpop acno maa netin.

SAN LUCAS 6:12

Eyca as acnim apquinatveclho alhta Jesús inquilhe acvinatem, yoyam elmalhna Ingyapam. Aptiyapecmoc alhta apquilmalhnancama Dios Ingyapam.

SAN LUCAS 7:13

Lhama alhta apvita Visqui ingac. Apyovsec alhta apquilano. Aptomjac alhta apcanya: —Noncovin nasa —alhta aptomjac.

SAN LUCAS 7:19

Apquilapajasa alhta apnaclha Visqui ingac. Eltime sat elanic quellhip: —¿Lhip ya aplhenacpo alhta, yoyam eva, inlhoyqui laa ongilaylhic sat poc? —alhta aptomjac Juan.

SAN LUCAS 9:18

Aplhapcoc alhta aptomja apquilmalhna Ingyapam Jesús. Apquillhalhmaa alhta apquiltamsoycaoc. Aptomjac alhta apquilanya Jesús: —¿Jalhco lhcac apquiltomja enlhitaoc sellhena coo? —alhta aptomjac.

SAN LUCAS 9:28

Ocho acnim alhta invocmoc natamin aplhanma appayvam Jesús. Apquinatvocmo alhta inquilhe acvinatem. Apnalaclhec alhta Pedro, najan Juan najan Jacobo.

HEBREOS 5:7

Aptiyasam alhta Cristo as nalhpop. Apquilmalhnaquic alhta mataa Dios actemaclha apvinama najan actemaclha apyimnatescama appayvam. Ayinyemaclha apvanquic alhta Dios evomsic tap naysicsa apquitsepma. Apquilyajaclhoc alhta Dios apquilmalhnancama Apquitca, ayinyema apquilyajayquiclho apmayjayoclha apyap.

SAN JUDAS 1:20

Quellhip elyalhinga. Elvascap quellhip elyiplovcasojo melyasquiyam acmamnave anco. Elilmalhna mataa asoc ayinyema apmopvan Espíritu Santo.