SAN LUCAS 10:42 - Enhlit Bible

⁴² Lhama asoc eyca ningilanyomalhca ongillanac. Inyacyesquic lhac María actamila asoc. Colatamalhqueje nac maa —alhta aptomjac.

SAN LUCAS 10:42 Iomraidhean Croise

SALMOS 119:111

Lhip appayvam actomja malha sicmayclha ajanco, comasquingvomejec mataa. Lhip appayvam actomja acpayesayclha mataa evalhoc coo.

SALMOS 119:173

Ipenacsojo sat lhip, yoyam jepasingvota. Alyacyesquic coo lhip appayvam.

SALMOS 119:30

Actingyac coo actemaclha nasoc anco. Altamjoc singanama ayinyema lhip.

SALMOS 142:5

Avanjec sicyimatescama sicpayvam Visqui ajac. Actomjac siyanya lhip: —Lhip nac semasma coo (sicyilhanmeycam). Lhip nac setingyasquiscama asoc naysicsa sictiyascam.

SALMOS 17:15

Coo eyca actamila evalhoc. Otac sat lhip napaat. Olhic sat napato lhip natamin siclhaticjay.

SALMOS 27:4

Yitnec coo lhama asoc yoyam olmalhnam mataa: —Ingyane sat olhic mataa lhip tingma pac aclhamoclhojo acnim sictiyascam coo. Altamjoc olanojoc mataa aptemaclha lhip singasicjayo, najan aptemaclha tingma apponquinomap.

SALMOS 73:25

Inlhenquic mataa evalhoc lhip apna netin, paj poc. Inlhenquic mataa evalhoc lhip as nalhpop, paj moc asoc.

ECLESIASTÉS 12:13

Nelha quilhvo nac jay, ningiltomja ningyasingvoyam: Incaymalhquic nincoo ninlhamoclhojo ongilavojo Dios Visqui ingac, incaymalhquic ongyiplovcasojo singanamaclha.

SAN MARCOS 8:36

Alhto inyicje ningmam ningmetsovjam asoc lhalhma anco acyanmongam ingvalhoc ingancoc.

SAN LUCAS 10:39

Inyalhing alhta innac acvisay María. Innacmec alhta apnaclha Jesús acpayjo apmancoc. Inquiljalhnoc alhta aplhanma.

SAN LUCAS 11:1

Yoclhilhma apvoycamlha alhta apquilmalhna Jesús Ingyapam. Natamin apquilmalhnancama aptomjac apcanya lhama apquiltamescama: —Visqui, jingillhicmos nincoo actemaclha ningilmalhnancama. Acno Juan alhta apquillhicmoscama apquiltamsoycaoc —alhta aptomjac.

SAN LUCAS 12:20

Aptomjac nic nat apcanya Dios Ingyapam: “Enlhit meyascamcolhma nac lhip. Ingyitsapoc sat lhip alhtaa nac jay. ¿Soc sat enlhit etnejic apancaoc apquilnatam apnincanma lhip?” —nic nat aptomjac Dios Ingyapam.

SAN LUCAS 12:33

Elquilhaoc asoc apancaoc. Elmesaoc sat apnaymacoc. Elana quellhip najapa, cotnejec sat ápaoc (solyayem). Colhic sat apquilnatam netin mevoycamlha apminyilhma. Cotovejec ascoc maa.

SAN LUCAS 16:2

Yejemoc nic nat apquevamcaa apvisqui. Aptomjac nic nat apcanya mayordomo: “¿Soctomja siclinga nac apvisay lhip? Ilyipsit siclho aclhamoclhojo asoc. Altamjoc oyasamcojo acvamlha asoc acyitna. Copvanquejec mocjam lhip etnejic mayordomo” —ilhnic nat aptomjac apvisqui.

SAN LUCAS 16:25

Apcatingmavoc nic nat Abraham: Emoc, coyit apatic nintamin alhta. Altamila asoc alhta innamcoc lhip mengyitsepmaclha. Asomcoc alhta aptiyascam mengyitsepmaclha Lázaro. Quilhvo eyca intamalvaac apvalhoc Lázaro. Apyovsec lhip quilhvo acmasca.

SAN LUCAS 18:22

Lhama alhta aplinga Jesús, aptomjac alhta apcanya: —Lhama asoc ayaymalhco lhip. Itlhaoc sat aclhamoclhojo apquilnatam. Ilmes sat acyanmongam solyayem enlhit mepqui apquilnatam. Colhic sat apquilnatam almamnave netin. Jeyota sat, jeyiplovjo sat mataa —alhta aptomjac.

SAN LUCAS 8:18

“Collhenam sat ingilvalhoc amyaa ninlingay nincoo. Yitnec sat ancoc asoc, ongillhoveclhac sat mocjam. Yitnec sat ancoc lhama asoc, colhic sat sintapilhquiscaso asoc ingac —alhta aptomjac Jesús.

SAN JUAN 11:1

Ningmasquem alhta intomjac lhama enlhit apvisay Lázaro. Tingma Betania alhta tingma pac. Ayaoclha alhta María najan inyalho Marta.

SAN JUAN 11:19

Apquilvoctac alhta aplhamoclhojo judíos tingma ac Marta najan María. Apquililtamjoc alhta elpayesiclhac avalhoc quilvanaa. Ayinyemaclha apquitsepquic alhta inquilyalhing.

SAN JUAN 12:3

Yejemoc alhta acsantamo María nardo ayingmenic acmasis anco, malha medio litro. Acmamnave anco nardo ayingmenic. Incatsiscasquic alhta María apmancoc Jesús. Inlicasquic alhta naváyc ava apmancoc Jesús. Inpayjeclhec alhta acpaniyam asoc masis congne tingma.

SAN JUAN 17:3

Apquiltamjoc lhip, yoyam elyicpilcangvomoc enlhitaoc, lhip aptomja Dios Ingyapam apvamlha pac lhama aptomja nasoc anco. Yoyam elyicpilcangvomoc sicvisay Jesús sictomja Cristo aptomja lhip apcapajascama. Eyca as acvisay acyimnatem ingnenyic cotmongvoycamlha nelha.

SAN JUAN 4:14

Mejingajiclhejec sat mataa acnim ningiltomja ningyam yingmin ayinyema sicmescama coo. Eycaso yingmin sicmescama coo cotnejic sat actiyapmaclha mataa yingmin ingvalhoc ingac. Yoyam colhic sat acyimnatem ingnenyaoc cotmongvoycamlha nelha —alhta aptomjac.

SAN JUAN 5:24

‘Actomjac coo silanya quellhip: Naso, colhic sat acyimnatem apnenyic moclhama enlhit aptomja apjalhenmo sicpayvam najan aptomja meyasquiyam coo Tata aptomja seyapajascama. Metvasacpejec sat as enlhit, ayinyemaclha aptipquic naysicsa ningitsepmaclha, apvocmec acyimnatamaclha ingnenyic.

SAN JUAN 6:27

Noeltingya nasa quellhip nintom anco as nalhpop. Eltingya sat quellhip nintom actomja acyimnatescama ingnenyic cotmongvoycamlha nelha. Evanquic olmesic quellhip as nintom. Ayinyemaclha coo sicvisay Sictiyam Sictomja Enlhit. Dios Ingyapam aptomja selcajascama sictomja Apquitca —alhta aptomjac.

1 CORINTIOS 13:3

Acmilasquic sat ancoc aclhamoclhojo silnatam nipyesicsa enlhit mepqui apquilnatam. Am sat ancoc omyovsalhcoc ajanco, malha acmeta sicyovoclhojo sat cotnejic. Eyca acyitna mepqui siyasicjayo. Alhtoc sat cotnejic sictemaclha.

GALATAS 5:6

Ningilanalhco ningiltomja ninpasmeyquiclha Cristo Jesús. Colhenalhquejec mataa asoc monquinatquiscama ingyimpejic najan mepqui asoc monquinatquiscama ingyimpejic. Incaymalhquic coytic mongyasquiyam naysicsa ningyiplovquiscama actemaclha ningasicjayo.

DEUTERONOMIO 30:19

Quilhvoc as acnim nac jay olhenic sat acvisay netin najan acvisay nalhpop, actomja acvitaycamco ayinmelhaycam quellhip. Quellhip apquiltomja apquilyacyescama: acvisay acyimnatem apnenyaoc najan actamilaycam apquilvalhoc, moc acvisay apquilitsepma najan acmasom apquilvalhoc. Elyacyes sat quellhip acyimnatem apnenyaoc, cotamiliclhac sat apquileyvam quellhip najan apquileyvam aptovana quellhip.

JOSUÉ 24:15

Am sat ancoc colyacmoc quellhip, elyasamcojo quilhvo nac jay, yavamlha eltimjic: ¿Naso ya eltimjic apquilayo quellhip quilaycmasquiscama, apquilmaycam nic nat apquilyeyjamcaa tap vatsam Éufrates? Inlhojo eyca laa, eltimjic apquilayo quellhip quilaycmasquiscama apancaoc amorreos, actomja apquilaoclha as yoclhilhma. Coo eyca najan apyovoclhojo sicmolhama, ontimjic mataa ningilayo Dios Apyimtalhnamo — nic nat aptomjac Josué.

JOSUÉ 24:22

Aptomjac nic nat Josué apquilanya: —Apquillingac lhac quellhip apquilpayvam apancaoc — nic nat aptomjac Josué. —Naso, ninlingac lhac ningilpayvam inganco — nic nat apquiltomjac.